နှစ်ကူးသ၀ဏ်လွှာ

နှစ်ကူးသ၀ဏ်လွှာ

သင်နှင့်ကျွန်ုပ် ထပ်မံ၍ ဆက်ဆံပါဦးမည်။
နှစ်ဦးနှစ်ဖက်ကြားရှိ သံချေးတက်လျက်ရှိသော နားလည်မှုများအား ကော်ပတ်စားတန်စား
မှုန်ဝါးကာ မကြည်လင်တော့သော အစိတ်အပိုင်းတချို့ရှိက သူ့အတိုင်းဝါးနေမြဲဝါးကာ
အရည်ကလေးထွက်လာလျှင် တစ်ဖက်နယ်နမိတ်ထံ လွန်ကျူးမှုကင်းမဲ့စေ၍ ထွီခနဲ
ထွေးထုတ်ပစ်နိုင်ကြောင်း။
လွတ်လပ်စွာ ပြောဆိုရေးသားခွင့်ကို လေးစားတန်ဖိုးထားသင့်လျက်
ဓားချက်တိုင်းကို တိကျသေသပ်လှပ
“က”ကွက်တိုင်းမှာ ပြေပြစ်အချိုးကျအသက်ဝင် တစ်ဦးအချုပ်အခြာထဲတစ်ဦး
မထိပါးဘဲ အိပ်-စား-ကာမကောင်များသာမက ပုံမှန်-ရုန်းကန်-ရှင်သန်သူတွေနှင့်
တွေးခေါ်-မြော်မြင်-ကျမ်းပြုဆရာများပါမကျန် အေးချမ်းနှစ်လိုပျော်ရွှင်ဆိတ်ငြိမ်ရာ
ဖန်တီးနိုင်သေးသည်။
သင့်ငှက်များ မြူးထူးကျက်စားခိုလှုံနိုင်ရန် ကျွန်ုပ်၏ သစ်ရိပ်များ အစွမ်းကုန်
လန်းဆန်းထားမည်။မိုးအကြောင်း မြေအကြောင်း ကူးသန်းရောင်းဝယ်ရေးဗေဒများလည်း
ဖွံ့ဖြိုးဝေစည်ရန်ရည်သန်သကဲ့သို့ ကျွန်ုပ်၏ အနည်အနှစ်များ သင့်ထံပါး ပို့ချကျွန်းစု
သောအခါ အားကောင်းဖြစ်ထွန်းမြေဆီလွှာအထပ်ထပ်ကို မနက်ဖြန်အတွက်
သင်မျှော်လင့်နိုင်ကောင်းမည်။
အရပ်လေးမျက်နှာမှ အမနာပစကားများသည်လည်းကောင်း
ထက်အောက်ဝန်းကျင်တစ်ခွင်မှ သွေးထိုးဆူဝေသံများသည်လည်းကောင်း
ကျွန်ုပ်အား စိုးစဉ်းမျှ မပွန်းရှနိုင်သည်ဖြစ်ရာ သင့်ထံ၌လည်း စဉ်းငယ်မှ သက်ရောက်မှု
မရှိဖို့အတွက် ဆုမွန်ကောင်းတောင်းသည်။ဂုံနှီအိတ်ချုပ်အပ်များမှသည်
တာဝေးပစ်အဏုမြူဒုံးကျည်များတိုင်အောင် အဆက်အသွယ်ကောင်းများ
အရှည်သဖြင့်စီးဆင်းလိုသည်။
နှစ်ဦးနှစ်ဖက်ယဉ်ကျေးစွာ ရင်းနှီးကူးလူးရာမှ ကတောက်ကဆ အရေးတော်ပုံမျိုး
ဆိုက်လျှင်တောင် အချက်ကျကျ ယဉ်ကျေးစွာ ဆဲဆိုတုန့်ပြန်ခွင့်ထားရှိမည်။
သင့်မိသားစု၌ သင့်စည်းမျဉ်းသည် ကျောက်သားသဖွယ်တည်တံ့သည့်အလား
ကျွန်ုပ်မိသားစု၌ ကျွန်ုပ်စည်းမျည်းသည် ရေအလျဉ်ကိုတောင် ပြတ်တောက်စေနိုင်သည်။
သင်နှင့်ကျွန်ုပ် အကျိုးတူသဒ္ဒါမှန်စွာ အရသာတွေ့နေသည့်ကာလအတွင်း
ဂျင်းဘောင်းဘီနောက်အိတ်ထဲ မည်သည့်အချိန်ဖြစ်စေ နည်းပညာမှောင်ခိုကူးရန်
အဆိပ်အတိပြီးသော မမ်မိုရီစတစ်တစ်ခုသယ်ဆောင်မလာအပ်။
မွှေးရီသင်းရှဖွယ် ဂရန်းရွုင်ရယ်အလတ်တစ်လုံးသာ ထိုးထည့်အပ်လှ၏။
(၁)မျိုးသုဉ်းပျောက်ကွယ်လုအံ့ ကုန်းနေ ရေနေ လေနေသတ္တ၀ါမျိုးစုံအား
အချိန်အခါမရွေး ထိန်းသိမ်းစောင့်ရှောက်ရန်
(၂)အမြဲတစေဖောက်လွဲဖောက်ပြန်ဖြစ်နေလေသော သဘာဝတရားကြီးအတွက်
ကျွတ်ကျွတ်အိတ်လျှော့ချ/သစ်ပင်ပြန်စိုက်/စွမ်းအင်ချွေတာ/ဆင်ခြင်အသိဥာဏ်ထားရှိရန်
(၃)အာဏာပါဝါထူထောင် အထက်အောက်ဖိစီးမှု မျှခြေမဲ့ တစ်လူတစ်မင်းစနစ်
ကျင့်သုံးရေးပပျောက်ရန်
(၄)မူလသိစိတ်အား ဘာသာရေးနှင့် အပင်းသွင်းကာ အသေခံအကြမ်းဖက်ကိုးကွယ်မှုများ
ကင်းစင်ရန်တည်းဟူသော သင်နှင့်ကျွန်ုပ်ကြားက ရေရှည်နှစ်ဦးသဘောတူညီချက်များမှာ
ဝက်ဘ်ပေ့ခ်ျထက်၌သာ ရေးထားကြခြင်းမဟုတ်သည်ကို သတိရှိပါ။
သင်အကျိုးမဲ့စေရန် ဗိုင်းရပ်စ်သစ်များပါရှိသည့် ဖော်ဝပ်မေးလ်များ ကျွန်ုပ်မပို့ပါ။
ကျွန်ုပ်ထံသို့သာ နောက်ဆုံးပေါ် မြန်မာနှင့် နိုင်ငံတကာမှ “ဂလုချင်စရာ”
ဓာတ်ပုံကလေးများ ပုံထွက်ကောင်းကောင်း အရေအတွက်များများ
ကိုးနတ်ရှင်သဘောမနေဖြူစင်နေခိုက် မကြာခဏ လက်တို့မျှဝေပေးစေလိုသည်။
ထို့နောက် ဆက်လက်၍ အရက်မူးကျွဲခိုးပေါ် သင့်ပြုမူပြောဆိုနေထိုင်တတ်ခြင်းများကို
အချိန်မှီပြုပြင်ပြောင်းလဲသွားဖို့ တိုက်တွန်းအပ်သည်။သို့ဆိုပါက သင့်အပေါ် ကျွန်ုပ်၏
ယုံကြည်မှုသည်လည်း ယခင်ကထက် အတိုင်းထက်လွန်စွာ ပိုမိုခိုင်ကျဉ်လာနိုင်စရာရှိ၏။
တစ်ဆက်တည်း ကျွန်ုပ်ဖက်ခြမ်းမှလည်း ခုစာကလေးကြော် တော်ကြာဆီထမင်း
လုပ်ရပ်များအတွက် သင့်အား အပြီးတိုင်တောင်းပန်သည်။ ကမ္ဘာကြီးသည်ကား ရွာဖြစ်နေပြီ။
သင်နှင့်ကျွန်ုပ် ရွာရိုးကိုးပေါက်မက ဆယ်ပေါက် ဆယ့်တစ်ပေါက်ထိအောင်
အတူဆက်လျှောက်ကြရဦးမည်။ ဘယ်သောခါများ ကျွန်ုပ်နှင့်သင်
အပြစ်မမြင်လို…။        ။

လွန်းဆက်နိုးမြတ်
၁၇.၄.၁၁(သင်္ကြန်အတက်နေ့)
မနက် ၀၀း၄၅နာရီ