မီးဝေးချိတ်ဥပမာ

မီးဝေးချိတ်ဥပမာ

ငါပြောနေတုန်း ကြားဖြတ်မပြောနဲ့ မင့်ပါးစပ်ကို နံရံမှာ လိပ်ပြီးထောင်ထားလိုက်မယ်
အဲသလို တ၀ုတ်ဝုတ်ဟောင်သွားလိုက်တာများ ညကြီးမင်းကြီး တစ်လမ်းလုံးမီးတွေလင်း ပြတင်း
တံခါးတွေ ဖွင့်ယူကြည့်ရတယ် ပွင့်ဖတ်တွေပေါ် ရေစက်ကလေးတွေ နုတ်နုတ်စင်းပေးရတာ ပျော်စရာ
မြေကြီးထဲ အချိန်ပြည့်စိုက်ဝင်နေတဲ့ ဘ၀တွေ ဆယ်ရပြုရအောင်တောင် အဖတ်မရှိ ကျွေးချင်မွေး
ချင်တဲ့ ဆန္ဒလေးတစ်ဖဲ့လောက်သာ လမ်းမပေါ် လှမ်းပစ်လိုက် ကျန်တာ အလိုလို အော်တိုဂိုးသွား
လိမ့်မယ် ရေချိုးကြွေဇလားထဲ စည်းစိမ်ပြည့်ဆင်းစိမ်ပြီး တစ်ကိုယ်တော်အာသာမှ မဖြေပြတတ်
ရင် ဟောလီးဝုဒ်မင်းသမီးလုပ်စားမနေနဲ့တော့ လှေကားထောင့်တစ်ခါချိုးတိုင်း ၀ါးခြေထားတဲ့ အတွေး
အခေါ်တွေ သီအိုရီမဲ့ တပျစ်ပျစ်ထွေးတယ် နေ့များ ညများလည်း ဓာတ်ခဲကုန်နေပြီ ပန်းချီကားချပ်
နောက်မှာ ကွယ်ဝှက်ထားတာ မရှိ တောရိုင်းပန်းဆိပ်ကမ်းမှာ ၀တ်မှုန်ဆန်အိတ်တွေ ကုန်တင်ကုန်ချ
နေတဲ့ လုပ်သားဆင်းရဲပျားများ တစ်နေ့ကို တစ်ဦးချင်းဝင်ငွေ ဘယ်နှစ်ဒေါ်လာရှိလဲ အိမ်နီးချင်းနိုင်ငံ
တွေနဲ့ ဘယ်ပုံနှိုင်းယှဉ်တွက်ချက်မလဲ မဆင်းရဲတဲ့ တွင်းက တိမ်တယ် ဆင်းရဲတဲ့တွင်းက နက်တယ်
အာဟာရခမ်းခြောက်မှုက လက်ပြင်အရိုးအရွတ်တွေကို ကိုင်းကိုင်းကျလာစေတယ် ကျလာတဲ့
သစ်ကိုင်းဟာ မြေကြီးနဲ့ မလွတ်ဘူး အနုပညာကို လူသိထင်ရှားပဲ ခိုးယူပေါင်းသင်းခဲ့တယ် အခု
နေရောင်မဖြာ အေးခဲတိတ်ဆိတ် မြက်တွေကလည်း ရှည်လို့ တစ်ခုခုဟာ သိစိတ်အောက်မှာ  ခုထား
ခံထားနေသလို ဖုထစ်နေတယ် ဟောဒီ့စောက်သုံးမကျတဲ့ အသိုင်းအ၀န်းအတွက် ငါ့ဘ၀ကြီးတစ်ခု
လုံးကို အပ်ဒိတ်ပြန်တင်ရဦးမယ် ပြောပြောဆိုဆို ဖိနပ်ချွတ်မှာ ခွေခွေလေးဝင်လှဲလိုက်တယ် နေထိုင်
သည့်ပတ်ဝန်းကျင်နံပါတ် အလွယ်တကူဆက်သွယ်ရမည့် ကုတ်အမှတ်အသား ကြိုက်နှစ်သက်ရာဝါဒ
အသားတံဆိပ် ရူးသွပ်ကိုက်ခဲလိုသော အာဏာပါဝါ မိမိကိုယ်ကို ဈေးနှုန်းသတ်မှတ်မှုစံနေစံထား
ခဏခဏပြန်ပြန်ဖြန့်ကြည့်ရလွန်းလို့ အိတ်ကပ်ထဲက စမ်းချောင်းလေးတောင် ခေါက်ရိုးရာတွေနဲ့
အဖြစ်သနစ်က ဆေးဆိုးပန်းရိုက်မိုးသားတွေမျှပါပဲ လိုချင်ရင် အဲဒီ့ကမ္ဘာကို ဆုတ်ဖြဲယူထားလိုက်ပေါ့
ငါ့ကို အသားကုန်ခြစ်ထုတ်ကြည့်ရင်တောင် စင်းလုံးချော မပြောင်စင်တော့ပါဘူး မှန်ဘောင်သွင်းပြီး
ပလတ်စတစ်ပါးပါးအုပ်ထားတာကို အတင်းကာရော ယူယူပြီးဆဆကြည့်နေတာနဲ့ပဲ အယူအဆဟာ
မသစ်လွင်တော့ဘူး နေ့စဉ်လာရာလမ်းအတိုင်း အချိန်လည်းမှန် စည်းချက်လည်းညီ ပွင့်ဖတ်ပွင့်ချပ်
အစုံအလင် မင်းလေးဟာ အသစ်စက်စက်ကွန်ကရိမှန်လုံ အဆောက်အဦးတစ်ခုလို ပိုးစိုးပက်စက်
လှသွေးကြွယ်နေတယ် ဟုတ်ယောင်ယောင်ထင်မှတ်မှားမှုရဲ့ မျှော်ကိုးနေတတ်ခြင်း ဆန္ဒသေများပေါ်က
အယောင်ဆောင် ပျင်းစရာသတင်းစာတစ်စောင်လို နေ့ရက်တွေ ကိန်းဂဏန်းတွေ ရေချိုပုဇွန်တွေ
ပင်လယ်ငါးတွေ အခိုးအငွေ့ဆန်ဆန်ကိလေသာဟာ လျှာပေါ်တင်မကြည့်လည်း အရသာရှိမှန်းတော့
တစ်နည်းနည်းနဲ့ ငါတို့ သိခဲ့ထားပြီးသားပဲ ခန္ဓာကိုယ်မှာ ကော်နဲ့ကပ်ထားတဲ့ အသက်ဓာတ်ကို စကားလုံး
တွေနဲ့ တစ်နေကုန်ဆက်နေရတာ မောတယ် ငွေကြေးလရောင်အောက်မှာ လူအူသံတွေဟာ မြင်မကောင်း
အောင် ဆူညံပွက်လောရိုက်နေတဲ့အခါ မေးကြောကို အနေတော်ကလေး ၀က်အူလျှော့ပြီး ချောင်ယူပြန်
လှည့်လာရတယ် အဲဒီ့အထောက်အထား အားလုံးကို နေရာတကျပြန်မထားဘဲ ဟိုနားလျှောက်ထား
ဒီနားလျှောက်ထားနေတာကိုက နေရာမကျသေးတာ သိသာနေတယ် နည်းနည်းလေးသိတာနဲ့ ဘုရား
ဖြစ်ပြီ အထင်ရောက်နေရှာတဲ့ ခေတ်သစ်အုတ်နီခဲ တုတ်တိုတုတ်စ အမှိုက်သိုက် ရေစီးကြောင်း
ဝဲဂယက်ထဲ သဒ္ဒါမမှန်တဲ့ သွေးလေလည်ပတ်မှုတွေပဲ အရင်းအတိုင်း ပြန်ရတယ် ၃၁ဘုံ သံသရာမှာ
စိတ်ကြံကြိတ်စက်အတွင်းက အရည်မလာတဲ့ ကြံရည်အဖတ်အစအထွေထွေ ယင်တစီစီ ။

 

လွန်းဆက်နိုးမြတ်