ယေဘုယျကိုက်ခဲမှု

ယေဘုယျကိုက်ခဲမှု

ဒီလို လေတိုက်တာကို ကျွန်တော်မကြိုက်ဘူး။ ဒါပေမယ့် ဖြစ်နေကျပဲ။ မိုးမရွာခင်မှာ ဒီလေမျိုးဟာ တိုက်နေကျ။ မိုးရွာလာတော့ လည်း လေက အရှိန်လျော့သွားတာပဲမဟုတ်လား။ ဆိုးရွားတာက ဒီနေ့တိုက်တဲ့ လေကတော့ အဲသလို မဟုတ်ဘူးရယ်။ သိပ်ကြမ်းလွန်းတယ်။ ကျွန်တော့်အပေါ် ထပ်တွေနဲ့ အောက်ထပ်တိုက်ခန်းတွေကတော့ စောစောပိုင်း လေစတိုက်ကတည်းက သူ တို့ ပြတင်းပေါက်တွေကို ပိတ်ပစ်လိုက်ကြပြီးပြီ။ လူမနေတဲ့ မျက်နှာချင်းဆိုင်တိုက်က အခန်းပြ တင်းတွေဆီကနေ တဒုန်းဒုန်းဆောင့်နေတဲ့ အသံတွေကို ဆက်တိုက်ကြားနေရတယ်။ အစကတော့ ကျွန်တော့်အခန်းပြတင်းတွေကို မပိတ်ဘဲ ထားဦးမလို့ပဲ။ ကျွန်တော့်ပြတင်းတွေက မပိတ်ပေ မယ့်လို့  ဂျိတ်သေချာချိတ်ထားတော့ ဘာသံမှမထွက်ကြဘူး။ နောက်တော့ ကျွန်တော်စိတ်ကူးပြော င်းသွားတယ်။ ခြင်ထောင်တစ်ခုလုံး လွင့်နေအောင် တိုက်တဲ့ လေကို အမြင်ကတ်သွားတာ လည်း ဖြစ်နိုင်တယ်။ အရင်ဆုံး ကျွန်တော်လဲလျောင်းနေတဲ့ အခန်းထဲက ပြတင်းတံခါးနှစ်ချပ်ကို ထပိတ်လိုက်တယ်။ ပြီးတော့မှ ကျွန်တော့်တိုက်ခန်းတစ်ခုလုံးမှာ ဖွင့်ထားတဲ့ ပြတင်းတွေကို လိုက်ပိတ်တယ်။ အဲသလိုလိုက်ပိတ်နေတုန်း ဟိုးခပ်ဝေးဝေးက တိုက်ခန်းတစ်ခုရဲ့ ပြတင်းပေါက် တစ်ခုဆီ အမှတ်မထင် ကျွန်တော့်အကြည့်ရောက်မိသွား တယ်။ မိန်းမတစ်ယောက်ပဲ။ သူက ကျွန်တော့်ကို စိုက်ကြည့်နေတယ်။ သူကြည့်နေပုံက ကျွန်တော့်လိုပဲ အမှတ်မထင် တွေ့သွား ပုံကြောင့်လို့ မထင်ဘူး။ ပြတင်းပေါက်ဆီ သေချာပေါက်ရောက်လာမယ့် ကျွန်တော့်ကို လွန်ခဲ့တဲ့ နာရီပိုင်းကတည်းက တင်ကြိုစောင့် ကြည့်နေပုံမျိုး။ ဒါမှမဟုတ် လွန်ခဲ့တဲ့ နေ့ရက်တွေကတည်း က စောင့်ကြည့်နေပုံမျိုးပဲ။ ဘာဖြစ်လို့ အဲသလို ထင်လိုက်မိတယ်ဆိုတာကိုတော့ ကျွန်တော် ရှင်းမပြတတ်ဘူး။ သေချာတာက သူ့အကြည့်က တပ်အပ်ပိုင်နိုင်လွန်းနေခဲ့တယ်ဆိုတာပဲ။ သူ ကြည့်နေတဲ့ ပြတင်းကတော့ လေဒဏ် မိုးဒဏ်တွေ ကင်းလွတ်လို့နေရဲ့။ သူ့ကို ပြန်ကြည့်ရင်း ကျွန်တော့်စိတ်ထဲ မသိုးမသန့်ဖြစ်လာတယ်။ ကျွန်တော့် အတွက်တော့ သူဟာ မိန်းမတစ်ယောက်ပဲ။ ဒါထက်မပိုဘူး။ သူ့အသားဖြူသလား။ မည်းသလား။ သူဘယ်အသက် အရွယ်လဲ။ ယောက်ျား တစ်ယောက်ကို ဆွဲဆောင်နိုင်တဲ့ ခန္ဓာကိုယ်ပိုင်ရှင်လား။ ပုံပျက်ပန်းပျက်လား။ စိတ်ဓာတ်ကရော ဘယ်လိုလဲ။ ထက်မြက်လား။ တော်ရိလျော်ရိလား။ အိမ်ထောင်ရှိသူလား။ မရှိသူလား။ ရုပ်ရည် ကရောကြည့်ကောင်းလား။ အသင့်အတင့်ပဲလား။ ကျွန်တော်ဘာမှ မသိဘူး။ သူဟာ မိန်းမတ စ်ယောက်ဆိုတာကလွဲရင် ဘာဆိုဘာမှ ကျွန်တော် ခန့်မှန်းခံစားလို့မရဘူး။ မိုးစက်အမှုန် အမွှားတွေ ကျွန်တော့်မျက်နှာပေါ် တစ်စက်နှစ်စက်လာပက်လို့ အဲဒီ့ပြတင်းတံခါးကို ကျွန်တော်ပိတ်ပစ်လိုက် တယ်။

မှန်ပြတင်းအပြင်ဖက်မှာ မိုးစက်တွေဟာ တဝေါဝေါထိုးစိုက်ရွာသွန်းနေတော့ အပြင်ဖက်ကို ကျွန်တော်သေချာမမြင်ရတော့ဘူး။ ဒါပေမယ့်လို့ ကျွန်တော့်စိတ်ထဲ မသိုးမသန့်ဖြစ်နေတာ ကတော့ ပျောက်မသွားဘူးရယ်။ နောက်တော့ ကျွန်တော် ကော်ဖီတစ်ခွက်  ဖျော်သောက်တယ်။ ကျွန်တော်အရင်က ၀ီစကီကြိုက်တယ်။ အခုလို မိုးအေးတဲ့ နေ့တွေမှာ ၀ီစကီတစ်ခွက် နဲ့ တောင်ေ တွးမြော က်တွေးလုပ်နေရတာကိုလည်း ကျွန်တော်သဘောကျတယ်။ ဒါပေမယ့် ဒီရက်ပိုင်းမှာတော့ ကျွန်တော်ဟာ ကော်ဖီကိုပဲ သောက်နေမိတယ်။ ဒါနဲ့ပတ်သတ်ပြီး ကိုယ့်ကိုယ်ကိုယ် လည်း ဝေခွဲမရဘူး။ အခုတလော ဒီလိုကိစ္စတွေ ကျွန်တော် မကြာခဏဖြစ်ဖြစ်နေတယ်။ တစ်ချို့ အချိန်တွေမှာ ကျွန်တော်ကိုယ့်ကျွန်တော့် မပြည့်မစုံဖြစ်နေသလိုတောင် ခံစားရတယ်။ ဥပမာ- ဟိုပစ္စည်း လှမ်းကိုင်ရင် မမိရတာနဲ့။ ဒီလှေကားထစ်ပေါ် လှမ်းတက်ရင် ခြေချော်ကျတာနဲ့။ ဒီနေ့မ နက်ကဆို တစ်မနက်လုံးလိုလို ကုတင်ပေါ်မှာ လဲလျောင်းပြီး စာအုပ်တစ်အုပ်ကို ကျွန်တော်ဖတ်နေ ခဲ့တယ်။ စက္ကူတွေက ဆီသုတ်ထားသလိုပဲ။ စာမျက်နှာတွေကို ကျွန်တော်လှန်လိုက်တဲ့အခါ လက်ထဲ အလွယ်တကူပါမလာဘဲ အကြိမ်အတော်များများမှာ ကပ် ကျန်နေတတ်တယ် ။ ကော်ဖီက တော်တော်ကောင်းတယ်။ နောက်ထပ် တစ်ခွက်တောင် ကျွန်တော်ထပ်ဖျော်လိုက် တယ်။ ဒီမှာတင် ကိစ္စတစ်ခုကျွန်တော်ကြုံတယ်။ တခြားတော့မဟုတ်ဘူး။ ဓာတ်ဗူးထဲက ရေတွေပဲ။ ဘယ်လိုဖြစ်တယ်မပြောတတ်ဘူး။ ရေတွေက အေးနေတယ်။ အခုလေးတင် ပထမကော်ဖီကို ဒီဓာတ်ဗူးထဲက ရေနဲ့ ကျွန်တော်ဖျော်လိုက်တာ။ အငွေ့တထောင်းထာင်းထအောင် ပူနေ တဲ့ ရေတွေက ဒီအချိန်တိုလေးအတွင်းမှာ အေးသွားရတယ်လို့ပဲ။ မဖြစ်နိုင်တာ။ ခပ်တိုးတိုးရေရွတ် ရင်း ဓာတ်ဗူးကို ဖင်ပြန်ခေါင်းပြန် ကျွန်တော် မ ကြည့်မိတယ်။ ဒါပေမယ့်လို့ သံသယဖြစ်လောက် စရာဘာမှမတွေ့ရတော့ ကျွန်တော်စိတ်ညစ်သွားတယ်။

ဒုတိယကော်ဖီခွက်က ပထမကော်ဖီခွက်နဲ့ အရသာတော်တော်ကွာတယ်။ ကော်ဖီမှုန့်တစ်ချို့က ခွက်ထဲမှာ ပေါ လောမျောနေတယ်။ သကြားတွေကလည်း ကောင်းကောင်းအရည်မပျော်ဘူး။ ဒီလိုမှန်းသိရင် နောက်တစ်ခွက်ကို ထပ်မဖျော် ဘူး။ ဒါပေမယ့်လို့ မသိမြင်နိုင်တဲ့ အရာတွေဟာ ကျွန်တော်တို့ ပတ်ဝန်းကျင်မှာ အစဉ်အမြဲငွေ့ရည်ဖွဲ့နေတတ်ကြတာမျိုးပဲ။ အခန်းပြတင်းတံခါးတွေ အားလုံးပိတ်ထားတာတောင် ကျွန်တော်ခန္ဓာကိုယ်ဟာ အေးစက်နေတယ်။ နောက်ပြီး ခုလိုထိုင်နေ ရတာနဲ့တင် ကျွန်တော့်မှာ အားအင်တွေ ခမ်းခြောက်လာသလိုလည်း ခံစားမိတယ်။ ဒါနဲ့ပဲ ကော် ဖီခွက်ကို ချခဲ့ပြီး အခန်းထဲက ကုတင်ပေါ်မှာ ကျွန်တော်သွားလှဲလိုက်တယ်။ မှေးခနဲအိပ်ပျော် သွားတော့ ကျွန်တော် အိပ်မက်တွေမက်တယ်။ အိပ်မက်ထဲမှာ စောစောက ကျွန်တော့်ကို လှမ်းပြီး စိုက်ကြည့်နေတဲ့ မိန်းမပါလာတယ်။ ကျွန်တော့်အခန်းပြတင်းပေါက်တွေကလည်း ဟာလာ ဟင်းလင်း ပွင့်နေကြတယ်။ တံခါးတွေဟာ အချပ်လိုက် ပြုတ်ထွက်သွားပြီး ဟိုးအဝေးကြီးပြင် ပလေထုထဲဆီ လွင့်စင်ပျောက်ကွယ်သွားကြတယ်။ နောက်တော့ ကျွန်တော်ဟာ ကော်ဖီခွက် တစ်ခွက်ထဲမှာ ပေါလောမျောနေတဲ့ ကော်ဖီမှုန့်တွေနဲ့အတူ မောပန်းတကြီးကူးခတ်နေပြန်တယ်။ အိပ်မက်တွေက အစီအစဉ်မကျဘဲ ဗရမ်းဗတာနဲ့ ဖြစ်ချင်သလို ဖြစ်နေကြတာပဲ။ အိပ်ယာ က နိုး လာတော့ ကျွန်တော့်ခန္ဓာကိုယ်ဟာ ပိုလို့တောင်မှ အေးစက်နေရဲ့။ အပြင်ဖက်မှာတော့ မိုးမ ရွာတော့ဘူးရယ်။ ဒါပေမယ့် နေလည်း ထွက်မလာဘူး။ အလင်းရောင်က နေပူမလိုလို မိုးရွာမလို လိုနဲ့ ကြားအခြေအနေထဲမှာ ဖြစ်နေတဲ့ အရောင်အဆင်းမျိုး။ တစ်ခါတစ်လေမှာ အဲဒီ့ထက်ပိုလင်း လာတတ်ပြီး တစ်ခါတစ်လေကျတော့ အဲဒီ့ထက် ပိုမှောင်သွားတတ်ပြန်ရော။ တီဗွီဖန်သားပြင်ပေါ် က အလင်းရောင်ကို အဝေးထိန်းခလုတ်နဲ့ တစ်ယောက်ယောက်က ကစားနေသလိုပဲလို့ ဥပမာပေး ရမယ်။ အခန်းပြတင်းတွေကို ကျွန်တော်လိုက်ဖွင့်မိပြန်တယ်။ ကျွန်တော့်ခန္ဓာကိုယ်က ခါတိုင်း ထက် အေးစက်ပြီး လေးလံနေတယ်။ ၀ီစကီမသောက်ရလို့ထင်ပါရဲ့။  နောက်ဆုံးတော့ ကျွန်တော့် ကို လှမ်းပြီး စိုက်ကြည့်နေတဲ့ မိန်းမနဲ့ မျက်နှာချင်းဆိုင်ပြတင်းတံခါးကို ဖွင့်ဖို့ ဖြစ်လာတယ်။ ဘာကြောင့်မှန်းမသိဘူး။ ကျွန်တော်ခန္ဓာကိုယ်ဟာ အင်မတန်လေး လံနေတယ်။ ပြတင်းတံခါးကို ကျွန်တော် အတော်လေးအားစိုက်ပြီး တွန်းဖွင့်လိုက်ရတယ်။ အိုး…။ ကျွန်တော်အံအားသင့်သွား တယ်။ ဟိုအဝေးမှာ ကျွန်တော့်ကို လှမ်းပြီး စိုက်ကြည့်နေတဲ့ မိန်းမကို မြင်လိုက်ရတဲ့ အ တွက်ကြောင့်ပဲ။ ဒါပေမယ့်လို့ ပထမအကြိမ်တုန်းကလိုတော့ မဟုတ်ဘူးရယ်။ သူဟာ ပထမအကြိမ် တုန်းကထက် ကျွန်တော်နဲ့ ပိုဝေးကွာနေသလို ခံစားရတယ်။ သူ့ရဲ့ တိုက်ခန်းနဲ့ ကျွန်တော်နေတဲ့ တိုက်ခန်းနှစ်ခုကြားက အကွာအဝေးဟာ ဘာဖြစ်လို့ ပိုမိုခြားနားသွားရတာလဲ။ ကျွန်တော်နားမ လည်နိုင်အောင်ပါပဲ။ အဲသ လိုဝေးကွာသွားတာကြောင့်ပဲလားတော့ မသိဘူး။ သူ့ကိုကြည့်ရင်း ကျွန်တော့်ရင်ထဲမှာ အလိုလိုအားငယ်လာတယ်။ စိတ်ထဲမှာလည်း တစ်ခုခုကို ဆုံးရှုံးလိုက်ရတော့ မလိုလို ဘာလိုလိုကြီးဖြစ်လာတယ်။ ပြီးတော့ ကျွန်တော် ကြောက်လာတယ်။

နည်းနည်းလေးကြာတော့ စိတ်ပြေလက်ပျောက်ဖြစ်အောင် ရေဒီယိုကို ကျွန်တော်သွားယူလိုက် တယ်။ ဒီနေ့ကျမှ ကျွန်တော်ဖမ်းချင်တဲ့ လိုင်းတွေကလည်း မမိဘူးဖြစ်နေတယ်။ ရေဒီယိုထဲကနေ အသံတွေက တကျွိကျွိတစိစိနဲ့ ထွက်လာ တယ်။ နားထောင်ရသိပ်ဆိုးတာပဲ။ ဒါပေမယ့်လို့ ကျွန်တော်ဟာ ရေဒီယိုကို ဆက်ပြီးဖွင့်ထားမိတယ်။ အပေါ်ထပ်တွေနဲ့ အောက်ထပ်တိုက်ခန်းတွေ က ပြတင်းတံခါးပြန်ဖွင့်သံတွေ ရှေ့ဆင့်နောက်ဆင့်ထွက်လာတယ်။ ဘယ်တော့မှ မပြီးဆုံးတော့သ လိုတောင် ထင်ရတယ်။ ဘာလုပ်ရင်ကောင်းမလဲလို့ ကျွန်တော်စဉ်းစားတယ်။ တကယ်တမ်း ကျတော့ ကျွန်တော်ဘာမှမလုပ်ဖြစ်ဘူး။ အခန်းတစ်ခုလုံးမှာ ပြန့်ကျဲနေတဲ့ ဘီယာဗူးခွံတွေနဲ့ စီးကရက်အတိုအစတွေကိုပဲ ကျွန်တော်ငေးကြည့်နေမိတယ်။ ဒီပစ္စည်းတွေ အခန်းထဲ ဘယ် လိုရောက်လာမှန်း ကျွန်တော်မသိဘူး။ ကျွန်တော်က ဘီယာနဲ့ စီးကရက်ကို မကြိုက်ဘူး။ ဒါပေ မယ့်လို့ ဘီယာနဲ့ စီးကရက်ကြိုက်တဲ့ အခြားလူတစ်ယောက်ရဲ့ အခန်းထဲ ကျွန်တော်ရောက်နေတာ လည်း ဖြစ်နိုင်တာပဲ မဟုတ်လား။ နံရံမှာ ချိတ်ထားတဲ့ ငန်းနှစ်ကောင်ရေကစားနေတဲ့ ပန်းချီကား ကတော့ ကျွန်တော့်အခန်းထဲမှာ ချိတ်ထားသလို အတိအကျရှိနေ တယ်။ လောလောဆယ် မှာတော့ ဒါတွေကို ကျွန်တော်ဆက်မတွေးချင်သေးဘူး။ ကျွန်တော်ဝီစကီတစ်ခွက် လောက်သောက်ချင်မိ တယ်။  အချိန်တွေက မြန်မြန် ဆန်ဆန်ပဲ ကုန်ဆုံးနေတယ်။ အဓိပ္ပါယ်မဲ့ တကျွိကျွိတစိစိမြည်သံတွေ ထွက်နေတဲ့ ရေဒီယိုကို ကျွန်တော်ပိတ်ပစ်ပြီး အခန်းထဲက ကုတင်ဆီ လျှောက်ဝင်သွားလိုက်တယ်။ ကုတင်ပေါ်ရောက်တော့ ဖတ်လက်စစာအုပ်ကို ကျွန်တော်လှမ်းဆွဲယူလိုက်တယ်။ ကျွန်တော့် လက်တွေက စာအုပ်ဆီမရောက်ဘဲ လေကိုသာ ဖမ်းဆုပ်မိသွားရဲ့။ ကျွန်တော် ဇဝေဇ၀ါဖြစ်လို့သွား တယ်။ စာအုပ်ကို နောက်တစ်ခါ ကျွန်တော်လှမ်းဆွဲယူလိုက်တယ်။ ပါမလာပြန်ဘူး။ ကျွန်တော် ဘာကိုနားလည်ရမယ် မသိဖြစ်သွားတယ်။ ယောင်ယမ်းပြီး ကျွန်တော့်မျက်နှာရှေ့မှာ လက်ချောင်းတွေကို ထောင်ကြည့်လိုက်မိတယ်။ ကျွန်တော့်လက်တွေဟာ ပလတ်စတစ်အကြည်နဲ့ လုပ်ထားသလိုပဲ။ အပေါ်က ခြင်ထောင်အမိုးကို ဒိုးယိုပေါက်မြင်လိုက်ရတယ်။ ရုတ်တရက် ကျွန်တော်ချောက်ချောက်ချားချားဖြစ်သွားရဲ့။ ဒါပေမယ့်လို့ ဒီအဖြစ်ဟာ စက္ကန့်ပိုင်းလေးပဲ ကြာ လိုက်တယ်။ ချက်ချင်းပဲ လက်တွေကို ပကတိအတိုင်း ကျွန်တော်ပြန်မြင်တွေ့ရတယ်။ ကျွန်တော် တိတ်ဆိတ်သွားတယ် ။ ဒီလိုတိတ်ဆိတ်နေရတာမျိုးကို ကျွန်တော်မကြိုက်လှဘူး။ ဒါပေမယ့်လည်း ကျွန်တော်ဟာ တိတ်ဆိတ်မြဲတိတ်ဆိတ်နေမိ တယ်။ ခဏနေတော့ ကျွန်တော့်မျက်ဝန်းထဲကနေ မျက်ရည်တွေဟာ အတားအဆီးမဲ့ကျဆင်းလာတယ်။ ဟုတ်တယ်။ ကျွန်တော်ဝမ်းနည်းနေတယ်။ ကျွန်တော့်ကို လှမ်းပြီး စိုက်ကြည့်နေတဲ့ မိန်းမကို သတိရလိုက်တယ်။ သူ့ကိုမြင်နိုင်တဲ့ ပြတင်း တံခါးဆီ သွားချင်ပေမယ့် ကျွန်တော့်ခန္ဓာကိုယ်ဟာ အေးစက်ပြီး လေးလံနေတယ်။ ကျွန်တော်ရှိ ရာ ပြတင်းပေါက်ကို သူလှမ်း ပြီး စိုက်ကြည့်နေဦးမယ်လို့ ကျွန်တော်ယုံကြည်တယ်။ ကျွန်တော်ဟာ အချိန်အတော်ကြာတဲ့ ထိအောင်ပဲ ၀မ်းနည်းစွာနဲ့ ငိုကြွေးနေမိတယ်။ ကျွန်တော့်မျက်ရည်တွေ ကတော့ ပလတ်စတစ်မျက်ရည်တွေ မဟုတ်ဘူးရယ်။                      ။

လွန်းဆက်နိုးမြတ်   
၈.၈.၁၁ နံနက် ၀၁း၀၁နာရီ
Idea Magazine ၊ နိုဝင်ဘာ၊ ၂၀၁၁

Advertisements

ဝါသောအရောင်( Yellow)

ဝါသောအရောင်( Yellow)

ဝါသောအရောင်တစ်ခုကျုပ်ဟာအရောင်တစ်မျိုးကိုမချစ်ဘူးအ၀ါရောင်ဟာသူ့ရဲ့အသံနဲ့
ကျုပ်ကိုပျင်းရိအောင်လုပ်ပြီးသန့်စင်တဲ့သတ္တုရဲ့အော်သံနဲ့အတူအဆုံးမတော့ခေါင်းလောင်းထိုးသံ
အ၀ါရောင်ကသင်၏လက္ခဏာကိုဆုပ်ကိုင်ထားခြင်းဟာကုဗတုံးရေခဲများပျော်ကြခြင်းမှအေးစက်တဲ့
အရသာသည်ပင်စကားလုံးတစ်လုံးအားလှည့် ဖြားခြင်းအရာငါ့ကိုသူပိုင်တဲ့ကမ္ဘာကိုပြသတဲ့အ၀ါရောင်
ကျုပ်အထင်တော့ထောပတ်ခွက်များကခလေးငယ်တစ် ယောက်ရဲ့မေး အောက်မှတစ်ဆင့်
နုပျိုတဲ့လည်မျိုတစ်လျောက်မိတ်ဆွေဖြစ်မှုနဲ့အတူထိတွေ့ခြင်းနှင့်အတူအိုသင်ဟာထောပတ်ကို
နှစ်သက်တာပဲဆိုသင်တစ်ကယ်ပြုလုပ်ချင်သောအံ့မခန်းအရာများအားထားရစ်ပြီးပန်းရိုင်းများ
ကတော့သူတို့အားနမူနာဌာန၌ပြီးပြည့်စုံခြင်းဖြစ်ကာအရိပ်သည်ပျားပုတုံး၏တောင်ပံထက်ပို၍
လျှင်မြန်ရွေ့လျားပြီးနောက်ထိုနေရာတွင်သူ့တို့သည်သင်၏ကြာရှည်ခိုင်မြဲမည်မဟုတ်သောငယ်
ဘ၀အားသင်ပြန်ခံစားရသလိုရိတ်သိမ်းခြင်းနောက်ကွယ်အ၀ါရောင်ဘက်၌သင်ရှောင်ရှားပါသော
အမြစ်တွယ်မှုဟာသူ့ကိုယ်ပိုင်တေးသွားကိုနာကျင်မှုတစ်မျိုးဖြစ်စေသည့်နှိုးဆွခြင်းနှင့်ကျယ်ပြန့်
ပါသောအရည်ခွံများသည်ထိုအရာကကုလားချဉ်ပေါင်ပင်ထိုအရာကမည်သို့ပင်ဖြစ်ဖြစ်အမြဲတမ်း
အ၀ါရောင်ဗျည်းအက္ခရာကသစ်ရွက်များပေါ်မှာထိုးတက်၍အခြားသောအပင်များ၏အခြားသော
အပင်များ၏အနီရင့်ရောင်တီးတိုးပြောသံနှင့်ဆေးဖက်ဝင်ပင်များသင်ဘယ်တော့မှသိခွင့်မရှိသော
မတော်တဆလက်များ၏အမည်ဟာသင့်မှတ်ဥာဏ်တွင်းပွင့်ထွက်တဲ့အ၀ါရောင်သည်ပန်းသီး
တစ်လုံးအားနေရောင်မထိထားသကဲ့သို့အ၀ါရောင်သည်မြစ်တစ်စင်း၏နှလုံးသားဖြစ်သလိုညနေ
ခင်းမြက်များဆီကနွေဦးသစ်စေ့များသစ်ပင်အဆီအနှစ်ထဲသို့ရောက်ရှိပြေးဝင်သည့်လယ်ကွင်းများ
လည်းထိုနည်းလည်းကောင်းဖြစ်၍သဘာဝဘိန်းပင်များပင်စီ၏ရှည်လျားခိုင်မာခြင်း၌ကျုပ်ဟာ
အ၀ါရောင်အားပြန်လည်တည်ဆောက်ပါသော်လည်းမြန်မြန်ဆန်ဆန်ကြောက်ရွံ့အ၀ါရောင်၏
အားနည်းမှုသည်ရှင်ခြင်းနှင့်သေခြင်းကြား၌ရှိပါသောတံတားတစ်ခုအလေ့ကျပေါက်ပင်
သစ်ရွက်များကချည်မျှင်များကိုရွှေဒင်္ဂါးပြားများကဲ့သို့ထုတ်လုပ်နေခြင်းဒါမှမဟုတ်နောက်
ဘ၀ပိုတစ်ခုလိုဥတုရာသီ၏ပေါင်းခံခြင်းကသစ်သီးများအားချိုမြိန်စေခဲ့သည်သို့မဟုတ်ကြီးမား
သည့်အ၀ါရောင်သည်သကြားများ၍ချိုမြသောအရသာရှိသည့်ပုံသဏ္ဍန်မျိုးစုံနှင့်သစ်စေ့များအား
ကိုက်ခဲ၍ ထိုသစ်စေ့များက အနံ့မကောင်းတဲ့ သင့်လည်ချောင်းကအသားလွှာကဲ့သို့
မှောင်မိုက်ပြီးသင့်လည် ချောင်းအ၀ါရောင်ရေမြောင်းရေဆာမှု
ကသင်မနှစ်သက်သောကြက်ဥပို၍သူ၏စက်ဝန်းကွေးများကဲ့သို့အ၀ါရောင်ကြက်ဥပြုတ်ဆူခဲ့ပြီး
မရှိတော့တဲ့ရနံ့ကိုပေးသော်လည်းသင်ကမျက်နှာကိုပေါင်းတင်ချင်တာကပူသောအမျှင်များ
ထုတ်တဲ့ရီဝေေ၀သင့်မျက်ဝန်း၏ကြက်ဥအနှစ်အ၀ါရောင်သည်ငလျင်ဗဟိုချက်သကဲ့သို့
နှောက်ယှက်မှုလက်ဆန့်တန်းကြိုဆိုသောရစ်သစ်တစ်ခုဟာအ၀ါရောင်မွန်းလွဲထဲမှာရှိပြီး
အဲဒီမွန်းလွဲသည်ပင်စိတ်ကူးအလင်းထဲပစ်ချခံရတဲ့အမျိုးအစားတစ်ခုဟာသင့်၏မှတ်ဥာဏ်ထဲမှာ
ရှိပြီးထိုအရာကချက်ချင်းဖြစ်ပေါ်မှုအခြေအနေကအတိတ်အဖြစ်အပျက်များသင်ကြားဖူးသော
ပုံပြင်များအားရောနှောပစ်သည်နှင့်အတူပုံရိပ်များကအ၀ါရောင်ထဲရှိသင့်အားသရုပ်ဆောင်ပြနေ
íတေးဌက်များကအ၀ါရောင်တေးသွားကိုသီဆိုသည့်နောက်ကွယ်၌လိုက်ပါလာသောတေးသွား
သည်ပယင်းကျောက်ဂီတသင်္ကေတများကအနက်ရောင်လက်ရေးလှအင်းဆက်များ
အားထောင်ချောက်ဆင်ခဲ့íသင့်ဖိနပ်ပေါ်ကျတဲ့လမ်းမကအလင်းရောင်အားထုပ်ပိုးခဲ့íထိုအရောင်
ကသင့်အားလုံခြုံသောအ၀ါရောင်အားပေးပြီးနောက်လုံခြုံသောအဆုံးမဲ့အ၀ါရောင်အားပေးပြန်၏။

လစ်ဇ်မာပီ.
( Yellow. Lizz Murphy ).
Double Room မှ

ဇော်ဇော်ထွန်း

လူနှင့် အနုပညာ

လူနှင့် အနုပညာ

 

 

 

၁။            ။ကျွန်တော်ငယ်ငယ်က လသာသော ညများတွင် ကျွန်တော့်အဖေ၏ ချီပွေ့မှုထက်မှနေ၍ လမင်းဆီ မကြာခဏ မော့ငေးကြည့်ခဲ့ ဖူးပါသည်။ ထိုသောအခါတိုင်း အဖေက ကျွန်တော့်ကို ကဗျာတစ်ပုဒ် ရွတ်ဆိုပြလေ့ရှိသည်။ ထိုကဗျာလေးမှာ ကျောင်းသုံးကဗျာလေးတစ်ပုဒ် ဖြစ်ပြီး ကဗျာကိုသော်လည်းကောင်း စာဆိုကိုသော်လည်းကောင်း ကျွန်တော်ကောင်းစွာ မမှတ်မိတော့ပါ။ ယခုအခါ မှတ်မိသလောက် ပြန်ရေး ပြရခြင်းဖြစ်သဖြင့် အနည်းငယ်ကွဲလွဲနေလျှင် ခွင့်လွှတ်ပေးစေလိုပါသည်။

 

မိုးပေါ်မှာ ကြယ်တစ်လုံး

တိမ်ဖုံးပါလို့ လာမသာ

သာတဲ့ခါ သာပါလိမ့်မယ်

နတ်ဒေ၀ါသူဖန်ဆင်း

ဖိုးရွှေလမင်း။        ။

 

ဆိုသော ကဗျာကလေးဖြစ်ပါသည်။ အဖေက ထိုကဗျာကို ရွတ်ပြီးသွားပါက ကျွန်တော့်ကို ပြန်ရွတ်ခိုင်းတတ်ပါသည်။ ထိုအခါ မပီ ကလာပီကလာအသံဖြင့် ထိုကဗျာလေးကို ကျွန်တော်ပြန်ရွတ်ပြရပါသည်။ သို့ရာတွင် ဘာ့ကြောင့်မှန်း မသိပါ။ ကျွန်တော်ပြန်ရွတ်သည့် အခါတိုင်း ထိုကဗျာလေးသည် တစ်မျိုးဖြစ်နေတတ်ပါသည်။ စစချင်းတော့ အဖေသတိမထားမိပါ။ နှစ်ခေါက် သုံးခေါက်လောက်ကျတော့ အဖေသတိထားမိသွားပြီး ရယ်ပါသည်။ အဖေ့ကို ကျွန်တော်ပြန်ရွတ်ပြသော ထိုကဗျာလေးမှာ-

 

မိုးပေါ်မှာ ကြယ်တစ်လုံး

တိမ်ဖုံးပါလို့ လာမသာ

သာတဲ့ခါ သူ့ဘာသာ သာပါလိမ့်မယ်

နတ်ဒေ၀ါသူဖန်ဆင်း

ဖိုးရွှေလမင်း။             ။

 

ဟူ၍ ဖြစ်ပါသည်။

 

၂။            ။နောင်တွင် အထက်ပါအဖြစ်အပျက်ကို  ကြိမ်ဖန်များစွာ ကျွန်တော်ပြန်လည်တွေးတောမိပါသည်။ ထိုစဉ်က ကျွန်တော်သည် ငါး နှစ်သားအရွယ်လောက်သာဖြစ်သောကြောင့် ကဗျာသဘောတရား ကာရန်ကိစ္စစသည်တို့ကို သိမထားခဲ့ပါ။ ကျွန်တော်သိသည်မှာ ထိုကဗျာ က ပေးသော မက်ဆေ့ခ်ျကိုသာ ဖြစ်ပါသည်။

 

မိုးပေါ်မှာ ကြယ်တစ်လုံးရှိသည်။ တိမ်တွေ ဖုံးသွား၍ လက သာမနေခဲ့ပါ။ သာချင်လျှင် သာလိမ့်မည်။ နတ်ဒေ၀တာတို့ ဖန်ဆင်း သော ဖိုးရွှေလမင်းကြီး ဖြစ်သည်ဟု ကဗျာကို အလွယ်ဖွင့်ဆိုနိုင်ပါသည်။

 

သို့ရာတွင် “သာချင်လျှင် သာလိမ့်မည်”ဟု ကဗျာက တိုက်ရိုက်ပေးသော မက်ဆေ့ခ်ျကို ကျွန်တော့်သိမှုက လက်ခံပုံမရခဲ့ပါ။ ကျွန်တော့်သိမှုက “သာချင်လျှင် သာမည်။ မသာချင်လျှင် မသာပါ။” ဒါသည်လမင်း၏ ကိစ္စသာဖြစ်သည်ဟု ဆန့်တွေးကာ ယူဆသည်။ ကျွန်တော်နှင့် မသက်ဆိုင်ဟု ယူဆသည်။ ထိုအယူအဆနောက်တွင် ကျွန်တော်ရွတ်သော ကဗျာက “သာတဲ့ခါ သူ့ဘာသာ သာပါလိမ့်မယ် ” ဟူ၍ဖြစ်သွားပါတော့သည်။

 

ယနေ့အချိန်ထိ ထိုကဗျာကို ရွတ်ဆိုမိတိုင်း “သာတဲ့ခါ သူ့ဘာသာ သာပါလိမ့်မယ်”ဟု ကာရန်ချိုးဖျက်ကာ ကဗျာစည်းကို ဖောက် ရွတ်လိုက်ရမှ ထိုကဗျာကို ကျွန်တော်အပြည့်အ၀ခံစား၍ ရပါသည်။ နဂိုအတိုင်းဆိုလျှင် ထိုကဗျာက ကျွန်တော့်အတွက် မပြည့်စုံသလို ဖြစ်နေ သည်။ ဒါသည်ပင်လျှင် ခံစားသူ၏ အနုပညာလွတ်လပ်ခွင့်ဖြစ်မည်ဟု ထင်ပါသည်။

 

၃။            ။ပလေတိုက ပြောခဲ့ပါသည်။ Art is Mimesis။ အနုပညာဆိုသည်မှာ ပုံတူကူးခြင်းဟူ၍ ဖြစ်ပါသည်။ သူ့ခေတ်သူ့အခါတုန်း ကတော့ အင်မတန်ကျော်ကြားခဲ့သော အနုပညာဆိုင်ရာသဘောတရားတစ်ခုဖြစ်ခဲ့ပါသည်။ ဖြစ်ခဲ့ပါသည်ဟု ကျွန်တော်ပြောပါသည်။ ယနေ့ကာလတွင်မူ အသစ်အသစ်သော အနုပညာဆိုင်ရာသဘောတရားများသည် ကမ္ဘာ့နေရာတိုင်းလိုလိုတွင် ပေါ်ပေါက်နေသည်။ ပလေတို ၏ သဘောတရားကဲ့သို့ အနုပညာကို တရားသေသတ်မှတ်သည့် အယူအဆမျိုးတော့ မဟုတ်ချေ။ အနုပညာမှာ အကျယ်အ၀န်း အကန့် အသတ်မရှိကြောင်းကို ပလေတိုခေတ်လွန်နှစ်ပေါင်းများစွာကြာပြီးနောက်ပိုင်း ပေါ်ထွက်လာခဲ့သော အသစ်အသစ်သော အနုပညာသဘော တရားများက သက်သေခံပြီးဖြစ်ပါသည်။

 

အစာအဟာရအတွက် အစားအသောက်ကို လူ့ခန္ဓာကိုယ်က လိုအပ်သလို လူ့နှလုံးဝိညာဉ်အတွက် အနုပညာသည်လည်း လိုအပ် ပါသည်။ ပြောရလျှင် အနုပညာဟူသည် စိတ်ဝိညာဉ်ဆိုင်ရာကိစ္စတစ်ခုဖြစ်သည်။ ထို့ကြောင့် အနုပညာအကြောင်းပြောကြဆိုကြရာတွင် သိပ္ပံ နည်းကျလက်တွေ့ဆန်သော ရှုထောင့်မှနေ၍ တရားသေတင်ပြရန်မလွယ်ကူပါ။

 

အနုပညာပစ္စည်းတစ်ခု(ပန်းချီကားတစ်ချပ်၊ ကဗျာတစ်ပုဒ် ၊ ပန်းပုရုပ်တုတစ်ရုပ်)ကို ဖန်တီးသူအနုပညာရှင်နှင့် ထိုအနုပညာပစ္စည်း (ပန်းချီကား၊ ကဗျာ၊ ရုပ်တု)ကို  ခံစားသော အနုပညာခံစားသူတို့နှစ်ဦးမှာပင် ထိုအနုပညာပစ္စည်း(ပန်းချီ၊ကဗျာ၊ရုပ်တု)ကို ရှုမြင် သုံးသပ် ခံစား ကြပုံခြင်း ပုံသေကားကျမတူညီနိုင်ပါ။ ထိုအနုပညာပစ္စည်း (ပန်းချီကား၊ ကဗျာ၊ရုပ်တု)ကို ခံစားရှုမြင်ပုံကွဲပြားသလို တွေးခေါ်ယူဆပုံခြင်း လည်း လွတ်လပ်စွာ ကွဲလွဲနိုင်ပါသည်။ ထိုသို့ဖြင့် ကွဲပြားသော အနုပညာရပ်ဆိုင်ရာ သဘောတရားအသစ်အသစ်များသည် ခေတ်အဆက် ဆက်ပေါ်ပေါက်လာခဲ့ကြပါတော့သည်။

 

ကျွန်တော့်အယူအဆအရ မည်သည့်အနုပညာမဆို ခွင်တစ်ခုထဲမှာ ခွေအိုင်မနေပါ။ ပုံသေကားကျဘောင်တစ်ခုထဲမှာ ထိုးထည့် ထား၍ မရပါ။ အနုပညာမှာ အရေးအကြီးဆုံးသည် အနုပညာလွတ်လပ်ခွင့်ပင် ဖြစ်ပါသည်။

 

၎။            ။လူနှင့်တိရိစ္ဆာန်တို့၏ ကြားတွင် ကွာခြားချက်များစွာရှိသည့်အနက် အနုပညာသည်လည်း တစ်ခုအပါအ၀င်ဖြစ်သည်။ လူတို့သည် မြင်မြင်သမျှအရာအားလုံးတို့ကို စိတ်ဝင်စားသည်။ ခံစားသည်။ လှလျှင် လှသည့်အလျောက်၊ မလှလျှင် မလှသည့်အလျောက်၊ ချစ်လျှင် ချစ်သည့်အလျောက်၊ မချစ်လျှင် မချစ်သည့်အလျောက်။ထိုအရာအပေါ်မှာ တုန့်ပြန်ကြသည်။

 

ဥသြငှက်၏ နာမည်သည် ထိုငှက်အော်မြည်သော ဥသြသံကို အစွဲပြုမှည့်ခေါ်ခဲ့ကြခြင်းဖြစ်ပါသည်။ အမှန်တော့ ငှက်က ငှက်ပဲ ဖြစ်ပါသည်။ သူ့ဘာသာဘာဝ အော်တတ်သလို အော်ပါသည်။ ဒါကို လူက ခံစားသည်။ ထိုငှက်မြည်သံလေးကို စိတ်ထဲမှာ သဘောကျသည်။ စွဲလမ်းသည်။ ထိုသို့ဖြင့် ထိုဥသြအော်မြည်သံလေးကို အစွဲပြုပြီး ထိုငှက်ကို ဥသြငှက်ဟု အမည်ပေးလိုက်သည်။ ထိုငှက်ကလေးနာမည် ကြားလိုက်ရုံဖြင့် သာယာသော ဥသြသံသည် လူတို့၏ နားထဲသို့ အလိုလိုစီးမျောရောက်ရှိလာသည်။

 

ကျွန်တော်တစ်ခုပြောကြည့်ချင်ပါသည်။ ကျီးကန်းတွေကျတော့ အား အားလို့ အော်တတ်ပါသော်လည်း အား အားငှက်ဟု အမည် မတွင်ခဲ့ပါ။ ပြောလိုသည်မှာ အလှဓာတ်တွင် လူတို့၏ သာယာမှုဖြစ်ပါသည်။  လူတို့၏ စိတ်နားထဲတွင် အား အားဟူသော ကျီးကန်းအသံ သည် မလှပပါ။ နားဝင်ဆိုးပါသည်။ ထိုအသံကို တတ်နိုင်သမျှ မကြားလိုပါ။ အား အားငှက်ဟု အမည်ပေးလိုက်လျှင် ထိုငှက်နာမည် ကြား တိုင်း ထို အားအား အသံကို မသာမယာကြားယောင်နေရပါဦးမည်။ ထို့ကြောင့် ကျီးကန်း၏ အမည်နာမသည် အားအားငှက် ဖြစ်မလာခြင်းဟု သဘောပိုက်ရပါသည်။

 

လူတို့အတွက် ဥသြငှက်ကလေး၏ နာမည်သည် အနုပညာ၏ အလှဓာတ်ဖြစ်နေပါသည်။ ထို့ကြောင့် ရှေးပညာရှိတစ်ချို့က အနုပညာကို ဤသို့ဖွင့်ဆိုခဲ့ကြခြင်းဖြစ်ပုံရသည်။ အနုပညာကိုယ်၌သည် အလှဖြစ်သည်။ အလှမရှိလျှင် အနုပညာမရှိ။

 

၅။            ။အနုပညာ၌ လူတို့တိမ်းမူးသာယာရန် လွယ်ကူသည်ကို သိမြင်ခဲ့ကြပြီးနောက်တွင် အနုပညာကို အသုံးချ၍ အလိုရှိရာဖော်ဆောင် သော ပညာရပ်တစ်မျိုးပေါ်ပေါက်လာခဲ့ပြန်ပါသည်။

 

ယနေ့ခေတ်တွင် ကျွန်တော်တို့ စွဲလမ်းစွာ ကြည့်ရှုနေကြသော ရုပ်မြင်သံကြားကြေညာများသည် ထိုသဘောပင်ဖြစ်ပါသည်။ အနု ပညာကို အသုံးချ၍ ကုန်ပစ္စည်းများကို ကြေညာလာကြသည်။ အနုပညာကို အသုံးချ၍ အားကစားပွဲများ အောင်နိုင်ရန် ကြိုးပမ်းကြသည်။  အနုပညာကို အသုံးချခြင်းဖြင့် စစ်ပွဲများတွင် စိတ်ဓာတ်တို့ တက်ကြွလာစေသည်။

 

ရသအနုပညာ( Fine art)၊ သက်ငြိမ်အနုပညာ( Static Art )၊ လှုပ်ရှားအနုပညာ( Dynamic Art) အစရှိသဖြင့် မှတ်သားခဲ့ရသော အနုပညာများအနက် အသုံးချအနုပညာ(Useful Art)သည် လူတို့နေ့စဉ်တွေ့ထိမှုအများဆုံး အနုပညာအမျိုးအစားတစ်ရပ်ဖြစ်ကြောင်း ကျွန်တော်မြင်တွေ့ရပါသည်။

 

၆။            ။အနုပညာသမိုင်းကို လည်ပြန်လှည့်ကြည့်လိုက်သောအခါ ခေတ်အဆက်ဆက်အနုပညာရှင်တို့သည် ရှိပြီးသား အနုပညာဟောင်း များကို ချိုးဖျက်ထိုးဖောက်ကာ အသစ်အသစ်သော စမ်းသပ်ဖန်တီးမှုများပြုလာကြရာမှ ခိုင်ခံ့သော အနုပညာသဘောတရားသစ်များ ပေါ် ထွန်းလာခဲ့ခြင်းဖြစ်ကြောင်း တွေ့ရှိရပါသည်။

 

အစောပိုင်းကာလများတွင် အနုပညာသည် ဂန္ထ၀င်မြောက်မှုကို ကိုယ်စားပြုသည်။ အပြင်အပရှုခင်းတစ်ခုနှင့် အနီးစပ်ဆုံး တုပရေး ဆွဲနိုင်လျှင် ထိုပန်းချီကားမှာ ဂန္ထ၀င်မြောက်သည်။ ထိုဂန္ထ၀င်ဝါဒထွန်းကားမှုသည် အလယ်ခေတ်တွင် ဘာသာရေးအလွန်အကျူးကိုးကွယ်မှု များကြောင့်ေ၀၀ါးပျက်ပြယ်သွားခဲ့ရသည်။

 

ထိုမှတစ်ဖန် ရီနေးဆန်းခေတ်ကို ပြန်တည်ထောင်လာပြန်သည်။ တစ်နည်း ပြန်လည်ဆန်းသစ်ခေတ်။ ထိုပြန်လည်ဆန်းသစ်ခေတ် တွင် ဂန္ထ၀င်ဝါဒသည် အသွင်သစ်ဖြင့် ခေါင်းပြန်ထောင်လာသည်။ အနုပညာကို တုပမှုဖြင့် တိုင်းတာလာပြန်သည်။တစ်နည်း ဂန္ထ၀င်ဝါဒသစ်။

ဂန္ထ၀င်ဝါဒသစ်ကို စိတ်ကူးဆန်သည့် ခံစားချက်အသားပေး ရိုမန်တစ်ဝါဒက ချိုးဖောက်အနိုင်ယူသွားပြန်သည်။ အနုပညာသည် အနုပညာအတွက်ဟု ကြွေးကြော်ကိုင်စွဲခဲ့ကြသည်။ ထို့နောက် ရိုမန်တစ်ဝါဒသည်လည်း သရုပ်မှန်ဝါဒအောက်မှာ ကျဆုံးရပြန်သည်။

 

သရုပ်မှန်ဝါဒခေတ်နောက်တွင် မော်ဒန်ပန်းချီဆရာများ ဦးဆောင်မှုဖြင့် မော်ဒန်ခေတ်သည်လင်းပွင့်လာပြန်သည်။ ထို့နောက် လျှင်မြန်စွာ တိုးတက်ရှုပ်ထွေးလာသော မော်ဒန်ခေတ်လွန်နှောင်းပိုင်းသည် ပိုစ့်မော်ဒန်ခေတ်အဖြစ် ခြေချလာရပြန်သည်။

 

အနုပညာသဘောတရားသစ်တစ်ခုဖြစ်ထွန်းပေါ်ပေါက်လာခြင်းသည် လွယ်လင့်တကူကိစ္စမဟုတ်ပါ။ ထိုအနုပညာသစ်ဖြစ်ထွန်း ပေါ်ပေါက်လာစေရန် အခြေခံသော အကြောင်းတရားများမှာ စုံလင်ထွေပြားပါသည်။ အနုပညာဟောင်းတို့၏ ကြာရှည်လွှမ်းမိုးထားမှုကို မခံလို တော့ခြင်း၊ နိုင်ငံရေးအထက်အောက်ဖိစီးခြင်း၊ နည်းပညာတရားလွန်ဖွံ့ဖြိးမှုနှင့် ရုပ်သဘောဆန်လာခြင်း၊ လူသားဝါဒယုတ်လျော့ကျ ဆင်းလာ ခြင်း၊ လူ့အဖွဲ့အစည်းအတွင်းဝါဒရေးရာတော်လှန်ခြင်း၊လူမျိုးရေးအဆင့်အတန်းခွဲခြားခြင်း စသဖြင့် မရေမတွက်နိုင်သောအ ကြောင်းတရားများ အား အခြေတည်ကာ ပုံစံအမျိုးမျိုးဖြင့် အနုပညာသစ်များပေါက်ဖွားလာခဲ့ကြပါသည်။

 

၇။            ။စာပေမိတ်ဆွေတစ်ယောက်လက်ဆောင်ပေးသဖြင့် ပါဖောမန့်အနုပညာပြပွဲတစ်ခု၏ ဓာတ်ပုံမှတ်တမ်းစာအုပ်တစ်အုပ်ကို ကျွန်တော်ရရှိခဲ့သည်။ မှတ်တမ်းစာအုပ်လေးထဲမှ ပါဖောမန့်ပြုလုပ်နေပုံတွေက အသည်းယားစရာကောင်းနေသည်။ တစ်ကိုယ်လုံးရွှေရောင် သုတ်ထားသော လူတစ်ယောက်က ရွှေရောင်သုတ်ထားသည့် စည်ပိုင်းတစ်လုံးကို ထမ်းနေသည်။ ကိုယ်လုံးတီးယောကျာ်းတစ်ယောက်က ငါးရှည့်တွေအများကြီးကြားထဲမှာ ၀င်လှဲနေသည်။ အိမ်ခေါင်မိုးသွပ်ပြားပေါ် ကိုယ်လုံးတီးယောကျာ်းတစ်ယောက် မှောက်ရက်တက်အိပ်နေ သည်။

 

ကျွန်တော်တို့နိုင်ငံတွင် ပါဖောမန့်အနုပညာပြပွဲတွေ ပြုလုပ်လာကြသည်မှာ သိပ်မကြာလှသေးပါ။ ဘာသာရေးဆိုင်ရာ အထက် အောက်ဖိစီးမှု၊ လူသားဗဟိုပြုဝါဒကို ရွံ့ရှာမှု၊ ရန်လိုခြင်းရိုင်းပင်းခြင်းဆိုင်ရာ စိတ်တွင်းပဋိပက္ခများ၊ သိစိတ်၏ အခြားမဲ့တစ်နေရာကို ဖွင့်ဆိုပြ ခြင်း စသဖြင့် ဖန်တီးပြုလုပ်သူ၏ အနုပညာသဘောထားအမျိုးမျိုးကို အင်မတန်လွတ်လပ်ရဲတင်းစွာဖြင့် ဖန်တီးသူကိုယ်တိုင်ပါဝင် တင်ပြရ သော အနုပညာအမျိုးအစားတစ်ခုဖြစ်သည်။

 

အနုပညာဖန်တီးမှုဆိုသည်မှာ နတ်တို့၏ ပူးဝင်လှုံ့ဆော်မှုကြောင့်ဖြစ်ပေါ်လာရသည်ဟူသော အယူအဆတစ်ရပ် ဂန္ထ၀င်ခေတ်တွင် ထွန်းကားခဲ့ဖူးပါသည်။ ပါဖောမန့်အနုပညာပြပွဲများကိုသာ ထိုခေတ်မှာ သွားရောက်ပြုလုပ်လိုက်လျှင် မည်သို့ဖြစ်လာမည်လဲ ကျွန်တော် မတွေးဝံ့ပါ။ သို့ရာတွင် လက်ရှိအနေအထားအရ လူ့သမိုင်းသည် ထိုခေတ်မှ များစွာလွန်မြောက်ပြီးဖြစ်သဖြင့် ခေတ်သစ်အနုပညာသဘော တရားသစ်တွေ ထပ်မံပေါ်ထွက်လာရဦးမည်မှာ အသေအချာပင်ဖြစ်ပါသည်။

 

၈။            ။တချို့စာအုပ်များထဲတွင် စာရေးဆရာက ထိုဝတ္ထုကို သူမည်သို့မည်ပုံရေးသားဖြစ်ခဲ့ကြောင်း ရှင်းပြချက်အတိုချုပ်ကလေးများအား ထိုဝတ္ထုနှင့်တွဲလျက် ပါရှိတတ်သည်ကို သတိထားမိမည်ထင်ပါသည်။ ကျွန်တော်တစ်ခုစဉ်းစားမိပါသည်။ စာရေးဆရာတို့သည် ရေးသမျှ ၀တ္ထု အားလုံးတို့ကို မည်သို့မည်ပုံရေးသားဖြစ်ခဲ့မှန်း မှတ်မိသိရှိကြပါသလား။ ကဗျာ၊၀တ္ထုအများစုကို မည်သို့ရေးဖြစ်ခဲ့ကြောင်း ပြန်ပြောကောင်း ပြောနိုင်သော်လည်း အားလုံးတော့ မဖြစ်နိုင်ပါ။ အခြားအနုပညာများမှာလည်း ထိုအတိုင်းပင် ဖြစ်ပါလိမ့်မည်။

 

အနုပညာပစ္စည်းတစ်ခုကို ဖန်တီးထုတ်လုပ်ရန် ဖန်တီးသူအနုပညာသမားအား စေ့ဆော်သော အကြောင်းတရားများမှာ လွန်စွာပင် များပြားသည်။အတိအကျပြောဖို့ ခက်ခဲလှပါသည်။ အလကားနေရင်း အနုပညာပစ္စည်းတစ်ခုကို ဖန်တီးဖို့ စိတ်ကူးမရလာနိုင်ပါ။ အကယ်၍ အလကားနေရင် စိတ်ကူးတစ်ခုခုရသည်ဆိုလျှင်လည်း ထိုအထင်မှားပါသည်။ လူသည် မည်သည့်အခါမှ အလကားမနေပါ။ အနည်းဆုံးတော့ လူ့စိတ်သည် ဟိုရောက် ဒီရောက်နှင့် ဟိုတွေး ဒီတွေး ရှိနေတတ်ခြင်းကြောင့် ဖြစ်ပါသည်။

 

“အနုပညာဖန်တီးမှုရဲ့ မူလအစဟာ နက်ရှိုင်းတဲ့ မသိစိတ်ကလာတယ်”

 

ကျွန်တော်ပြောသော စကားမဟုတ်ပါ။ ကမ္ဘာကျော်စိတ်ပညာရှင် ဆစ်ဂမန်ဖရွိုက်ပြောခဲ့ခြင်းဖြစ်ပါသည်။ သူ့စကားကို ကျွန်တော် မငြင်းပယ်ပါ။ ငြင်းပယ်နိုင်စရာအကြောင်းလည်း မမြင်မိပါ။

 

၉။            ။တလောတုန်းက ရုပ်မြင်သံကြားအစီအစဉ်တစ်ခုတွင် အမှတ်မထင်ကြည့်ခဲ့ရသော သိပ္ပံသတင်းတစ်ခုကို ကျွန်တော်ပြန်ပြောပြ ချင်ပါသည်။ သတင်းက ထူးထူးဆန်းဆန်း ကိုယ်ပျောက်ဝတ်စုံတီထွင်ထုတ်လုပ်မှုသတင်းဖြစ်သည်။ ကိုယ်ပျောက်ဝတ်စုံပြုလုပ်သော အခြေ ခံအတွေးအခေါ်မှာ ရိုးရိုးကလေးဖြစ်သည်။  ကျောဖက်မှ သွားလာလှုပ်ရှားနေကြသော အရာဝတ္ထုပစ္စည်းများ၊ လူများ၏ ပုံရိပ်များကို ရှေ့ဖက် မှာ ပြန်ပေါ်စေသည်။ ထို့အတူ နောက်ဖက်မှ ကြည့်ပါကလည်း ရှေ့ဖက်မှ ပုံရိပ်များကို ပြန်မြင်အောင် တီထွင်ထားသည်။

 

ထိုသို့ဖြင့် ကိုယ်ပျောက်ဝတ်စုံဝတ်ထားသူ၏ ခန္ဓာကိုယ်သည် မှန်အကြည်တစ်ချပ်လို ဟိုဖက် ဒီဖက် ထွင်းဖောက်မြင်နေရသလိုမျိုး အထင်ရောက်စေသည်။ တီထွင်သည့်နိုင်ငံကို ကျွန်တော်မမှတ်မိတော့ပါ။ ဂျပန်နိုင်ငံဟုထင်ပါသည်။

 

သိပ်မကြာခင်က မဂ္ဂဇင်းတစ်စောင်တွင် တရုတ်နိုင်ငံမှ ပန်းချီပညာရှင်တစ်ယောက်အကြောင်း ဖတ်လိုက်ရပြန်ပါသည်။ ထိုပန်းချီ ပညာရှင်ဖန်တီးထားသော ပန်းချီများမှာ ထူးဆန်းနေသည်။ သူက မြို့ပြနံရံများ၊ မိတ်ဆွေအပေါင်းအသင်းများ၊ ပိုက်လုံးများ စသည်တို့ကို နောက်ခံထား၍ သူကိုယ်တိုင်ပါဝင်ဖွဲ့စည်းလျက် ပန်းချီကားများအဖြစ်တင်ဆက်ပြသရာမှ နာမည်ရလာသည်ဟု ဆောင်းပါးက ရေးထားသည်။

 

သူ့ပန်းချီကားများထဲတွင် ထိုနောက်ခံအရာများကိုသာ မြင်သာထင်သာအောင်ပြထားပြီး သူကိုယ်တိုင်ကမူ ပုံရိပ်တစ်ခုအနေနှင့် သာ ပါဝင်ဖွဲစည်းထားခြင်းက သူ့ပန်းချီကားများ၏ ထူးခြားမှုဖြစ်နေသည်။

 

ဥပမာ-နံရံတစ်ခုရှေ့တွင် သူရပ်နေသည်ဆိုပါစို့၊ သူ့ခန္ဓာကိုယ်နောက်ဖက်မှာ ကွယ်ကာထားသမျှ နောက်ဖက်နံရံ၏ အရောင်တွေ အတိုင်း သူ့ခန္ဓာကိုယ်ရှေ့ဖက်မှာ ဆေးခြယ်ကာ သူရပ်ပြသည်။ ထိုအခါ ရုတ်တရက်ဆိုလျှင် သူရပ်နေသည်ကို မမြင်ရ။သူက နံရံနှင့်ရောကာ ပျောက်ဆုံးနေသည်။ သေချာကြည့်မှသာ သူ့ကို လူတစ်ယောက်ကောက်ကြောင်းအတိုင်း မြင်ရသည်။ ထိုနည်းဖြင့် သူ့ပန်းချီကားများက ရိုးရိုး လေးနှင့် ဆန်းကြယ်နေသည်။ သူ့ပန်းချီကားများ၏ အဓိကအကြောင်းအရာမှာ ပျောက်ဆုံးခြင်းဖြစ်သည်။

 

၁၀။          ။ကိုယ်ပျောက်ဝတ်စုံပြုလုပ်သော သဘောတရားနှင့် တရုတ်ပန်းချီပညာရှင်သုံးသော သဘောတရားတို့မှာ အခြေခံအားဖြင့်တူညီ နေပါသည်။ အဓိကဖြစ်သော တည်ရှိပြီး အရာဝတ္ထုတစ်ခုကို ပျောက်ဆုံးသွားစေရန် ရည်ရွယ်ဖန်တီးသည့်နေရာတွင် တူညီနေကြပါသည်။

 

သို့ရာတွင် မတူညီပါ။ အကြီးအကျယ်မတူညီပါ။ ရှင်းပါမည်။

 

ကိုယ်ပျောက်ဝတ်စုံမှာ သိပ္ပံပညာအရ စမ်းသပ်တီထွင်မှုတစ်ခုသာ ဖြစ်သည်။ အပြည့်အ၀မအောင်မြင်သေးဟု ဆိုပါသည် သိပ္ပံ ပစ္စည်းဖြစ်သည့်အားလျော်စွာ လက်တွေ့အသုံးချနိုင်ရန် အချိန်များစွာယူရပါဦးမည်။ အကယ်၍ အောင်မြင်သွားပါက လူ့အသုံးအဆောင် ပစ္စည်းတစ်ခုအဖြစ် တစ်ချိန်ချိန်မှာ အသုံးတွင်ကျယ်ကောင်းတွင်ကျယ်လာနိုင်သည်။ အထူးသဖြင့် စစ်ဖက်ဆိုင်ရာအသုံးအဆောင် ပစ္စည်း တစ်ခုဖြစ်လာနိုင်သည်။

 

တရုတ်ပန်းချီပညာရှင်၏ ပန်းချီပြကွက်မှာ လူ့အသုံးအဆောင်ပစ္စည်းတစ်ခုအတွက် ရည်ရွယ်ခြင်းမဟုတ်ပါ။ မြို့ပြ၏ မွန်းကြပ်မှုများ၊ မိတ်ဆွေအပေါင်းအသင်းများ၏ နားလည်ရခက်မှုများ၊ အချိန်ကာလတရား၏ မတည်မြဲမှုများ စသည်တို့ကြားတွင် လူသား တစ်ယောက်၏ ဖြစ်တည်မှုပျောက်ဆုံးနေပုံကို အရိုးရှင်းဆုံး သရုပ်ဖော်ထားသော ပန်းချီပြကွက်များပင် ဖြစ်လေသည်။ တစ်နည်းအားဖြင့် ဒါသည်ပင် အနုပညာဖြစ်သည်။ ကိုယ်ပျောက်ဝတ်စုံကဲ့သို့ လူ့အသုံးအဆောင်ပစ္စည်းတစ်ခုဖန်တီးပြုလုပ်သည်ထက် လွန်စွာကျယ်ပြန့်သော သဘောတရားများစွာကို ထိုပန်းချီပြကွက်များထဲတွင် ကျွန်တော်တွေ့မြင်ခံစားခဲ့ရပါသည်။

 

၁၁။          ။လောကနတ်ပန်းချီပြခန်းမှာ newzero ကျင်းပပြုလုပ်သော New Media Art Show ဆိုသည့်ပွဲကလေးကို ကျွန်တော်သွားကြည့် ဖြစ်ခဲ့သည်။ အနုပညာကြားခံမီဒီယာသစ်တွေသုံးပြီးတင်ပြထားသော အနုပညာပြပွဲလေးတစ်ခုဖြစ်ပြီး ကမ္ဘာသစ်တစ်ခုပေါ် ရောက်ရှိသွားသလို ခံစားမှုမျိုးကို ရပါသည်။

 

“New Media Art ဆိုတာ အနုပညာကြားခံသစ်တွေ၊ နည်းပညာသစ်တွေနဲ့ ပေါင်းစည်းဖန်တီးတင်ပြတဲ့ အနုပညာ ဖြစ်ပြီး digital art, computer graphic, computer animation, virtual art, internet art, interactive art, computer robotics တွေပါဝင်နေတဲ့ အပြင် ဇီဝနည်းပညာလို့ခေါ်တဲ့ biotechnology တွေပါ ပေါင်းစပ်ပါဝင်နေပါတယ်။ New Media Art ဆိုတဲ့အတိုင်း အနုပညာ ကြားခံတွေများပြားသလို နည်းပညာသစ်တွေ ပေါင်းစုလာတာ ကြောင့် နက်နဲရှုပ်ထွေးလာတယ်လို့ ဆိုနိုင်ပါတယ်”

 

 

ပြပွဲမှတ်တမ်းစာအုပ်အဖွင့်မှာ ဆရာနိုင်စွမ်းက ရေးသားထားတာဖြစ်ပါသည်။ အကြောင်းတိုက်ဆိုင်သဖြင့် ထိုစာအုပ်ကလေးပေါ်မှ newzero ၏ ကြွေးကြော်သံဆန်သောစာစုကလေးကို တင်ပြရင်း ကျွန်တော့်ဆောင်းပါးကို နိဂုံးချုပ်ပါမည်။ ထိုကြွေးကြော်သံသည် အနုပညာ ရပ်အသစ်ကို ဆာလောင်သော အနုပညာသမားအားလုံးကို ကိုယ်စားပြုသော အသံဟု ကျွန်တော် ယုံကြည်သောကြောင့် ဖြစ်ပါသည်။

 

ကျွန်တော်တို့ဟာ အနုပညာကို

လက်နဲ့ ပုံတူကူးယူခြင်းမဟုတ်ပါ…

ကျွန်တော်တို့ဟာ ဘ၀နဲ့ရင်းပြီး ရရှိလာတဲ့

ခံစားချက်များကို နှလုံးသားနှင့်

ခံစားပြီး ဦးနှောက်ထဲက အတွေးအခေါ်များနှင့်

ပေါင်းစပ်ကာ အနုပညာကို ဖန်တီးခြင်းဖြစ်တယ်…

 

We don’t create art

by duplicating or copying.

We just create art by emerging

two things, heartfelt feeling obtained

from our very heart and ideas standing out

from our thoughtful brain.

 

 

လွန်းဆက်နိုးမြတ်

၉.၁၀.၁၁

မနက် ၀၃း၁၀နာရီ

 

လူနှင့်အနုပညာစာအုပ်

The bookhouse စာစဉ်

၂၀၁၂၊ဖေဖော်ဝါရီ

Image source: ImaginaryClouds Mmblogger

Artical source:http://www.facebook.com/notes/%E1%80%9C%E1%80%BC%E1%80%94%E1%80%B9%E1%80%B8%E1%80%86%E1%80%80%E1%80%B9%E1%82%8F%E1%80%AD%E1%80%AF%E1%80%B8%E1%80%BB%E1%80%99%E1%80%90%E1%80%B9/%E1%80%9C%E1%80%B0%E1%82%8F%E1%80%BD%E1%80%84%E1%80%B9%E1%80%B7-%E1%80%A1%E1%82%8F%E1%80%AF%E1%80%95%E1%80%8A%E1%80%AC/293769980709691