မြစ်လူ

မြစ်လူ

 ပင်လယ်ဆီ ရောက်ပြီ။လှိုင်းရိုက်သံတွေ တ၀ုန်းဝုန်း မြည်အောင် ကြားနေရသည်။ ကမ်းခြေမှာ ခရုခွံများ ကောက်လို့ မနိုင်အောင် ပြန့် ကျဲနေသည်။သောင်ပြင်ဆီလာ တိုးသော ရေ လှိုင်းတွေက တစ်ခဏအတွင်း ပြန်ဆင်း သွားကြ၏။ မဆင်းနိုင်သော လှိုင်းဖျား လှိုင်းနား များက သဲထဲ စိမ့်ဝင်ပျောက်ကွယ် သွားသည်။ အလွယ်တကူ စိမ့်ဝင် ပျောက်ကွယ်ခြင်း မရှိသော သူ့ခြေရာတွေကတော့ နောက်ဘက် သဲသောင်ပြင်မှာ အခိုက်အတန့် စွဲထင် ကျန်ရစ်နေသည်။ တမင်တကာ ဖိနပ် မစီးဘဲ ထွက်လာခဲ့ခြင်း မဟုတ်။ အစကတည်းက သူ့တွင် ဖိနပ်မရှိ။

အဝေးတွင် မိုးကုတ်စက်ဝန်းက ပင်လယ်ပြင်နှင့် ထိစပ်နေသည်။ တသုန်သုန်တိုက်ခတ်နေသော လေထဲ သူ့အင်္ကျီနှင့် လုံချည် အနားစတွင် တဖျတ်ဖျတ် လွင့်နေသည်။ အ၀တ် အစားတွေက လေတိုက် လွန်းသဖြင့် တင်းနေ၏။ဖိနပ်မဲ့ သူ့ခြေဖ၀ါးတွေက အေးစိမ့်နေ ကြသည်။ ထိုပုံစံဖြင့် ကမ်းခြေမှာ အတော်ကြာသည့်တိုင်အောင် သူလျှောက် နေမိသည်။ အနီးတစ်ဝိုက်တွင်  ဘယ်သူ့ကိုမှ မတွေ့ရ။ သူတစ်ယောက်တည်း။ နည်းနည်းကြာမှ သောင်ပြင် တစ်နေရာပေါ် ဖင်ထိုင်ချကာ ပင်လယ်ပြင်ဆီ သူလှမ်းကြည့်မိသည်။ သဲပြင်ထဲ ထိစပ်နစ်ကျွံသွားသော သူ့တင်ပါးတွေက သူ့ခြေဖ၀ါးတွေလိုပဲ အေးစိမ့်လို့သွား၏။ ပင်လယ်ပြင်ကို သူငြိမ်ငြိမ်လေး ထိုင်ကြည့်ဖြစ်သည်။

တကယ်တမ်း ပင်လယ်ကို သူ မမြင်တွေ့ရသည်မှာ နှစ်တွေကြာဟောင်း လွန်းခဲ့ပြီ။ ခုတော့ သူပင်လယ်ကို မြင်တွေ့ခွင့်ရပြီ။ သူ့ရင်ထဲမှာ လှိုက်ခါ တုန်ယင်နေ သည်။ နေမထွက်ေ သး သောကြောင့် သူ့ဘေး ပတ်ဝန်းကျင် တစ်ခုလုံး ခဲသားပါးပါး အုပ်ထားသလို  အရောင်မျိုးဖြစ် နေသည်။ ပင်လယ်ကိုယ်တိုင်အလင်း အားနည်းနေပြီး ကောင်းကင်က “လ”ကိုတောင် မြင်နေရသေးသည်။ ပင်လယ်ဆီရောက်ဖို့ ညပေါင်းများစွာ  ထို“လ”ရောင် အောက်ကနေ သူ ခရီးပြင်းနှင်ခဲ့ရသည်။ နေ့အလင်းရောင်အောက်မှာ သူကောင်းစွာ မရှင် သန်နိုင်သဖြင့် ညဘက်တွေ ရောက်မှသာ ခရီးဆက်ခဲ့သည်။ ရှိသမျှသွေးသား ခွန်အားတွေကို အစွမ်းကုန်ဖျစ်ညှစ်ပြီး ခရီးဆက်လာခဲ့ရသဖြင့် သူမောလျနေသည်။

ပင်လယ်ကို ငေးကြည့်နေရင်း လှိုင်းလုံး တစ်လုံးက ကမ်းခြေဆီ အရှိန် ဖြင့်  ပြေးတက်လာရာ လှိုင်းဖျား ရေစက်များ သူ့ခြေဖမိုးပေါ် တဖွားဖွား လာစင်သည်။ ပင်လယ်က သူ့ကို လက်တို့ နှုတ်ဆက် လိုက်သလားတောင် ထင်မိသည်။ ပင်လယ်က သူ့ကို အသိအကျွမ်း ဖွဲ့ချင်နေသလား။ အမှန်တော့ ပင်လယ်နှင့် အသိအကျွမ်း ဖွဲ့စရာ မလိုလောက်အောင် ပင်လယ် ကြီး အကြောင်း သူ နားလည်သည်။ သူ့အကြောင်းကိုလည်း ပင်လယ်ကြီးက နားလည် နေလိမ့်မည်။ အမျိုး အမည်မသိ ဆိုးဝါးသော ဝေဒနာတစ်ခု ဖြစ်ပေါ်လာ သဖြင့် ကောင်းကင်ဆီ သူနောက်တစ် ကြိမ်မော့ကြည့် မိပြန်သည်။ ကောင်းကင်မှာ တိမ်စိုင်တချို့ တငြိမ့်ငြိမ့် မျောရွေ့နေကြ သည်။  ကောင်းကင်က ပင်လယ်ထက် ပိုပြီး အဖော်အသင်းစုံ ပုံရသည်။ တိမ်စိုင်တွေ ရော“လ”ရောကောင်းကင်မှာ ရှိသည်။ ပင်လယ်ပြင်မှာ ဘာမှမရှိ။ လှေကလေး တစ်စင်းတလေတောင် မရှိ။ ပကတိ အထီး ကျန်နေသလို ခံစားမိသည်။

သူသက်ပြင်း တစ်ချက်ချကာ ပင်လယ်ပြင်ထဲ အကြည့် ပြန်ရောက်သွား သည်။ အထီးကျန်သော ပင်လယ်က ဘယ်အချိန်ကြည့်ကြည့် ကြည့်လို့မ၀။ အရသာရှိလှသည်။ ခုချိန်ကျမှ ထိုအရသာကို စာတွေ ကဗျာတွေနှင့်လည်း သူဖွဲ့မပြလိုတော့။ အရသာရှိတာပဲ သိသည်။ ဒါပဲ။ လုံလောက်သည်။ ပင် လယ်ဆိုသည်မှာ မြစ်အစင်းစင်း စီးဝင်အိုင်ထွန်းရာ အရပ်ဟု အလွယ် သဘော ပေါက်လျှင် လုံလောက်သလို မျိုး ဖြစ်သည်။ ပင်လယ်ရေသည် ကမ္ဘာ့နိုင်ငံ အများအပြားနှင့် ထိစပ်နေသည်။ လူသားအားလုံးကို အကျိုးပြုထားသည်။ ဒါပဲ။ လုံလောက် သည်။ သူပင်လယ်ကို ဆက်ငေးကြည့်နေမိသည်။ နှစ်များစွာမြင်တွေ့ခွင့်မရခဲ့ သော ပင်လယ်က သူ့စိတ်ကူးထဲကအတိုင်းပင် ရှိနေသေး သည်။ သူကတော့ ဟိုအရင်ကလို မဟုတ်တော့ ၍ ပင်လယ် ကြီးက သူ့ကို မှတ်မိပုံမရ။ သူ့လည် ချောင်းထဲမှာ တစ်ဆို့နေသည်။ ကမ်းခြေ မှာ သူရူး တစ်ယောက်လို ဦးတည်ရာမဲ့ လျှောက်ပြေးလွှားရင်း ပင်လယ်ပြင်ကြီး ဘက်လှည့်ကာ မျိုသိပ်ခဲ့ရသမျှ ဖွင့်ထုတ် အော်ဟစ်ပစ် လိုက်ချင်သည်။ သို့ရာတွင် ခုချိန်မှာ သူ့အင်အားတွေက အဆမတန် ချည့်နဲ့နေသည်။ အင်ပြည့်အားပြည့်ရှင်သန်ခဲ့သော ကာလများကို သတိရမိလိုက်သည်။

သမိုင်း အဆက်ဆက် ပင်လယ်ဆီ အားကောင်းမောင်းသန် စီးဆင်းခဲ့သော အတိတ်မြစ် တစ်စင်းကို သူပြန်မြင်ယောင် လာသည်။ ရိုးသားဖြူစင် သော နိုင်ငံငယ်တစ်ခု အပေါ် ထိုမြစ်သည် ဖြတ်သန်းစီးဆင်းခဲ့သည်။ လူတွေ က ထိုမြစ်ကို အမိလို တစ်မျိုး အဖလိုတစ် သွယ် သက်ဝင်ချစ် မြတ်ခဲ့ကြသည်။ ဖြတ်သန်းစီးဆင်းရာ နိုင်ငံငယ်လေး၏ ဒဏ္ဍာရီများ သမိုင်း ဖြစ်ရပ်မှန်များ အတိတ်မှ မမေ့နိုင်စရာ ပုံရိပ်များနှင့် လူသားတို့ သိမြင်ခွင့် မရရှိခဲ့သော အကြောင်း ခြင်းရာအတော် များများကို ထိုမြစ်က တွေ့ကြုံ သိမ်းဆည်း ပေးထားခဲ့သည်။ သမိုင်းတစ်လျှောက် ထိုမြစ်ဆီမှ လူတို့သည် ပြောမပြနိုင်စွမ်းသော ပညာရပ်များ သင်ယူ တတ်မြောက်ခဲ့ကြသည်။ ရေသယံ ဇာတများ လည်း အလျှံပယ်အောင် သုံးစွဲခွင့် ရခဲ့ဖူးသည်။

အတိတ်ကို ပျံ့စဉ်သွားသော သူ့စိတ်တွေက ဆို့နင့်နေ၏။ ပင်လယ်လေ ရှူပါဟု ဘယ်သူကမှ မတိုက်တွန်းသော်လည်း သူပင်လယ်လေ ကို တစ်ဝကြီး ရှူရှိုက်ပစ်လိုက်သည်။ ရင်ထဲမှာ အနည်းငယ် အေးသန့်ကာသွား၏။ ဆားငွေ့ နည်းနည်း ရလိုက်သလိုလည်း ထင်မိသည်။ ပင်လယ်၏သွေးတွေ သူ့ခန္ဓာ ကိုယ်အနှံ့ စီးဆင်းသွားကြပြီလားမသိ။

သူ့နားထဲ မြစ်တစ်စင်း၏ စီးဆင်းသံကို တဝေါဝေါကြားလာမိပြန်သည်။ ထိုမြစ်၏ စီးဆင်းမှု အပေါ် လူတချို့က သစ္စာ မဲ့ပစ်လိုက်ကြ ပုံတွေလည်း သူ ပြန်တွေးဖြစ်သည်။ ထိုမြစ်ကမ်းမှာ လူ့လောဘတွေ ရွှေကျင်သည်။ မြစ်ထဲ ပြဒါးသင့် ရေတွေ ပြန်စွန့်ထုတ် သည်။ မြစ်ကမ်းနှင့် သိပ်မဝေးသော နေရာတွင် အရက် ဘီယာ စက်ရုံများ ထားရှိသည်။ ပိုးသတ်ဆေး စက်ရုံများ တည်သည်။ သစ်စက်များဆောက်သည်။ စက်ရုံထွက် အဆိပ်သင့် ရေဆိုးများ၊ လွှစာမှုန့်များ က မိုးရေနှင့်အတူ ထိုမြစ်ထဲသို့ စီးဝင်လာပြီး ရေသတ္တ၀ါ အမြောက်အမြား ထိုမြစ် ထဲမှာ သေပွဲ ၀င်ကြရသည်။ ဒါ့အပြင် ထိုမြစ် စတင်စီးဆင်းရာ မြစ်ဆုံ ဒေသတွင် လက်လွတ်စပယ် ပိတ်ဆို့ ဆည်ဆောက်သော အခါ ထိုမြစ်၏ စီးဆင်းမှု သဘာဝသည် မြစ်ဆုံ စတင်ကာ အချိုးပျက် သွားလေတော့သည်။

ပင်လယ်မှာ နေထွက်လာတော့မည်။ ခဲသားရောင်ခြုံလွှာပျောက်ကွယ် ကာ ရွှေရောင်ခြုံလွှာ အုပ်ဆိုင်းလာတော့သည်။ သူအံကို တင်းတင်းကြိတ် လိုက်ပြီး ပင်လယ်ကို မမှိတ်မသုန်စိုက် ကြည့်လိုက်သည်။ သူ့ဦးခေါင်းတစ်ခု လုံးကျင်နေသည်။ မတန်လိုက် တာ။ မြစ်တစ်စင်းရဲ့ နိဂုံးဟာ ဒါလား။

သူ့အတွေးစဉ်ထဲ စီးဆင်းနေသော မြစ်သည် အဆိပ်သင့် ငါးတစ်ကောင်လို ဖျတ်ဖျတ် လူးနေသည်။ ရွှေတူးခြင်း၊ ဆည်ဆောက်ခြင်း၊ စက်ရုံများတည် ခြင်းအပြင် လူတို့၏ မစင်များ၊ မြို့တကာမှ စွန့်ပစ် ရေဆိုးများ၊ လှေသမ္ဗန်စက် ရေယာဉ်များမှ စက်ဆီများ၊ ကြွပ်ကြွပ် အိတ်များ၊ စည်းကမ်းမဲ့ အညစ်အကြေး ပေါင်းစုံများစသည် တို့ကို မြစ်ထဲ ထင်သလို စွန့် ပစ်ခြင်းကြောင့် အဆိပ်သင့်သွားရခြင်း ဖြစ်သည်။ ထိုမြစ်၏ ရေမျက်နှာပြင်သည် ရေအားလျှပ်စစ် ထုတ်ယူရေး လုပ်ငန်းများကြောင့် ပြောင်းလဲလာသည်။ ရေအပူဓာတ် လည်း ပြောင်းလဲ လာသည်။ အောက်ဆီဂျင် လျော့နည်းသွားကာ မြစ်ရေစီးဆင်းမှုလည်း လျော့ကျသွားသည်။

ရိုးရှင်းသော ပင်လယ်ပြင်ကို ငေးကြည့်ကာ အလိုလိုနေရင်း သူမျက်ဝန်းတွေ စိုစွတ်လာသည်။ အဆိပ်သင့်မြစ်တစ်စင်းအတွက် ၀မ်းနည်းမိခြင်းလား။ လူ့လောဘ လူ့အကျင့်ပျက်များ အတွက် သနားမိခြင်းလား။ သူကိုယ်တိုင်တောင် မကွဲပြား။ တဖြည်းဖြည်းနှင့် အသက်ငင်နေသည့် မြစ်တစ် စီး၏စီးဆင်းမှုက အကွာအဝေးအတိုင်းအဆ ရှိ လာသည်။ ရိုးသားဖြူစင်ေ သာ နိုင်ငံငယ်လေးတွင် မရိုးသားမဖြူစင်သူတို့ကြောင့် ထိုမြစ်သည် လျင်လျင်မြန်မြန် တိမ်ကောလာတော့သည်။ တိမ်ကောသွားသော မြစ်က ပင်လယ်ဆီ ဆက်လက် စီးဆင်းနိုင်ခြင်း မရှိတော့ဘဲ အဆင့်ဆင့်ခန်းခြောက် သွားခဲ့လေသည်။

ပင်လယ်ပြင်မိုးကုတ်စက်ဝန်းမှာ အလင်း ရောင်တန်းတချို့ထွက်လာတာ သူလှမ်းမြင်ရ သည်။ နေမထွက်ခင် အစပျိုးအလင်းရောင်တန်း များ။ ရုတ်တရက်ကြီး သူ့ဘယ်ဘက်ရင် ဘတ် နေရာက စူးခနဲထိုးအောင့်သည်။ မြစ်တစ်စီး၏ အတ္ထုပ္ပတ္တိသည် ရုပ်ဆိုးအကျည်းတန်စွာ ပြီးဆုံး မည်မှန်း အစက သူမသိခဲ့။

တစ်ညတွင် ခန်းခြောက်သွားသော မြစ်၏ နောက်ဆုံးလက်ကျန် လူတစ်ကိုယ်စာ ရေထုက ပေါင်းစုရုန်းကြွလာပြီး လူတစ်ယောက် အသွင် မြစ်ကမ်းပေါ်တက်လာသည်။ ပင်လယ်ဆီ အရောက်သွားရန်ဖြစ်သည်။ နေရောင်တွင်အသား အရေများ တင်းမခံနိုင်၍ ညဘက်ရောက် မှသာ ခရီးဆက်သည်။ ထိုလူက အခြားမဟုတ်။ သူ ကိုယ်တိုင်ပဲ ဖြစ်သည်။

ဟိုစဉ်တုန်းက သူကိုယ်တိုင်သည် ပင်လယ် ကြီး၏ အစိတ်အပိုင်းတစ်ခု။ ပင်လယ်နှင့် သူအိပ် မက်ချင်း ၀တ်မှုန်ကူးခဲ့ဖူးသည်။ အသွေးအသားချင်း လက်ပွန်းတတီး ဖြစ်ခဲ့ဖူးသည်။ ခုတော့ ပင်လယ်ကြီး ကိုယ်တိုင်တောင် သူ့ကိုမမှတ်မိ တော့။ မျက်ရည် မကျအောင် ထိန်းထားရသည်မှာ ပင်ပန်းလွန်းလှပြီ။ ဆက်ပြီး ထိန်းမထားနိုင်တော့။ သူရှိုက်ကြီးတငင် ငိုချလိုက်မိသည်။

ပင်လယ်ပြင်တွင် နေရောင်က ဖြည်းနှေးစွာ ထွက်လာနေသည်။ ကယောင်ကတမ်း ထရပ် လိုက်စဉ်တွင် မျက်ရည်တွေကို သူမသုတ်မိ။ လက် ကျန်အင်အားကို စုစည်းခြစ်ယူပြီး ပင်လယ်ထဲ ဆင်းရန် ပြင်လိုက်သည်။ မကြာခင် မြစ်တစ်စီး၏ နောက်ဆုံးသွေးစက်များ ပင်လယ်ထဲ စီးဆင်းဝင် ရောက် ပျောက်ကွယ်သွားတော့မည်။

(၀န်ခံချက်-မြစ်လူဝတ္ထုကို ရေးသားပြီးစီးသွားပြီး သိပ်မကြာခင်တွင် ဆရာမောင်ယုပိုင်၏ ဧရာဝတီဒုတ်ခွီမန်ထရီ ကို ဖတ်မိလိုက်ရာ ၀တ္ထုအတွက်လိုအပ်သော အချက်အလက်များကို ထိုစာစုမှ မှီငြိမ်းရေးသားပါသည်။)

လွန်းဆက်နိုးမြတ်

(Teen မဂ္ဂဇင်း၊ဇူလိုင်လ ၂၀၁၂)

 

 

 

Advertisements

အရန်သင့်ထုပ်ပိုးခံဘ၀

အရန်သင့်ထုပ်ပိုးခံဘ၀

လမ်းမပေါ် ကားတွေဟာ ပြေးလွှားနေပြီး
သစ်ပင်တွေရဲ့ ညှို့ငင်မှုထဲ လေက တဒီးဒီးရမ်းခါနေတယ်
တစ်စုံတစ်ယောက်က တစ်စုံတစ်ယောက်ကို
သစ္စာဖောက်ဖုိ့ ပြင်ဆင်နေတာ ဘေးကနေ မြင်ရတဲ့အခါ
လှေကားထစ်များအတိုင်း စေ့စပ်လက်စွပ်ကလေးဟာ
တလိမ့်ချင်းလိမ့်ဆင်းသွားခဲ့တယ်
ဒီမြင်ကွင်းကို ခဏခဏ လှည့်ကြည့်နေမိတာ
ဘယ်နှကြိမ်မြောက်မှန်းမသိတော့ဘူး
ရုတ်တရက်
သေကြောင်းကြံစည်လိုက်တဲ့
သစ်ကိုင်းခြောက်လေးကို ကြည့်ပါ
အပြန်အလှန် နားလည်ခြင်းတရားမဲ့စွာနဲ့
အသိဥာဏ်တွေ အဆိပ်ခတ်ခံလိုက်ရတယ်
ခြင်ဆေးခွေတစ်ခု အရွယ်အစားဟာ
သာမန်ခြင်ဆေးခွေထက် ပိုလည်းကြီးတယ်
လုပ်ထုံးလုပ်နည်းများအရ
တံခါးကို တဒေါက်ဒေါက်နဲ့ ခေါက်မရတဲ့အုံး
ညာခြေနဲ့ ဆောင့်ကန်ချိုးဖျက် ၀င်လိုက်တယ်
နံရံမှာ ကပ်ထားတဲ့ အချိန်စာရင်းအတိုင်း
ကျွမ်းလောင်စီးဆင်းဖို့ သေချာရဲ့လား
ပြောပုံဆိုပုံကတော့
သူ့ရှေ့က ကောင်မတွေလိုပါပဲ
ကိုယ့်ဘက်မှာ တစ်ယောက်မှမရှိမှန်း
ကြာလာလေ သိလာလေ
မြစ်ကမ်းခြေ နုန်းစပ်မှာ တင်နေပြီး
အ၀တ်စိုတွေ လှမ်းဖို့လောက်သာ အသုံးဝင်တော့တဲ့
သင်္ဘောပျက်တွေအတိုင်းပေါ့
လူမှုအတွေးအခေါ်အားလုံးဟာ ငွေကြေးရလိုမှုကလွဲရင်
ဘယ်အတွက်မှ အသံကောင်းကောင်းမထွက်တော့ပါ
ပြောပါဦး မင်းခေါင်းက ဒဏ်ရာ ဘယ်လိုရသလဲဆိုတာ
အို…ကျွန်မရဲ့ အချက်အလက်မှန်သမျှ
ရှင်ကိုင်ထားတဲ့ ဖိုင်ထဲမှာ ရှိတယ်
ဟုတ်ပါတယ်
ဒါပေမဲ့ မင်းပြောတာပဲ နားထောင်ချင်တယ်
လုပ်စမ်းပါ ကားစတီယာရင်ကို
မင်းဆွဲလှည့်လိုက်တာက စလို့ပေါ့…။    ။

လွန်းဆက်နိုးမြတ်
မန်းချောင်းလရောင် Poetry Life 2011