အခြားစနစ်နဲ့ သုံးကြိမ်
(၁)
ကမ္ဘာပေါ်မှာ အသက်ရှင်နေထိုင်ရတဲ့ စက္ကန့်တိုင်း၊ မိနစ်တိုင်း၊ နာရီတိုင်းကို တန်ဖိုးထားတတ်အောင် သူက ကျွန်တော့်ကို သင်ကြားပေးသွားခဲ့တာ။
လူသားတွေရဲ့ ရှင်သန်ခြင်းဖြစ်စဉ်ထဲမှာ တကယ်ကို ကြောက်စရာကောင်းတဲ့ မတော်တဆထိခိုက်မှုတွေ ရှိတယ်။ အဲဒီလို ထိခိုက်မှုတွေမှာ သူ့ကို ကျွန်တော်တွေ့ရှိခဲ့တယ်။ ကျွန်တော် တို့ချင်းစတွေ့ကတည်းက သူဟာ ကျွန်တော်နဲ့ စိမ်းမနေခဲ့ဘူး။ ဘာဖြစ်လို့ဆို သူဟာ ကျွန်တော့်ရဲ့ အခြားစနစ်တစ်ခုဖြစ်လို့ပဲ။ ကျွန်တော့်အသက် ခုနနှစ်အရွယ် နွေဦးကာလတစ်ခုမှာ သူနဲ့ ပထမဆုံးအကြိမ်တွေ့ဆုံခဲ့တယ်။ သူနဲ့တွေ့ဆုံမှုအကြောင်းမပြောခင်မှာ အရင်ဆုံး ဦးထွေးအကြောင်း ကျွန်တော်ပြောချင်သေးတယ်။ အမှန်တော့ သူနဲ့ ကျွန်တော်ဟာ ဦးထွေးရဲ့ ခြံဝန်းထဲမှာ စတင်ဆုံစည်းခဲ့ ကြတာပဲ။ ဒါပေမယ့်လို့ သူ့အကြောင်းဟာ ဦးထွေးနဲ့ သိပ်တော့မသက်ဆိုင်လှဘူး။ ခက်တာက သူ့အကြောင်းပြောတဲ့အခါ ဦးထွေးအကြောင်းကနေပဲ ကျွန်တော် စချင်တယ်။
ကျွန်တော်ငယ်စဉ်က နေခဲ့ရတဲ့ ရွာကလေးမှာ ဆံသဆရာတစ်ယောက်ရှိတယ်။ သူ့နာမည်က ဦးထွေး။ ဦးထွေးဟာ အသက်၆၀ ကျော်နေပေမယ့် တစ်ကိုယ်ရေတစ်ကာယသမား လူပျိုကြီးတစ်ယောက်ဖြစ်တယ်။ ကျွန်တော်ဟာ ဦးထွေးဆီမှာ ဆံပင်ညှပ်ရတယ်။ လက်ရာတွေ ဘာတွေကောင်းလို့ရယ်တော့ မဟုတ်ဘူး။ ကျွန်တော်လာပြီဆိုရင် ဦးထွေးအမြဲတမ်း ညှပ်ပေးရတဲ့ ဆံပင်ပုံစံက ဘဲမြီးကေပဲ။ တစ်ခါတစ်လေတော့လည်း တခြားဆံပင်ပုံစံတွေ ဘာတွေ ပြောင်းညှပ်ပေးဖို့ ကျွန်တော်ပြောဖူးတယ်။ ဒါပေမယ့်လို့ ဦးထွေးကတော့ ဘဲမြီးကေ ညှပ်ပေးမြဲပဲ။ ဒီလို ညှပ်တယ်ဆိုတာကလည်း အကြောင်းရှိတယ်။ ကျွန်တော့်မေမေကိုယ်တိုင်က ဒီပုံပဲညှပ်ပေးဖို့ ဦးထွေးကို ပြောထားတာကိုး။
ကျွန်တော့်မေမေအပါအ၀င် ရွာက အိမ်ရှင်မအများစုဟာ သူတို့ရဲ့ သားသမီးတွေကို ဦးထွေးဆီမှာပဲ ဆံပင်ညှပ်ခိုင်းကြတယ်။ ဦးထွေးက ကလေးချစ်တတ်တယ်၊ စိတ်ရှည် တယ်။ နောက်ပြီး အသက်အရွယ်အရလည်း လေးစားကြတာပါလိမ့်မယ်။ အဲဒါကြောင့် စနေ၊ တနင်္ဂနွေလို ကျောင်းပိတ်ရက်တွေမှာဆိုရင် ဦးထွေးဆံသဆိုင်ဟာ ကလေးတွေနဲ့ ဆူညံနေ တတ်တယ်။ တိုတိုပြောရရင် သိပ်မကြာခင်မှာပဲ လူကြီးရောဂါတစ်ခုနဲ့ ဦးထွေးဆုံးသွားတယ်။ မနက်ခင်းတစ်ခုမှာ ဦးထွေးရဲ့ သက်မဲ့ခနာကိုယ် ကြီးကို အ၀တ်အစားတွေချွှတ်ပြီး ရွာက လူတွေ ရေ၀ိုင်းချိုးပေးကြပုံကို အခုထိ ကျွန်တော်မှတ်မိနေသေးတယ်။ ဘာဖြစ်လို့လည်းဆိုတော့ ကျွန်တော့်ဘ၀မှာ ပထမဆုံးမြင်ဖူးတဲ့ လူသေအလောင်းဟာ ဦးထွေးဖြစ်လို့ ပဲ။ နောက်တစ်ခုက လူတွေ သေဆုံးသွား တဲ့အခါ ရေချိုးပေးရတဲ့ ဓလေ့ကို ဦးထွေးကြောင့် ကျွန်တော် သိသွားတယ်။ ဦးထွေးမရှိတော့တဲ့ နောက်ပိုင်းမှာ ဦးထွေးရဲ့ ဆံပင်ညှပ်ဆိုင်နဲ့ ခြံထဲက ဦးထွေးရဲ့ အိမ်ကို ဖျက်လိုက်ကြတယ်။ ဘာ့ကြောင့်ဖျက်မှန်းတော့ ကျွန်တော်လည်း ကောင်းကောင်းမသိဘူး။
ဒီလိုနဲ့ ကာလကြာတော့ ရွာလယ်လမ်းနဲ့ ရွာရှေ့လမ်းအပြိုင်ကြားမှာ ရှိနေတဲ့ ဦးထွေးရဲ့ ခြံဟာ ရွာကလူတွေအဖို့ အသုံးဝင်တဲ့ ဖြတ်လမ်းကလေးတစ်ခုဖြစ်လာတယ်။ လူတွေကလည်း ဦးထွေးခြံထဲက ဖြတ်သွားရမှာကို ဘယ်သူကမှ မစိုးကြောက်ကြဘူး။ ရိုးသားတဲ့ ရွာသားတွေဆိုတော့ ဘာမှလည်း အထူးတလည် ထွေလီကာလီစဉ်းစားမနေဘူး။ ဦးထွေး တစ်ယောက် ကောင်းရာမွန်ရာကို ရောက်မယ် ဆိုတာ လူတိုင်းက ယုံကြည်ြ့ပီးသား။ ဦးထွေးခြံထဲကို ဖြတ်နေချိန်မှာတောင် ဦးထွေးခြံမှန်း ရွာကလူတွေ သတိရကြပုံမပေါ်ဘူး။ ဦးထွေး ကို ရိုးရိုးသားသားပဲ ရွာသားတွေက မေ့လျော့သွားကြတယ်။ အဲဒီ့ဖြတ်လမ်းကလေးကလွဲရင် ကျန်တဲ့ ဦးထွေးရဲ့ ခြံမြေပေါ်မှာ ခြုံနွယ်မြက်ရိုင်း တွေဟာ တောထပြည့်နှက်နေတော့ တယ်။
တမင်တကာမဟုတ်ဘဲ သူ့အလိုအလျောက် ဦးထွေးရဲ့ ခြံကလေးဟာ နေ့ခင်းနေ့လည် ကျွန်တော်တို့ကလေးတွေအတွက် အသေးစား ကစားစရာတောအုပ်ကလေးဖြစ်လာတယ်။ ဦးထွေးခြံထဲက မာလကာပင်၊ သရက်ပင်နဲ့ တခြားအပင်တွေပေါ် ကျွန်တော်တို့ တက်ကစား ကြတယ်။ မြက်ရိုင်းတောထဲဝင်ပြီး စခန်းဆောက်ကြတယ်။ သေနတ်ပစ်တမ်း၊ တူတူပုန်း တမ်းတွေ ကစားကြတယ်။ ဆော့ကစားခြင်းနဲ့ ပတ် သတ်ရင် ကျွန်တော်ဟာ အင်မတန်စိတ်အားထက်သန်နေတဲ့ အရွယ်ပဲ။ ဦးထွေးရဲ့ ခြံထဲ ၀င်ကစားရတဲ့ အချိန်တိုင်းမှာ ကျွန်တော်ပျော်ရွှင်ခဲ့ရတယ်။ ဒါပေမယ့်လို့ သူနဲ့ကျွန်တော် ဦးထွေးခြံထဲမှာ ပထမဆုံးတွေ့ရှိခဲ့ပြီးနောက်တော့ ကျွန်တော့်ပျော်ရွှင်မှုတွေဟာ မသေချာတော့ဘူးဖြစ် သွားလေရဲ့။
အဲဒီ့အချိန်တုန်းက ကျွန်တော်ဟာ တူတူပုန်းတမ်းလို ကစားနည်းကို ဦးထွေးခြံထဲမှာ ကစားနေခဲ့တယ်။ တခြားသူငယ်ချင်းတွေ ကျွန်တော့်ကို ရှာမတွေ့နိုင်အောင် မြက်ရိုင်းတောတွေထဲ တွားသွားပုန်းအောင်းရင်းပေါ့။ ပုန်းအောင်းနေရင်း ဦးထွေးရဲ့ ခြံထဲက ကျွန်တော်တို့ ကလေးတွေ အရောက်အပေါက်နည်းတဲ့ အပိုင်းတစ်ပိုင်းရှိတာကို သွားသတိရမိလိုက်တယ်။ ဘာဖြစ်လို့ အဲဒီ့အပိုင်းတွေမှာ ကျွန်တော်တို့ မကစားဖြစ်ကြသလဲဆိုတော့ ချောင်ကျပြီး အလင်းရောင်ကောင်းကောင်း မရလို့ ဖြစ်နိုင်တယ်။ ဖြစ်နိုင်တယ် လို့ ပြောရတာကတော့ ကျွန်တော် သေသေချာချာရှင်းမပြနိုင်လို့ပဲ။ဘာကြောင့်မှန်းတော့မသိဘူး။ ကျွန်တော်ဟာ အဲဒီ့အပိုင်းကို သွားရောက် ပုန်းခိုဖို့ ဆုံးဖြတ်လိုက်တယ်။
အနည်းငယ်အလင်းရောင်ဖျော့တော့ပြီး ချောင်ကျနေတဲ့ အဲဒီ့အပိုင်းကလေးပေါ်မှာ ကျွန်တော်ဟာ ပုန်းအောင်းဖို ပြင်ဆင်တယ်။ တစ်ဖက်မှာလည်း တခြားသူငယ်ချင်းတွေရဲ့ အရိပ်အခြည်ကိုလည်း သတိထားရသေးတယ်။ အဲဒီ့အချိန်မှာပဲ ရုတ်တရက်ဆိုသလို ကျွန်တော့် ရင်ထဲ ဟာခနဲဖြစ်သွားတယ်။ ကျွန်တော့်ရဲ့ ခြေထောက်နှစ်ချောင်းစလုံးဟာ မြေကြီးနဲ့ လွတ်ပြီး စကြ၀ဠာတစ်ခုထဲ လွင့်စင်သွားသလို ခံစား လိုက်ရတယ်။ တကယ်တော့ ကျွန်တော့်ခြေလှမ်းကို နောက်နည်းနည်းအဆုတ်မှာ ဦးထွေးခြံထဲက ရေတွင်းပျက်ဟောင်းကြီးထဲ ကျွန်တော် ပြုတ်ကျသွားတာ။
သတိဝင်ဝင်ချင်း ချက်ချင်းပဲ ကျွန်တော်ဟာ ရေတွင်းနှုတ်ခမ်ပေါင်ကို တံတောင်ဆစ်နှစ်ဖက်နဲ့ အားပြုထောက်ထားတာကို သိလိုက်ရတယ်။ အစကတည်းက ဖိနပ်မပါေ တာ့ ရေတွင်းထဲ ကျနေတဲ့ ကျွန်တော့်ခြေထောက်နှစ်ချောင်း ဟာ ခြေမတွေကုပ်ပြီး ရေတွင်းနံရံကို တွယ်ကပ်ထားတယ်။ ကျွန်တော့်ဘ၀မှာ တစ်ခါမှ အဲဒီ့လောက် မထိတ်လန့်ဖူးဘူး။ ကျွန်တော် ဟာ ရေတွင်းပျက်ရဲ့ ဟိုးအောက်ထဲကို အသာ ခေါင်းငဲ့ကြည့်လိုက်တယ်။ အား။ ကျွန်တော့်ရင်တွေ တရစပ်အခုန်မြန်လာတယ်။ ရေတွင်းအောက်ခြေမှာ ရေနည်းနည်းရှိတယ်။ မိုးကောင်းကင်က ကျလာတဲ့ အလင်းရောင်ခပ်ဖျော့ဖျော့ဟာ ရေတွင်းအောက်ခြေက ရေအနည်းငယ်နဲ့ တခြားအမှိုက်သရိုက် တုတ်တိုတုတ်စတွေပေါ်ကျ ရောက်နေတာကို ကျွန်တော့် မျက်လုံးပြင်မှာ ပုံရိပ်ထင်နေတယ်။
တစ်စုံတစ်ယောက်ကြားနိုင်အောင် ကျွန်တော်ဟာ အသံကုန် ဟစ်အော်လိုက်တယ်။ ကယ်ကြပါဗျို့ဆိုတာမျိုး၊ ဒီကို ခဏလောက် လာပေးကြပါဗျို့ဆိုတာမျိုး အတိအကျမမှတ်မိေ တာ့ပေမယ့် အလားတူစကားတစ်ခွန်းကိုတော့ ကျွန်တော်အသံကျယ်ကျယ်နဲ့ အော်လိုက် တယ်။ ဒါပေမယ့်လို့ ခဏကြာတဲ့အထိဘယ်သူမှ ရောက်မလာကြတဲ့အခါ ကျွန်တော် ဟာ ရေတွင်းထဲက ခြေထောက်တွေကို တွင်းနှုတ်ခမ်းပေါ် ကိုယ့်ဘာသာပဲ တင်ကြည့်ဖို့ ကြိုးစားရတော့တယ်။ မွေးဖွားလာကတည်းက ပထမဆုံးအဖြစ် အသက်နဲ့ရင်းတဲ့ အလုပ်တစ်ခု ကို ကျွန်တော် လုပ်နေမိတာ။ ကျွန်တော့်အသက်ရှူသံတွေဟာဆိုရင် လုံးလုံးလျားလျားကြီးကို မြန်ဆန်လို့နေရဲ့။
သိပ်မကြာခင်မှာတော့ ကံကောင်းထောက်မစွာနဲ့ ကျွန်တော်ဟာ အောင်မြင်ခဲ့တယ်။ မောပန်းထိတ်လန့်ခြင်းတွေနဲ့ အတူ ရေတွင်း နှုတ်ခမ်းပေါ်မှာ ကျွန်တော်မတ်မတ်ရပ်လိုက်နိုင်တယ်။ ဒါပေမယ့်လို့ မနေနိုင်မထိုင်နိုင် ရေတွင်းအောက်ခြေထဲကို ကျွန်တော်နောက် တစ်ခေါက်ငဲ့စောင်းကြည့်မိလိုက်ပြန်တယ်။ ကျွန်တော့်နှလုံးသားဟာ နေရာမှာပဲ ခုန်ထွက်သွားတော့မလား ထင်လိုက်မိရဲ့။ အကြောင်းက တော့ ဟိုးရေတွင်းအောက်ခြေထဲကနေ ကျွန်တော့်ကို ပြန်မော့ကြည့်နေတဲ့ သူ့ကို တွေ့လိုက်ရတဲ့ အတွက်ကြောင့်ပဲ။
ကျွန်တော်ဟာ သူ့ကို အတော်ကြာတဲ့အထိ ပြန်စိုက်ကြည့်နေဖြစ်တယ်။ နောက်တော့ ကျွန်တော့်မျက်လုံးတွေကို ကျွန်တော်မယုံ ကြည်တော့ဘူး။ ကျွန်တော့်အသားတွေ တဆတ်ဆတ် တုန်လာတဲ့အထိ ကြောက်စိတ်ဝင်လာတဲ့အခါ ကျွန်တော်ပြေးထွက်ခဲ့တယ်။ တိုက်တိုက်ဆိုင်ဆိုင် ကျွန်တော်ပြေးထွက်လိုက်ပြီးမှ စောစောက ကျွန်တော်ခြေစုံရပ်နေ တဲ့ ရေတွင်းနှုတ် ခမ်းသားမြေကြီးဟာ တဝေါဝေါမြည်ပြီး ရေတွင်းထဲကို ပဲ့ကျလို့သွားတယ်။ ဒါဟာ သူနဲ့ကျွန်တော် ပထမဆုံးအကြိမ် ဆုံတွေ့ခဲ့တဲ့ အဖြစ်အပျက်ပဲ။
(၂)
သူနဲ့ ဒုတိယအကြိမ်တွေ့ကြပြန်တော့ ကျွန်တော့်အသက်ဟာ ၁၄နှစ်လောက်ရှိပြီ ထင်တယ်။ ကောင်းကောင်းတော့ မမှတ်မိဘူး။ ကျွန်တော်ဟာ နယ်မြို့လေးတစ်မြို့က ဆေးရုံတစ် ခုပေါ်မှာ ကာလကြာရှည်စွာ တက်ရောက်ကုသနေရတယ်။ ကံဆိုးချင်တော့ ဆရာဝန်တွေက ကျွန်တော်ဘာဖြစ်မှန်း မကွဲပြားဘူးဖြစ်နေတယ်။ ကျွန်တော့်ဖြစ်နေတဲ့ ရောဂါကို ရက်ေ တ်ာတော်ကြာအောင် အဖြေရှာမရကြဘူး။ ကျွန်တော့်ရောဂါဟာ သာမန်ဖြစ်နေကျရောဂါတွေနဲ့ ဆင်တူသလို ရှိပေမယ့် ကွဲပြားနေတယ်။ ဒါ့အပြင် ဆရာဝန်တွေက ဟိုအရင် ကျွန်တော်ဖြစ်ဖူးတဲ့ ရောဂါဟောင်းတစ်ခုပြန်ပေါ်တယ်လို့ ယူဆမိကြတာလည်း ပါတယ်။ အမှန်တော့ ရောဂါဟောင်းမဟုတ်ခဲ့ဘူး။
အစောပိုင်း ဆရာဝန်တွေ ယူဆထားတဲ့ ရောဂါကုထုံးအတိုင်း ကုသပေမယ့် ကျွန်တော့်အခြေအနေဟာ တိုးတက်မလာဘူး။ အတွေ့အကြုံရင့် ဆရာဝန်ရှားပါးတဲ့ နယ်မြို့ကလေး တစ်မြို့ဆိုတော့ ပိုဆိုးတော့တာပေါ့။ နေ့နေ့ညည ရောင်စုံဆေးလုံးဆေးပြားတွေ ကျွန်တော်မြိုချခဲ့ရတယ်။ တင်ပါးတွေ အောင့်နေအောင် ဆေးတွေထိုးခဲ့ရတယ်။ ပုလင်းမျိုးစုံချိတ်ခဲ့ရ တဲ့အတွက် ကျွန်တော့်လက်ဖျံတွေဟာ အပ်ပေါက်ရာတွေနဲ့ ပြည့်နေလေရဲ့။
တစ်နေ့ပြီးတစ်နေ့ ကျွန်တော့်ခနာကိုယ်ဟာ ပိန်လှီအားနည်းလာတယ်။ ကျွန်တော့် အသားအရေတွေဟာ ဖျော့တော့ မွဲခြောက် လာတယ်။ တစ်ရက်မှာတော့ ကျွန်တော်ဟာ သတိလစ်ေ မ့မျောသွားတဲ့ အဆင့်ထိတောင် ရောက်ရှိသွားခဲ့တယ်။
ဒါပေမယ့်လို့ ကျွန်တော်သတိပြန်ရလာတဲ့နောက်မှာတော့ ကံကောင်းစွာနဲ့ ဆရာဝန်တွေဟာ ကျွန်တော့်ရောဂါကို အဖြေရှာနိုင် လိုက်ကြတယ်။ သိပ်မကြာခင်မှာတော့ မှန်ကန်တဲ့ ကုထုံးအောက်ရောက်သွားပြီဖြစ်လို့ ကျွန်တော်ဟာ ရောဂါဝေဒနာကနေ လျင်လျင်မြန်မြန် ပြန်လည်သက်သာလာခဲ့တယ်။ နောက်ဆုံးမှာ ကျွန်တော်ဆေးရုံက ဆင်းမယ့်နေ့ ကို ရောက်လာတယ်။
ထုပ်ပိုးထားတဲ့ လူနာအသုံးအဆောင်ပစည်းတွေကို ကျွန်တော့်မိသားစုဝင်တွေက အခန်းအပြင်ဖက် သယ်ဆောင်သွားကြတယ်။ အဲဒီ့အဖွဲ့နောက်ကနေ ကျွန်တော့်မေမေက ကျွန်တော့် ကို တွဲပြီး အခန်းအပြင်ထွက်ဖို့ပြင်တယ်။ အခန်းအပြင်ထွက်ခါနီး တံခါးနားအရောက်မှာ ဘာရယ်မဟုတ်ပါဘဲ ရက်အတော်ကြာလဲလျောင်းခဲ့ရတဲ့ ကျွန်တော့်ဆေးရုံကုတင်လေးဆီ လည်ပြန်လှည့်ကြည့်လိုက်မိတယ်။ ဟင်။ ကျွန်တော်အရမ်းအံ့သြလို့သွားရဲ့။ အံ့သြလွန်းလို့ လှမ်းလက်စကျွန်တော့်ခြေလှမ်းတွေတောင် ရပ်တန့်လို့ သွားတယ်။
ကျွန်တော့်ကုတင်ပေါ်မှာ သူဟာ လဲလျောင်းနေတယ်။ သူ့ကို ကြည့်ရတာ ပိန်လှီဖျော့တော့လွန်းလှတယ်။ သူ့တစ်ကိုယ်လုံးမှာ ပြူးကျယ်ကျယ်မျက်လုံးတွေနဲ့ သူ့နှုတ်ခမ်းထူထူကလွဲရင် ကျန်တဲ့ အရေပြားအားလုံး အတွင်းထဲကို ကျုံ့ဝင်နေတယ်။ ပြူးကျယ်ကျယ်မျက်လုံး တွေနဲ့ သူဟာ ကျွန်တော့်ကို လှမ်းကြည့်နေခဲ့တယ်။ ဒီလိုနဲ့ သူ့ကို ကျွန်တော် ဒုတိယအ ကြိမ်တွေ့ခွင့်ရခဲ့တယ်။
(၃)
ကျွန်တော့်ဘ၀ရဲ့ နောက်ပိုင်းအချိန်တွေမှာ သူဟာ အတော်ကြာတဲ့အထိ ထပ်ပြီးရောက်ရှိမလာတော့ဘဲ ပျောက်ဆုံးသွားပြန် တယ်။ အသက်အရွယ်တဖြည်းဖြည်းကြီးရင့်လာတဲ့ ကျွန်တော်ကတော့ လောကဓံနဲ့ သူလိုငါလို ရင်ဆိုင်ကျော်လွှားရင်း နှစ်ကာလတွေ ဟောင်း လွင့်ဖြတ်သန်းခဲ့တယ်။ ရှားပါးလွန်းတဲ့ အခိုက်အတန့်တွေမှာတော့ သူ့ကို သတိရမိ တတ်တာမျိုးရှိပေမယ့် မရှိသလောက်ပဲလို့ ဆိုရမယ်။
ကျွန်တော့်အသက် ၂၇နှစ်အရွယ်မှာ သူနဲ့ ကျွန်တော် ပြန်ဆုံတွေ့ကြပြန်တယ်။ ဒါဟာ သူနဲ့ တတိယအကြိမ်တွေ့ဆုံမှုဖြစ် ပြီး နောက်ဆုံးအကြိမ်ဆုံစည်းမှုလည်းဖြစ်တယ်။ ပြီးတော့ ဒီတစ်ကြိမ်ဆုံစည်းမှုဟာ ဟိုအရင်အကြိမ်တွေနဲ့ အများကြီး ခြားနားတယ်။ သူနဲ့ ပတ်သတ်ပြီး ကျွန်တော်မသိသေးတဲ့ သဘာဝတရားရဲ့ လျှို့ဝှက်ချက်တစ်ခုကိုလည်း ထိတ်လန့်တကြား သိခွင့်ရလိုက်တယ်။ ဒါပေမယ့်လို့ အဲဒီ့ထိတ်လန့်မှုဟာ ကျွန်တော့်ဘ၀နေထိုင်မှုအတွက် အထူးကို တန်ဖိုးရှိလွန်းလှရဲ့။
မှတ်မှတ်ရရ ကျွန်တော့်တစ်သက်စာမှာ ဘယ်တော့မှ မေ့ဖျောက်မရနိုင်တော့မယ့် ချစ်သူများနေ့ (Valentine’Day) တစ်ရက်မှာ သူနဲ့ တွေ့ရှိဖို့ အကြောင်းဖန်လာခဲ့ကြတာ။ အဲဒီ့နေ့က ကျွန်တော်နဲ့ ကျွန်တော့်ချစ်သူဟာ တစ်နေကုန်အောင် ကားတစ်စီးနဲ့ လျှောက်သွားနေခဲ့ တယ်။ ပန်းခြံတွေထဲလည်း ရောက်တယ်။ ရုပ်ရှင်လည်း ကြည့်တယ်။ စားသောက် ဆိုင်တွေ လည်း ၀င်ထိုင်တယ်။ သွားစရာမရှိတော့တဲ့အဆုံး သူငယ်ချင်းတွေရဲ့ အိမ်တွေကိုတောင် ရှောင်တခင်ဝင်လည်ကြသေးတယ်။ နောက်တော့ ဘာမှလုပ်စရာမရှိတော့လို့ ထုံးစံအတိုင်း ကျွန်တော် တို့ နှစ်ယောက် ပျင်းရိလာကြတယ်။ ဒါနဲ့ပဲ ချစ်သူက ကျွန်တော့်ကို အကြံတစ်ခုပေးတယ်။ သူမကို ကားမောင်းသင်ပေးဖို့ပဲ။
သူမအကြံကို လက်ခံပြီး နာရီပိုင်းအတွင်းမှာ ကျွန်တော့်ကားကလေးဟာ မြို့ပြင်က လူရှင်းတဲ့ လမ်းမတစ်နေရာကို ရောက်လာခဲ့ တယ်။ ကျွန်တော်တို့နှစ်ယောက် နေရာချင်းလဲထိုင် လိုက်ပြီး ကားမောင်းသင်ခန်းစာကို စတင်တယ်။ အဲဒီ့အရင်ကလည်း တစ်ခါနှစ်ခါလောက် နည်းနည်းချင်းစီ သင်ပေးပြီးသား ဖြစ်လို့ အစကနေ သင်ရတာမျိုး မဟုတ်ဘူး။ ကားတစ်စီးကို ဘယ်လို မောင်းနှင်ရမလဲဆိုတဲ့ သဘောတရား ကို သူမသိပြီးသား။ ဒါပေမယ့်လို့ ဘယ်ကိစမဆို လက်တွေ့က အရေးအကြီးဆုံးပဲ။
သူမရဲ့ မောင်းနှင်မှုအောက်မှာ ကားကလေးက လှလှပပ ပြေးနေတယ်။ ဖြစ်ချင်တော့ သူမရော ကျွန်တော်ရော သတိတစ်ချက် လွတ်သွားခဲ့တယ်။ အများအားဖြင့် မြို့ပြင်လမ်းမတွေမှာ ကားရှင်းတယ်ဆိုပေမယ့် ရောက်လာတဲ့ ကားတိုင်းဟာ မြို့ထဲကလို မဟုတ်ဘဲ မြန်နှုန်းမြင့် မောင်းနှင်တတ်ကြတာကို သတိမထားမိလိုက်ကြဘူး။ တစ်နေကုန် ဟိုဟိုဒီဒီလျှောက်သွားပြီး လည်ပတ်ပျော်ပါးခဲ့တဲ့ ပင်ပန်းမှုတွေ ကို ထည့်မတွက်ခဲ့ကြတာလည်း ပါမယ်။ ရုတ်ခြည်းဆိုသလို သူမဘက်ခြမ်းကနေ ကားတစ်စီးဟာ အရှိန်ပြင်းလွန်းစွာနဲ့ ထွက်ပေါ်လာခဲ့ပြီး နောက် အရာအားလုံးဟာ ပကတိ အမှောင်ကျသွားလေတော့ရဲ့။
နောက်ဆုံးတော့ ဒီအဖြစ်ကြောင့် ချစ်သူတစ်ယောက်ကို ကျွန်တော်ဆုံးရှုံးလိုက်ရတယ်။ ကျွန်တော်ကတော့ ဒဏ်ရာပရဗွနဲ့ အသက်ရှင်ပြီး ကျန်ရစ်ခဲ့တယ်။ ကျွန်တော့်ရခဲ့တဲ့ ဒဏ်ရာတွေက အသက်အနရာယ်ကို မထိခိုက်ခဲ့ပေမယ့် ကြောက်စရာကောင်းအောင် ရုပ်ပျက်ဆင်းပျက်ပဲ။ ဆေးရုံပေါ်မှာ ကိုးရက်လုံးလုံး ဒဏ်ရာတွေနဲ့ ကျွန်တော်မေ့မြောနေခဲ့ပြီး ဆယ်ရက်မြောက် မနက်ခင်းမှာ ကျွန်တော် သတိပြန်ရလာတယ်။
ကျွန်တော့်မျက်လုံးတွေကို အားယူဖွင့်လိုက်ရင်း အလင်းဒဏ်ခံနိုင်တဲ့အထိ ခဏစောင့်လိုက်တယ်။ အမြင်အာရုံတွေ ကြည်လင် သွားတော့ ကျွန်တော့်ရှေ့တူရှုမှာ ဆေးရုံနံရံကို ခပ်ကွေးကွေးလေးပုဆစ်တုပ်မှီထိုင်နေတဲ့ သူ့ကို ကျွန်တော်မြင်လိုက်ရတော့တာပဲ။ အဲဒီလို မြင်လိုက်ရတော့ စိတ်ထဲမှာ ကျွန်တော်ဟာ သေဆုံးပြီး တခြားဘုံတစ်ခု ကို ရောက်သွား တယ်လို့တောင် ထင်လိုက်မိသေးတယ်။ ထင်လည်း ထင်ချင်စရာပဲ။ ဆေးရုံနံရံကို မှီထိုင်နေတဲ့ သူခနာကိုယ်ဟာ ဒဏ်ရာဒဏ်ချက်ပေါင်းများစွာနဲ့ သွေးအလိမ်းလိမ်းဖြစ်နေတယ်။ သူက အဲဒီ့လို ပုံစံနဲ့ ဆေးရုံကုတင်ပေါ်က ပတ်တီးအဖွေးသား ပိုက်တွေတန်းလန်းဖြစ်နေတဲ့ ကျွန်တော့်ဆီ လှမ်းကြည့်တယ်။
သူ့ကိုကြည့်ရတာ တစ်ခုခုပြောချင်နေပုံရတယ်။ ဒါနဲ့ ကျွန်တော်စကားစလိုက်တယ်။ခင်ဗျားဘယ်သူလဲလို့ ကျွန်တော်မေးလိုက် တယ်။ ငါက မင်းရဲ့ အခြားစနစ်တစ်ခုပဲ။ ကျွန်တော် အံ့အားသင့်ပြီး နားမလည်နိုင်အောင် ဖြစ်သွားတယ်။ ဘာလဲဗျ အခြားစနစ်ဆိုတာလို့ ထပ်မေးလိုက်တယ်။ လူသားတိုင်းမှာ အခြားစနစ်တွေ ကိုယ်စီရှိတယ်။ လူသားတစ်ယောက် ဟာ သေစေနိုင်လောက်အောင် အသက်ဘေးမျိုး တစ်ခါကြုံတွေ့ရတဲ့ အခါတိုင်း အခြားစနစ်တစ်ခုက သူ့ကိုယ်စားထွက်ပေါ်ခံစားပေးရတယ်။ ပြီးရင် အဲဒီ့အခြားစနစ်ဟာ မင်းကိုယ် စားသေဆုံး ပေးရတယ်။ သူ့အသံဟာ တစ်ခုခုကို နာကျင်နေပုံမျိုးပဲ။ သူ့စကားတွေ နားထောင်ရတာ ဆန်းကြယ်လွန်းလို့ ကျွန်တော်ထပ်မေးလိုက်တယ်။ နေပါဦး ကျွန်တော် က သေသွားပြီလား။ ဟင့်အင်း မင်းမသေသေးဘူး။
ဆေးရုံခန်းကျဉ်းကျဉ်းလေးဟာ ပြန်ပြီးတိတ်ဆိတ်သွားတယ်။ အဲဒီ့တိတ်ဆိတ်မှုကို ချိုးဖျက်တဲ့အနေနဲ့ ကျွန်တော်ထပ်မေးလိုက် တယ်။ ကျွန်တော့်ကို ဘယ်အချိန်ထိ အခြားစနစ်တွေက ကာကွယ်ပေးနေဦးမှာလဲ။ ဒါတော့ ဘုရားသခင်မှပဲ သိမယ်။ သေချာတာက မင်းရဲ့ အခြားစနစ်တွေက မင်းကို ရာသက်ပန်တော့ ကာကွယ်ပေးနိုင်မှာ မဟုတ်ဘူး။ ကျွန်တော့်ကောင် မလေးရော အသက်ရှင်နေလား။ မင်းကလွဲလို့ အပြင်လူတစ်ယောက်ရဲ့ အသက်အနရာယ်ဟာ ငါနဲ့မဆိုင်ဘူး။ ဒါပေမယ့် ငါသိသလောက်ပြောရရင် သူ့ဆီမှာ ရှိတဲ့အခြားစနစ်တွေဟာ မင်းလောက်မများဘူး။ လူသားတစ်ဦးနဲ့တစ်ဦး အခြားစနစ်တွေ ပိုင်ဆိုင်တဲ့ အရည်အတွက်လည်း မတူညီဘူး။ အဲဒါကြောင့် ဒီကမာမှာ နေထိုင်တဲ့ လူတွေရဲ့ အသက်ရှည်နှုန်းဟာ မတူညီကြတာပဲ။ မင်းဆီကနေ မင်းရဲ့ အခြားစနစ်တွေ ထွက်ခွာတာနည်းအောင် လုပ်နိုင်လေ မင်းအသက်ဟာ ရှည်လျားလေပဲ။
သူ့စကားတွေဟာ ဖြစ်နိုင်ချေယုတ္တိလုံးဝမရှိမှန်း သိပေမယ့် ထူးဆန်းစွာပဲ ကျွန်တော် ယုံကြည်နေမိတယ်။ ဒါပေမယ့်လို့ သူပြော တာတွေအပေါ် ကျွန်တော်သိပ်တော့ အစာမကြေ ချင်ဘူး။ ခင်ဗျားပြောတာတွေကနည်းနည်းလောက် ကြောင်တောင်တောင် နိုင်မနေဘူး လား။ ပြီးတော့ ကျွန်တော့်လိုပဲ တခြားလူသားတွေအားလုံး ခင်ဗျားလို အခြားစ နစ်တွေနဲ့ တွေ့ဆုံခွင့်ရကြသလား။ နောက်ပြီး စကားပြောလို့ ရကြသလား။ သူက ခေါင်းကို ခပ်ဖြေးဖြေးခါပြရင်း မတ်တပ်ထရပ်တယ်။အဲဒီလို ထလိုက်တဲ့အခါ သူ့ကိုယ်မှာ စီးနေ တဲ့ သွေးစက်တွေက ဆေးရုံကြမ်းပြင်ပေါ်ကို ပြန့်ကျဲကျသွားတယ်။ ဒါပေမယ့်လို့ ကြမ်းပြင်ပေါ်မှာ ပေကျံသွားတာကို မတွေ့ရတော့ ကျွန်တော်အံ့သြမိလိုက်တယ်။
သူက ဆက်ပြောတယ်။ သိပ်မရှိကြဘူး။ တော်တော်ကို အရေအတွက်နည်းတဲ့ လူတစ်ချို့သာ သူတို့ရဲ့ အခြားစနစ်ကို အသက်အနရာယ်ကြုံတိုင်းမှာ ပြန်တွေ့မြင်ခွင့်ရကြတာ။ အမှန်တော့ အခုလို မင်းရဲ့ အခြားစနစ်နဲ့ မင်းစကားလက်ဆုံပြောခွင့် ရတယ်ဆိုတာ သိပ်တော့ မကောင်းလှဘူး။ ဒါဟာ ဘာကိုပြသလဲဆိုတော့ မင်းဆီမှာ မင်းကိုယ်ပိုင် အခြားစနစ်တွေ အတော်လေးလျော့နည်းနေပြီဆိုတဲ့ လကဏာပဲ။ သေခါနီးအသက်ကြီးတဲ့ အဘိုးကြီး အဘွားကြီးတွေ တစ်ယောက်တည်း စကားပြောပြောနေတတ်တာကို မင်းမြင်ဖူးမှာပေါ့။ ဒီတစ်ခါတော့ သူ့စကားကို ကျွန်တော် တော်တော်လေးလန့်ဖျပ်သွားမိတယ်။ ကျွန်တော်သူ့ကို အလျင်စလိုပဲ ထပ်မေးလိုက်ပြန် တယ်။ ကျွန်တော့်ဆီက အခြားစနစ်တွေကို ဘယ်လို ထိန်းသိမ်းရမလဲ။ သူက ကျွန်တော့်အမေးကို ချက်ချင်းမဖြေဘူး။ ကျွန်တော့်ကို အချိန်အကြာကြီး စူးစူးစိုက်စိုက်ကြည့်နေတယ်။ ငါသွားရတော့မယ်။
ရုတ်တရက် သူက ကျွန်တော့်ကို ကျောခိုင်းလိုက်တယ်။ ဟေ့ ကျွန်တော်မေးတာ ဖြေခဲ့ဦးလေ။ ကုတင်ပေါ်လှဲနေရာကနေ ထရပ်မိမတတ် ကျွန်တော်အမောတကောလှမ်းမေးလိုက် တယ်။ အဲဒီ့မှာတင် ကျွန်တော့်ကို လှည့်မကြည့်ဘဲ ပြောသွားတဲ့ သူ့ဆီက နောက်ဆုံးအသံကို ကျွန်တော် ကြားလိုက်ရတယ်။
မေတ္တာတရားနဲ့ ပျော်ရွှင်အောင်နေပါ။ ။
လွန်းဆက်နိုးမြတ်
(သရဖူမဂဇင်း၊ ဖေဖော်ဝါရီ၊၂၀၁၂)
lunnsetnoemyat 