အားပေးကြဦးမလား ဟောဒီ့က ခြံထွက်အရေးအသား

အားပေးကြဦးမလား ဟောဒီ့က ခြံထွက်အရေးအသား

မြေကြီးပေါ်က မြက်ကို ရှပ်ပေါက်လိုက်တော့
မြေကြီးထဲပြန်ဝင်သွားတဲ့ တီကောင်တစ်ပိုင်းကို
ရိပ်ခနဲတွေ့လိုက်ရတယ်။ ကျန်တဲ့တစ်ပိုင်းက ပေါက်တူးဖျားမှာ
တွန့်လိမ်ခွေခေါက် ကပ်ပါလာတယ်။ အမွှေးပွခူယားတွေကလည်း
သရက်ပင်တွေနားမှာ ဟိုတစ်ကောင် သည်တစ်ကောင်
မနင်းမိအောင် အမြန်ရှောင်ရတယ်။
ငှက်ပျောပင်စည်တစ်လျှောက် တလှုပ်လှုပ် တရွေ့ရွေ့ခရုတွေ
လှုပ်ခါချလိုက်တော့ လိပ်တစ်ကောင်လို အခွံထဲ ပြန်ဝင်သွားတယ်။ ရရိုးလား။
ဒီလောက်လေးနဲ့ ကမ္ဘာကြီးတစ်ခုလုံးကို လှည့်စားနိုင်တာ သေချာရဲ့လား။
မထူးတဲ့အဆုံး တူးကော်လွင့်ပစ်ခံလိုက်ရတယ်။ သူ့ခြေထောက်ကို
ဘယ်အချိန်ကတည်းက အင်ဗိုက်လှမ်းလုပ်ပြီး သူကလည်း
ဘယ်အချိန်ကတည်းက လက်ခံလိုက်သလဲမသိဘူး။
သွေးစုတ်နေတဲ့ ကျွတ်။ သူစုတ်တစ်ချက်သပ်လိုက်တယ်။
သူစုတ်သပ်လို့ မြည်တဲ့ ကျွတ်ရော၊ သူ့သွေးလာစုတ်တဲ့ ကျွတ်ရော၊
နှစ်ကျွတ်စလုံးကို ဆားနဲ့ပုံသတ်လိုက်တယ်။ ပျော့ခွေနေတဲ့ ကျွတ်တွေကို
ကုက္ကိုပင်အကိုင်းမှာ နောင်တစ်ချိန် အသုံးလိုငြား သွားစွပ်ထားလိုက်တယ်။
ဆားပုံဟာ အပုံပျက်ကျန်ခဲ့တယ်။ အပုံမပျက်သေးတဲ့ သစ်ပုံဖက်မလှည့်ခင်
ပူစီကလေး အရင်သွားပြေးခေါ်ရတယ်။ နောက်ကြောင်းပြန်ပြကွက်မှာ
တလောတုန်းက သစ်ပုံအောက်ပြေးဝင်သွားတဲ့ ပါးပျဉ်းထောင်ကောင်။
သူ့အထင်လွဲသွားတယ်။ ကင်းလိပ်ချောလေးတွေသာ သစ်ပုံအောက်က
ချစ်စရာကောင်းအောင် ပြေးထွက်လာပြီး ကြောက်စရာကောင်းတဲ့
ပူစီကြီးလက်က မနည်းလွတ်အောင် ထွက်ပြေးကြတယ်။ သစ်ပုံဟာ
နားခိုသူတွေ အသစ်ဖြစ်နေပုံ။ ကန်စွန်းခင်းနဲ့ မလှမ်းမကမ်း
စက်ဘီးတာယာစုတ်ပေါ် သံသရာလည်အောင် ခုတ်မောင်းနေတဲ့
ရထားကောင်တွေက ဘဘဦးသုခရဲ့ ဘ၀ကိုယ်စားပြုသီချင်းသံပဲ။
အဲဒီ့တာယာစုတ်ကို သတိမြဲမြဲဆွဲလှန်လိုက်တာ ဖားပျံတစ်ကောင်ခုန်ထွက်လာ
ပြီး ခြံစည်းရိုးသွားကပ်တယ်။ ထင်းရူးပုံးအခွံထဲ မနှစ်ကတည်းက
လွှင့်ပစ်ထားမိတဲ့ ဝေါ-ခ-နဲ-ရှူး(Walking Shoe) အဟောင်းကိုမြင်
ပြီး သူပြုံးမိတယ်။ ငယ်ငယ်က သစ်သားသတ္တာကြီး
သူ့အမေသန့်ရှင်းရေးလုပ်စဉ် ထွက်လာတဲ့ ကင်းပတ်ဖိနပ်အစုတ်ကို
မနေနိုင်မထိုင်နိုင် ခြေထောက်ထိုးစွပ်မိလို့ ကင်းခြေများကိုက်ခံရတာ
ပြန်အမှတ်ရသွားတယ်။ သူ့အထင်မှန်သွားတယ်။ အခုလည်း ဝေါ-ခ-နဲ-ရှူး
(Walking Shoe)ကို ဆွဲခါဆဲမှာ ကင်းခြေများနှစ်ကောင် ဖျပ်ခနဲတွေ့ ဖျပ်ခနဲ
ပြန်ပျောက်သွားကြတယ်။ စောစောကတည်းက လက်မအားလို့ မဖယ်ဖြစ်တဲ့
ကိုရွှေပင့်ကူက ပုခုံးစွန်းပေါ်ကနေတဆင့် သူ့ခေါင်းပေါ်တက်လာတယ်။
ဆိုင်မဆိုင်တော့ မသိဘူး။ ခွေးလေးအရောဝင် ပါးလျက်နားလျက်
ဆိုတဲ့ စကားပုံကို သတိရတယ်။ ခပ်လှမ်းလှမ်းက ပတဉ်းကောပင်
အရွက်ဖါးဖါးပေါ် ပုတ်သင်တစ်ကောင်က အစိမ်းရောင်အသွင်နဲ့ ငြိမ့်နေတယ်။
ထာဝရဘုရားသခင်ဟာ သူပဲဆိုတဲ့ အိုက်တင်မျိုးနဲ့ မျက်လုံးတွေ
မှေးစင်းထားတယ်။ ၀ါးနက်ရုံကိုင်းဖျားမှာလည်း ဆူလို့ ညံလို့။
တော်တော်စရိုက်ကျတဲ့ ဇရပ်တွေ။ နေရောင်ခြည်ကြောင့် မြေပြင်ပေါ်
ပြောင်လက်လက်လေးဖြစ်နေတယ်။ ပက်ကျိတစ်ကောင်ရဲ့
ပြဒါးရောင်စွတ်ကြောင်းရာကို သူဘယ်လို ဖွဲ့နွဲ့ရေးသားရမလဲ။
သိနိုင်သေးဘူး။                   ။

လွန်းဆက်နိုးမြတ်

Advertisements