လမ်း

လမ်း

1001488_655148601165780_350051783_n

(၁)

ကောင်းကင်မှာ တိမ်တွေက လေနှင်ရာ လွင့်နေသည်။ တောလမ်းလေး၏ ဘေးတစ်ဖက်တစ်ချက်ဆီမှ ၀ါးရွက်တို့ချင်း ပွတ်ခတ်သံ တွေ ကြားနေရ၏။ သဘာဝတရား၏ ဒေသနာတော်ဟု ဘုန်းတော်ကြီးက ဆင်ခြင်လိုက်သည်။

တောလမ်းတစ်နေရာအရောက် ငှက်ခတ်သမားတစ်ယောက်နှင့် ဘုန်းတော်ကြီး ဆုံဆည်းမိသည်။

“ဒကာ…သူတစ်ပါးခန္ဓာအိမ်ကို အဘယ်ကြောင့်ဖျက်ဆီးရသနည်း”

ငှက်ခတ်သမားလက်ထဲမှ ငှက်သေများအား ကြည့်ကာ ဘုန်းတော်ကြီးက မိန့်၏။

“ခန္ဓာအိမ်ဆိုသည်မှာ အဘယ်နည်း…ရှင်ဘုရား”

“အသက်ဝိဥာဉ်ကိန်းဝပ်ရာ အိမ်သည် ခန္ဓာအိမ်ဖြစ်၏… ဒကာ”

“ရှင်ဘုရား…သူတစ်ပါးခန္ဓာအိမ်ကို ငါမဖျက်ဆီး…ငါ့အလုပ်ကိုငါလုပ်ခြင်းသာ ဖြစ်ပါသည်”

“သင့်အလုပ်ဆိုသည်မှာ မှန်၏…သို့သော် သူတစ်ပါးအသက်ဝိဥာဉ်ကိန်းဝပ်ရာ ခန္ဓာအိမ်ကို ဖျက်ဆီးသူ၌ အတုံ့အလှည့်ဝဋ် သဘောသည် အမြဲရှိတတ်၏…ဒကာ”

(၂)

ဘုန်းတော်ကြီး၏ သင်္ကန်းစကို လေကြမ်းတစ်ချက်ပြေးဝင်တိုးတိုက်သွား၏။ မြေနီလမ်းတစ်လျှောက် နီမောင်းသော သဲမှုန်တို့ သည် လေထုထဲ အလိပ်လိုက်ထနေသည်။ ရှေ့ဆီတွင် ရွာလေးတစ်ရွာကို ခပ်ပျပျလှမ်းမြင်ရ၏။

ရွာလယ်ပိုင်းကို ဖြတ်သန်းသွားစဉ် နွားတစ်ကောင်ကို အမြင်မတော်အောင် ဆူပူကြိမ်းမောင်းနေသော ရွာသားတစ်ယောက်ကို ဘုန်းတော်ကြီးတွေ့မိ၏။ ရွာသားက နွားကို အတင်းဆဲဆိုရိုက်နှက်ကာ လှည်းကောက်ဖို့ ပြင်နေသည်။ နွားကား မရွေ့။ ပေကပ်မြဲ ပေကပ် နေသည်။ နွားပေကပ်လေလေ ရွာသားက အတင်းရိုက်နှက်ဆဲဆိုလေလေဖြစ်နေသည်။

“ဟဲ့…ဒကာ…ဘယ်တုန်းကများ နွားက လူစကားကို သင်ဖူးလို့လဲ။ အကောင်းဆုံးကတော့ သင်သာ သူ့စကားကို နားလည်အောင် သင်ပြီး အလိုရှိရာခိုင်းခြင်းကသာ ခရီးရောက်စေလိမ့်မယ်…ဒကာ”

(၃)

“ဘုန်းကြီး…သင့်မှာ ဘာပါသလဲ”

“တရားသာပါသည်…ဒကာ”

နေရောင်ခြည်ကား ပူပြင်းလွန်းလှချေသည်။ နေရောင်ခြည်ထက် ပိုမိုပူပြင်းပုံပေါက်သော သူမိုက်တစ်စုနှင့် ဘုန်းတော်ကြီးကြုံနေရ ခြင်းဖြစ်၏။

“အာ…ဘာတရားလဲ။ တရားမလိုချင်ဘူး။ ဒီလမ်းက ဖြတ်သန်းရင် ကျုပ်တို့ကို ဘုန်းကြီးအဿပြာပေးဆောင်ပြီးမှ ဖြတ်သန်းရ မည်”

“ဘုန်းကြီးမှာ အဿပြာမရှိ။ တရားသာ ရှိသည်…ဒကာ”

ဘုန်းတော်ကြီးစကားကြောင့် သူမိုက်ခေါင်းဆောင် စိတ်ညစ်သွားသည်။ သူ့တပြည့်တွေနှင့် လှည့်တိုင်ပင်သည်။ နောက်ဆုံး တပြည့်တစ်ယောက် ရှာပေးသော ကြွက်တစ်ကောင်ကို လက်ထဲထည့်လျက် ဘုန်းတော်ကြီးအား သူမိုက်ခေါင်းဆောင်က မေးသည်။

“ကဲ…ဘုန်းကြီးမှာ ဘာတရားရှိသလဲကျုပ်တို့မသိ။ သို့သော် ဘုန်းကြီးကို ကျုပ်မေးခွန်းတစ်ခုမေးမည်။ မှန်အောင် ဖြေ။ မှန်လျှင် ဘုန်းကြီးကို ဒီလမ်းက ဖြတ်သန်းခွင့်ပေးမည်။ မှားလျှင် တခြားလမ်းကသာ ကြွ”

“မေးပါ…ဒကာ”

“ဒီမယ်…ကျုပ်လက်ထဲမှာ ရှိတဲ့ ကြွက်ဟာ အရှင်လား အသေလား…ဖြေပါ”

ဘုန်းတော်ကြီး၏ အဖြေကို သူမိုက်ခေါင်းဆောင်နားစွင့်နေသည်။ ဘုန်းတော်ကြီးက သူ့လက်ထဲမှ ကြွက်ကို အရှင်ဟု ဖြေလျှင် သူက လက်ထဲကကြွက်ကို ဖျစ်ညှစ်သတ်ပစ်မည်။ ဘုန်းတော်ကြီးက ကြွက်ကို အသေဟု ပြောလျှင် သူမိုက်ခေါင်းဆောင်က အရှင်အတိုင်း ထုတ်ပြမည် စိတ်ကူးထားသည်။ သူမိုက်ခေါင်းဆောင်က စိတ်မရှည်သည့် အသံဖြင့် နောက်တစ်ကြိမ်မေးလိုက်ပြန်သည်။

“ဖြေလေ…ဘုန်းကြီး…ဘယ်လိုလဲ…ကျုပ်လက်ထဲက ကြွက်က အရှင်လား…အသေလား”

“သင့်သဘောအတိုင်းပါပဲ…ဒကာ”

(၄)

ခရီးလမ်းက ပိုမိုကြမ်းတမ်းခက်မာလာသည်။ ရှေ့အဖို့ ခရီးအရှည်ကြီး သွားရဦးမည်။ ချောင်းတွေက မြစ်ရှိရာ စီးဆင်းမြဲအတိုင်း စီးဆင်းနေပြီး မြစ်တွေက ပင်လယ်ရှိရာ စီးဆင်းမြဲအတိုင်း စီးဆင်းနေသည်။ ဘာတစ်ခုမှ အလျင်လိုစရာမလို။ လောကဓမ္မသည်  သူ့နည်းသူ့ ဟန်ဖြင့် တည်ရှိပြီးဖြစ်သည်။ ဘုန်းတော်ကြီးသည် ခရီးတစ်ထောက်နားရန် ဇရပ်တစ်ခုအောက်သို့ ၀င်လိုက်သည်။

“လောကမှာ အနှစ်သာရဆိုတာ မရှိဘူး။ ရေလည်း အလကား.မြေလည်း အလကား.လေလည်း အလကား.မီးလည်း အလကားပဲ”

ဘုန်းတော်ကြီးထက်အရင် ဇရပ်ထဲ ဦးစွာ ရောက်နှင့်နေသော ခရီးသွားက ဘုန်းတော်ကြီးကို မြင်လိုက်စဉ် လှမ်းပြောသည်။ လော ကကို အချဉ်ပေါက်နေသည့် ခရီးသွားတစ်ယောက်ဖြစ်မည်။

“အရှင်ဘုရားပဲ စဉ်းစားကြည့်လေ…ဒီကမ္ဘာဟာ ဘာအနှစ်သာရရှိသလဲ။ အာဏာရှိသူက အာဏာနှင့်…ပညာရှိသူက ပညာနှင့် …ဥစ္စာရှိသူက ဥစ္စာနှင့်.သန်ရာသန်ရာ မတရားပြုမူခြယ်လှယ်နေလိုက်ကြတာများ ကျုပ်တို့လို ကျောမွဲနင်းပြားတွေအတွက်တော့ အားကိုးစရာ ကယ်တင်ရှင်ဆိုတာ မရှိဘူး။ ကျုပ်တို့ဘ၀တွေကလည်း အနှစ်သာရကင်းမဲ့လို့ ”

“မိမိကိုယ်သာ ကိုးကွယ်ရာလို့ ဗုဒ္ဓဟောကြားခဲ့သည်မဟုတ်လားဒကာ…ပြီးတော့ လောကမှာ အနှစ်သာရဆိုသည်မှာ အမှန်ရှိ၏ ဒကာ”

“လောကမှာ အနှစ်သာရအမှန်ရှိလျှင် ဘယ်မှာလဲ ဘုန်းကြီး…လက်တွေ့ပြပါ”

“ကောင်းပြီ…ဒကာ..ဟောဟိုသောက်ရေအိုးစင်က ရေအိုးဟောင်းကို ယူခဲ့လော”

ဇရပ်ထောင့်တစ်ခုတွင် ပင့်ကူမျှင်များစွဲနေသော ရေအိုးဟောင်းတစ်လုံးကို ခရီးသွားက သွားယူသည်။

“ယူခဲ့ပါပြီ…ဘုန်းကြီး”

“ရေအိုးကို ခွဲလော့”

“ခွဲပါပြီ…”

“အခုသင် ဘာကိုမြင်သနည်း”

“အိုးခြမ်းကွဲများကို မြင်ပါသည်”

“ထိုအိုးခြမ်းခွဲများကို ထပ်ခြေဖျက်ပါဦး”

“အမှုန့်များကို မြင်ပါသည်”

“ထိုအမှုန့်တို့ကို ထပ်မံ၍ ခွဲစိတ်ချေဦး”

“ခွဲစိတ်လိုက်ပါပြီ”

“သင်ဘာကိုတွေ့သနည်း”

“ဘာမှ မရှိ…ဗလာနိတ္ထိသဘောကို တွေ့ပါသည်။ ကျုပ်ပြောသလို အနှစ်သာရကင်းမဲ့မှုလည်းဖြစ်ပါသည်”

“မလောပါနှင့်…ဒကာ…မှတ်ပါလေ…သင်သည် အနှစ်သာရကို မမြင်မတွေ့နိုင်။ စင်စစ်ဤအနှစ်သာရတို့မှ အမှုန့်ဖြစ်လာသည်။ အမှုန့်မှ အိုးခြမ်းကွဲဖြစ်လာသည်။ အိုးခြမ်းကွဲမှ ရေအိုးဖြစ်လာသည်။ ဤနည်းအတိုင်းပင် လောက၌ အနှစ်သာရဟူသည် အမှန်ပင်ရှိအောင် ဖန်တီးသည်။ အမှန်လည်း ရှိ၏။ ထို့ကြောင့်သင်ရှိ၏။ သင့်ကိုယ်သင် ကယ်တင်ပါ…ဒကာ”

(၅)

တောအုပ်က နက်သထက် နက်လာသည်။ စိတ်ကြည်လင်ခြင်းကိုပေးသော ရေတံခွန်များ၊ ကြည်နူးခြင်းမွှေးရနံ့ကိုပေးသော ပန်းပွင့်များ၊ သက်ဝင်လှုပ်ရှားခြင်းကိုပေးသော တောကောင်ငယ်များ၏ အသံများနှင့် တော အုပ်၏ ဖွဲ့စည်းမှုက ပြေပြစ်နေသည်။ လူသူအရောက် အပေါက်နည်းလွန်းသည့် တောအုပ်အတွင်းပိုင်းတစ်နေရာတွင် ယောဂီတစ်ပါးနှင့် ဘုန်းတော်ကြီးဆုံသည်။ ယောဂီက သစ်ပင်တစ်ပင် အောက်တွင် တင်ပလ္လင်ချိ တ်ခွေထိုင်လျက် ဈာန်ဖြင့် မြောက်ကြွနေ၏။

“တန်ခိုးဈာန်ကို ရသလော…ဘုန်းကြီး”

“မရပါ”

“တန်ခိုးဈာန်မရသော တရားအားထုတ်သူသည် ဘ၀တစ်ဝက်ရှုံးနေပြီဖြစ်၏”

ယောဂီက ဈာန်ဖြင့် မြောက်ကြွလိုက် အောက်ဖက်သို့ နိမ့်ဆင်းလိုက်နှင့် အာရုံဝင်စားပြနေသည်။

“အို…ယောဂီ…နိဗ္ဗန်ရောက်ကြောင်းအဘယ်တရားကို သင့်ကျင့်ပါသနည်း”

“မကျင့်ပါ တန်ခိုးဈာန်ရရာရကြောင်းတရားတွေသာ ကျင့်ကြံပါ၏”

“အို…ယောဂီ…တန်ခိုးဈာန်ရရာရကြောင်းတရားတွေ မည်ရွေ့မည်မျှပေါက်မြောက်နေစေကာမူ နိဗ္ဗန်ရောက်ကြောင်းတရားကို မကျင့်ကြံသူသည် တစ်ဘ၀လုံး ရှုံးနေပြီးဖြစ်၏”

စကားအဆုံးတွင် ဘုန်းတော်ကြီးသည်  ယောဂီကို အရိုအသေပေးနှုတ်ဆက်ကာ ခရီးဆက်လေသည်။

 

 

လွန်းဆက်နိုးမြတ်

ဇီဝက မဂ္ဂဇင်း၊ဇွန်၊ ၂၀၁၃

(၀န်ခံချက်-ဖတ်မှတ်ဖူးသော ပုံဝတ္ထုအချို့ကို အခြေခံပါသည်။)

Advertisements