ဟောလီးဝုဒ်

ဟောလီးဝုဒ်

ကားချင်းပြိုင်မောင်းတာလောက်ကို ထည့်မပြောနဲ့ ဆိုပေမဲ့
ဒါကပဲ ဒေါ်လာတွေ သဲ့ယူနေတုန်း။
ထီးအနက်တွေရဲ့ ပြန့်ကားမှုကို အပေါ်စီးက ရိုက်ပြချင်တာတစ်ခုနဲ့
အသုဘတွေ မိုးရွာမှ ချရတယ်။
ရေချိုးကြွေဇလုံထဲမှာ မင်းသမီးကို တစ်ကိုယ်ရည်အာသာဖြေခိုင်းချင်ဖြေခိုင်း
ဒါမှမဟုတ် သွေးပေနေတဲ့ ရေချိုးခန်းလိုက်ကာနောက်အကွယ်မှာ
အရိပ်တစ်ခုထိုးပြချင်ပြ။
ဟ နေတဲ့ မြေအောက်ခန်းဖုံးသစ်သားပြားအောက်က
မျက်လုံးတစ်ဖက်ရိရွဲပျော်ကျ မျက်နှာပုံဆိုးကြီးတစ်ခု။
များသောအားဖြင့် လက်ဝါးကပ်တိုင်မှာ ကိုယ်တော်ကတော့ မရှိမဖြစ်ပဲ။
မီးခြစ်ဆံတစ်ချောင်းသာ ရှိပစေ
ဖိနပ်ကိုပဲ ကုန်းခြစ်ခြစ် မြင်းကုန်းနှီးကိုပဲ လှမ်းခြစ်ခြစ်
စီးကရက်မီးတောက်ဖြစ်။
ဘယ်လောက်ပဲ မွှတ်နေအောင် လက်ထဲမှာ လည်စမ်းပစေ
ခါးပေါ်က အိတ်ထဲ ခြောက်လုံးပြူးဟာ အမြဲအံကျ။
ရဲကားဥသြသံဆိုတာ အချိန်မရွေး တစ်နေရာမှတစ်နေရာ
ဖြတ်သန်းအော်မြည်သွား။
တိုင်ပတ်ကချေသည်မလေးရဲ့ အဝတ်အစား
ဗလာဖြစ်သွားတဲ့ထိ
ဝီစကီကို အရသာခံခိုင်းမယ်။
အိမ်မှာမနေချင်ရင် ကားထဲမှာ အိမ်လုပ်နေခိုင်းမယ်။
အော်စကာက နတ်ကြီးသလောက်
မဖြစ်နိုင်တဲ့ မစ်ရှင်တွေ ဖြစ်နိုင်တယ်။
မဖောက်နိုင်တဲ့ ဘဏ်တိုက်တွေ ဖောက်နိုင်တယ်။
မလွတ်မြောက်နိုင်တဲ့ အဆင့်မြင့်ထောင်တွေ လွတ်မြောက်နိုင်တယ်။
သဏ္ဍာန်လုပ် သရုပ်တူ ယေရှုများ။ ဂန္ဒီများ။ လင်ကွန်းများ။ ဟစ်တလာများ
ဆေးစက်ကျရာ အရုပ်ထင် ဗေသိုဗင်များ။ ဗာဂျီးနီးယားဝုဒ်များ။ အလန်ဂျင်းစ်ဘတ်များ
ဖြစ်ရပ်မှန်နောက်ခံ ဘဝအမှားတွေ။ အနာတရ ဟာသတွေ။
ကမ္ဘာကျော်တွေရဲ့ မကျော်ကြားတဲ့ အတွင်းရေးတွေ။
ပျော်ရွှင်စရာ အိုဗဒို့ဇ်တွေ။ အညံ့ဖျင်းဆုံး ဖက်ရှင်အလန်းစားတွေ။
အထူးပြုလုပ်ချက်တွေများ ကောင်းချက်
ကားစက်ရုပ်တစ်ကောင်လုံး မျက်စိရှေ့မှောက် ရောက်လာမှ ယုံ။
အသံစနစ်တွေများ လန်ထွက်
နျူကလီးယားဗုံးတစ်လုံး လုံး နားထဲစိုက်ဝင်ပေါက်ကွဲထွက်မှ ယုံ။
ဟောဒီ့မှာ အများသုံးတယ်လီဖုန်းရုံတွေ။
ဟောဒီ့မှာ မြေအောက်ဘူတာရုံတွေ။
ဟောဒီ့မှာ ကာစီနိုဝိုင်းကြီးတွေ။
ဟောဒီ့မှာ တစ်ကိုယ်လုံးကျပ်စည်းမံမီတွေ။
ဟောဒီ့မှာ ညစာစားပွဲပေါ်က ကြက်ဆင်တွေ။
ဟောဒီ့မှာ လမ်းလျှောက်နေတဲ့ လူလှိုင်းလုံးကြီးတွေ။
ဟောဒီ့မှာ ပိုက်ဆံအိတ်ထဲက F.B.I တံဆိပ်ပြားတွေ။
ဟောဒီ့မှာ အတချီကေ့အပြည့်ဒေါ်လာတွေ။
ဟောဒီ့မှာ ကားနောက်ဖုံးထဲက သက်မဲ့ခန္ဓာတွေ။
ဟောဒီ့မှာ ကော့မစ်ဘုတ်တွေထဲက စူပါဟီးရိုးတွေ။
ဟောဒီ့မှာ မြို့ပြတိုက်တာတွေ။
မြို့ပြတိုက်တာတွေရဲ့ မီးရောင်စုံညရှုခင်းတွေ။
ဟောဒီ့မှာ သဲကန္တရတွေ။
သဲကန္တရထဲက မြင့်မားထိုးထွက် ခြောက်သယောင်းတောင်ကတုံးကြီးတွေ။
ဟောဒီ့မှာ သိပ္ပံစမ်းသပ်ခန်းတွေ။
သိပ္ပံစမ်းသပ်ခန်းထဲက ဖန်ချောင်းပြွန်ထဲရောက် ဂြိုဟ်သားတွေ။
ဟောဒီ့မှာ ထိတ်ထိတ်ကြဲသရုပ်ဆောင်တွေ။
ထိတ်ထိတ်ကြဲသရုပ်ဆောင်တွေအတွက် ကျော်ကြားသူတို့ ကြယ်ပွင့်လျှောက်လမ်းတွေ။
Lee တောင်ကုန်းပေါ်က ရာသက်ပန်ထောင်ထားတဲ့
ပေ ၃၅၀ အရှည် HOLLYWOOD အဖြူရောင်လေးထောင့်စာလုံးကြီးများ။
ကမ္ဘာ့ထိပ်တန်းဧရာမဖျော်ဖြေရေးလုပ်ငန်းကြီးထက်ပိုတဲ့
အမေရိကန်ရဲ့ ဝါဒဖြန့်ချိမှု။
ဟောလီးဝုဒ်နဲ့ ပတ်သက်ပြီး မစ္စတာပရဲ့ဇစ်ဒင့်ထ်က ဒီလိုမိန့်တယ်။
”အာဏာရှင်တစ်ယောက်က တစ်နေရာကနေလှမ်းပြီး ဆင်ဆာဖြတ်နိုင်တဲ့
လူ့အဖွဲ့အစည်းမျိုး အမေရိကန်မှာ မရှိ”။

လွန်းဆက်နိုးမြတ်
၁.၂.၁၅
မနက် ၀၅း ၃၇ နာရီ

အတွေ့အကြုံရှိမိန်းမသား

 

အတွေ့အကြုံရှိမိန်းမသား

အရုပ်က အရုပ်။ လူက လူပေါ့။
ရှိရမယ့် ဆိုဒ်ထက်
ပိုသေးတဲ့ အောက်ခံဘောင်းဘီတွေ ၀တ်ရတာတစ်ခုနဲ့တင်
ဘာဘီးစ်ဒီဇိုင်းတွေ သူမ မကြိုက်ဘူး။
ခရင်မ်တွေ တောက်ပတဲ့ အလင်းပြန်အမှုန်တွေနဲ့
မှိန်ဖျော့ဖျော့နှုတ်ခမ်းသားတွေ
အချိန်တန်တော့လည်း ခပ်ပါးပါးရှီးယားလစ်ပ်စတစ်ခ်ပဲ ပြန်ကိုင်မိတယ်။
ဘယ်သွားသွား အိတ်ထဲ လစ်ပ်ဂလို့ဆောင်တယ်။
ရာမမင်းသား“က”တဲ့ လက်ဖက်ရည်ကြေငြာလေသံအတိုင်း
မြန်မာဆိုတော့ မြန်မာ့လိုင်းကားတွေ တိုးစီးရတာပေါ့။
ချွေးတွေ သံတွေအတွက် ချည်ထည်အ၀တ်များတယ်။
အမေရိကန်မလေးလို ဂျင်းပင်နဲ့ တီရှပ်လည်း သူမ၀တ်တတ်တယ်။
ရုံးနဲ့ အိမ်၊ အိမ်နဲ့ ရုံးမှာ သူမပေါင်တံတွေက
ရေကူးကန်ကို ဆာလောင်နေကြပြီး
သူမခန္ဓာကိုယ်က ဂျင်မ်ကစားဖြစ်ခဲ့တဲ့ ရက်လနှစ်တွေကို လှမ်းမနာလိုနေရတယ်။
ဒီအရွယ်မှ မမြီးမပေါက်ရင် ဘာမျောက်လဲ။
ငှက်ပျောသီးကြိုက်ပေမဲ့ လေမှုတ်တူရိယာတွေဆို သူမအမြဲမုန်းချင်ယောင်ဆောင်
မြင်းတစ်ကောင်ကျောပေါ် ဒုန်းစိုင်းစီးနှင်သလိုမျိုး
မောပန်းပြီးစီးသွားတဲ့ အရသာကို သူမအမြဲမေ့ချင်ယောင်ဆောင်
အမှိုက်ခြင်းထဲက တစ်ရှူးစက္ကူလိပ်တွေလား။
တွန့်ကြေနေတဲ့ အိပ်ယာခင်းရဲ့ အထိအတွေ့လား။
ရွှေအိုရောင်ဆိုးထားတဲ့ ဆံနွယ်တွေ ဖွာလန်ကျဲသွားသည်အထိ
သူမ ခေါင်းကို ခါရမ်းပစ်လိုက်တယ်။
အသက်ရှူဖို့ လေ၀င်ပေါက်လေးဖောက်မိသွားတာကလွဲရင်
သူမဖက်မှာ တံတိုင်းကို ရသလောက်
ခိုင်ခိုင်ခန့်ခန့်တည်ဆောက်ခဲ့တာချည်း။
သူမ အဆီရှောင်တယ်။ တစ်နေ့တစ်နာရီ ခါးလှည့်တယ်။
အသားအရေအတွက် ယူဗွီကာတဲ့ လိုးရှင်းလိမ်းတယ်။
သူမကျောဖက်ခါးလည်တည့်တည့်မှာ
လေယာဉ်ပျံသေးသေးလေးတစ်စင်းပုံ တက်တူးထိုးထားတယ်။
အရာအားလုံးရဲ့ အဝေးကို ပြေးထွက်သွားချင်မိတဲ့
ကာလဆီက အမှတ်အသား။
သူမဘ၀မှာလည်း မပြေလည်တဲ့ ဇာဘော်လီတွေ ရှိခဲ့ဖူးတာပေါ့။
အတိတ်ကို ခေါင်းအုံးတွေလို နံရံမှာကိုင်ပြီး ရိုက်ခွဲပစ်လိုက်ရင်
ကမ္ဘာတစ်ခုစာ ဂွမ်းမှို့တွေ
သူမကောင်းကင်ယံထဲ ပွစာကျဲနေလိမ့်မယ်။
မနက်ဖြန်မှာ လီလီပန်းတွေပြီးရင် သူမအလိုရှိတာ
ဝက်ခြံနဲ့အမည်းစက်တွေပျောက်တဲ့ ရွှံ့စေးမျက်နှာဖုံး
သူမရဲ့ ဟိုးအတွင်းထဲမှာ စီးဆင်းစေချင်တာက
အကောင်းဆုံးချောမွေ့မှုကတဆင့်
စိမ့်စိုထွက်လာမယ့် ရေတံခွန်တစ်ခု။ ။

လွန်းဆက်နိုးမြတ်
Idea Magazine.
ဖေဖော်ဝါရီ၊ ၂၀၁၅