ဆာမူရိုင်း ၂၀

မစားရသေးတဲ့ ညစာဟာ
ပိုအရသာရှိတယ်။
မက ဖြစ်တဲ့ ဂေရှားမယ်အက
သိပ်ညက်ညောတယ်။
သဘောကတော့
မသုံးရသေးတဲ့
ငါ့ဓားကွက်တွေလို။ ။

လွန်းဆက်နိုးမြတ်

ဆာမူရိုင်း ၁၉

ဒီနေ့အဖို့
မြားကျည်တောက်ထဲက
မြားတစ်ချောင်းမလျော့မိစေ။
ငါ့ဓားအိမ်ထဲက
ဓားကို မဆွဲထုတ်မိစေ။
နံရံပေါ်က လှံတံ
နဂိုအတိုင်း ကျန်ရှိစေ။

ဒီနေ့အဖို့
မဆုံးတမ်းစစ်ပွဲကြား ကမ္ဘာမြေ
တစ်ရက်တလေ
ငြိမ်းချမ်းစေ။ ။

လွန်းဆက်နိုးမြတ်

ဆာမူရိုင်း ၁၈

Apr29

ဆာမူရိုင်း ၁၈

တောရဲ့ ဆိတ်ငြိမ်မှု
မရှိတဲ့အသံကိုတောင်မှ
နားထောင်နိုင်တဲ့ ဘုရားကျောင်းပျက်။
လက်ကျိုး ဆံထုံးပဲ့ မျက်နှာတော်အက်
ကိုယ်တစ်ပိုင်းလဲပြိုနေလည်း
ဗုဒ္ဓဟာ ဗုဒ္ဓပဲ။
ငါ ဒူးထောက်ချလိုက်တယ်။ ။

လွန်းဆက်နိုးမြတ်

ဆာမူရိုင်း ၁၇

Apr29

ဆာမူရိုင်း ၁၇

သင် အရင်စမလား
ငါ အရင်စမလား
မေးချိန်မရဘူး။
ဓားလား လှံလား လေးမြားလား
ရွေးချိန်မရဘူး။
ဟောဒီ့တိုက်ပွဲမှာ
ငါ့ဆီ ပြေးဝင်လာသူဟာ
ငါ့ရန်သူ
ငါ့ကို ကျောခိုင်းထားသူဟာ
ငါ့ဖက်လူ။ ။

လွန်းဆက်နိုးမြတ်

ဆာမူရိုင်း ၁၆

Apr29

ဆာမူရိုင်း ၁၆

ရှိုဂွန်သခင်ဟာ
ခမ်းနားတဲ့ ပထမနန်းတော်မှာ
စံစားတယ်။
ငါကတော့ ကိုင်တွယ်ထိစမ်းမရတဲ့
စစ်သည်တော်ကောင်းစိတ်ဓာတ်ကို
အိမ်လုပ်တယ်။ ။

လွန်းဆက်နိုးမြတ်

ဆာမူရိုင်း ၁၅

Apr29

ဆာမူရိုင်း ၁၅

သက်တန့်ကဲ့သို့
ကွေးညွှတ်စွမ်းအားရှိတယ်။
ပျော့ပြောင်းသလောက်
တွန်းကန်မှု ပြင်းထန်တယ်။
ခြွေချတဲ့ အမှန်တရားမှာ
အတိတ် ပစ္စုပ္ပန် အနာဂတ် ပါတယ်။
ဓားသမားတစ်ယောက်ဟာ
ဝါးဒေသနာကို သင်ကြားတယ်။
ပြီးတော့ ၀ါးပင်ကိုလည်း
ချစ်မြတ်တယ်။ ။

လွန်းဆက်နိုးမြတ်