စာအုပ်ဟောင်းစုဆောင်းခြင်းဝါသနာ

စာအုပ်ဟောင်းစုဆောင်းခြင်းဝါသနာ

စာအုပ်ဟောင်းများဝယ်ယူစုဆောင်းရခြင်းကို မည်သည့်အချိန်က စတင်ဝါသနာပါလာမှန်း ပြန်မစဉ်းစားမိခင်မှာပင် ကျွန်တော်သည် စာအုပ်ဟောင်း စုဆောင်းသူတစ်ဦး ဖြစ်မှန်းမသိဖြစ်လာခဲ့ပါသည်။ စင်စစ် သည်ဝါသနာသည် ကျွန်တော်၏ စာဖတ်ဝါသနာ စာရေးဝါသနာများမှ ကျွဲကူးရေပါသဘောပါဝင် လာခြင်းဖြစ်ပုံရသည်။ အမှန်တော့ ထိုဖြစ်စဉ်သည် သဘာဝကျပါသည်။ မည်သူသည် စာဖတ်ဝါသနာမပါဘဲ စာအုပ်အဟောင်းများကို စုဆောင်းထားမည် နည်း။ အနည်းဆုံး စာအုပ်အဟောင်းရောင်းသမားများသော်မှ စာရေးဆရာတစ်ပိုင်း စာပေ၀ါသနာရှင်တစ်ပိုင်းဖြစ်နေကြသည်မဟုတ်ပါလား။ သို့ရာတွင် ထိုကိစ္စကို ထောက်ကူပေးသည့် သီးခြားဝါသနာငယ်လေးများသည်လည်း လူပုဂ္ဂိုလ်ကို လိုက်၍ ရှိနေတတ်ကြပါသေးသည်။ ကျွန်တော်ဆိုလျှင် ငယ်စဉ်က ဘာရယ်မဟုတ် ပိုက်ဆံငွေအကြွေစေ့လေးတွေကို စုဆောင်းတတ်ခဲ့သလို သော့တံများကိုလည်း ထူးထူးခြားခြား စုဆောင်းသိမ်းဆည်းခဲ့ဖူးပါသည်။ ထိုစဉ်က တံဆိပ်ခေါင်းစုဆောင်းသူများအကြောင်း၊ ရှေးဟောင်းပစ္စည်းစုဆောင်းသူများအကြောင်း၊ ကမ္ဘာကျော်ပုဂ္ဂိုလ်တို့နှင့် သက်ဆိုင်သော ပစ္စည်းများ စုဆောင်းသူများအကြောင်း စသဖြင့် တစ်ရံဆစ်ဆစ်မျှ ကျွန်တော် ကြားသိထားဖူးခြင်း မရှိသေးပါ။ သည့်နောက်တော့ ကျွန်တော်၏ စာဖတ်ဝါသနာနှင့် နှီးနွယ်လျက် စာအုပ်များစတင်စုဆောင်းဖြစ်တော့သည်။ မူလစတင်စုဆောင်းစဉ်က စာအုပ်အဟောင်းများသီးသန့်ရယ်လို့ မဟုတ်။ လတ်တလောထွက်ရှိ သော စာအုပ်သစ်များဖြစ်သည်။ မိသားစုတွင် ကျွန်တော်သည် စာပေသမားရယ်လို့ ထင်မြင်ယူဆခံလာရသည့်အခါ မိသားစုအတွင်းရှိ စာအုပ်များအားလုံး ကျွန်တော်နှင့် သက်ဆိုင်သလို ရှိလာသည်။ အထူးသဖြင့် သုတရသစာအုပ်များ အလိုရှိသည့်အခါ ကျွန်တော့်ကို မေးစမ်းလာကြသည်။ မိသားစုအတွင်း ကျွန်တော်မဟုတ်သည့် တစ်ဦးတစ်ယောက်က သုတရသစာအုပ်တစ်အုပ်လောက်ကို ရှားရှားပါးပါးဝယ်ယူလာပြီးသည့်နောက်ပိုင်း ထိုစာအုပ်ကို သိမ်း ဆည်းရန်မှာ ကျွန်တော့်တာဝန်အလိုလိုဖြစ်သွားတော့သည်။ သို့ရာတွင် ထိုကဲ့သို့ ၀ယ်ယူကြသည်မှာလည်း ကြုံတောင့်ကြုံခဲသာ ဖြစ်ပြီး အများအားဖြင့် ကျွန်တော်ကသာပဲ ၀ယ်ယူလေ့ရှိပါသည်။ ကျွန်တော်၏ အင်ဂျင်နီယာကောလိပ်ကျောင်းသား မုန့်ဖိုးထဲမှ စာအုပ်ဝယ်ဖို့ ခွဲခြမ်းရသည်မှာ မသက်သာလှပါ။ ကျွန်တော် လက်လွှတ်ခဲ့ရသော စာအုပ်များသည် ကျွန်တော်ဝယ်ယူခဲ့သော စာအုပ်များထက် အပုံကြီးများပါသည်။ ရှင်းရှင်းလင်းလင်းပြောရလျှင် ကျွန်တော်၏ စာအုပ်စုဆောင်းမှုသည် သာမန်မိသားစုလေးအတွင်း ထူးကဲကောင်းထူးကဲနိုင်ပါသည်။ သို့ရာတွင် ကျွန်တော်လက်လှမ်းမမှီသည့် ပညာတတ် မိသားစုများစွာကြား နှိုင်းယှဉ်လျှင်လည်းကောင်း ကြေးရတတ်စာအုပ်ချစ်သူများကြား တိုင်းတာလျှင်လည်းကောင်း ပြောပလောက်ဖွယ် စုဆောင်းမှုမျိုး တော့ မဟုတ်ခဲ့ပါ။

ရယ်စရာတော့လည်း ကောင်းပါသည်။ ကနဦးတုန်းက ကျွန်တော်သည် ကျွန်တော်ဖတ်ချင်ပြီး စာအုပ်အငှားဆိုင်များတွင် တင်လေ့တင်ထမရှိသည့် စာအုပ်မျိုးကို ဦးစားပေးဝယ်ယူသိမ်းဆည်းလေ့ရှိသည်။ ဥပမာ ကဗျာစာအုပ်လိုမျိုး၊ အတွေးအခေါ်စာအုပ်လိုမျိုး၊ အတ္ထုပ္ပတ္တိစာအုပ်လိုမျိုး စသဖြင့်၊ များမကြာမှီမှာပင် ကျွန်တော်၏ အခြားတစ်ဖက်မှ ၀ါသနာဖြစ်သော စာရေးခြင်းလမ်းကြောင်းသည် ထင်မှတ်မထားဘဲ အပျော်ဖတ်လုံးချင်းဖက်ကို ရောက်ရှိသွားခဲ့သည်။ သည့်အတွက်တော့ နဂိုကထက် ကျွန်တော်ပို၍ စာမဖတ်နိုင်အားပါ။ စာအုပ်များကိုတော့ ပို၍၀ယ်ယူစုဆောင်းဖြစ်ခဲ့သည်။ ကျွန်တော် တကြိမ်ဖူးမျှ လက်မရွယ်ခဲ့သည့် စာအုပ်များကို အလုပ်သဘော ၀မ်းစာဖြည့်ရန် ၀ယ်ယူရတော့သည်။ ဗေဒင်စာအုပ်၊ လူဝင်စားစာအုပ်၊ စုန်းကဝေစာအုပ်၊ အကြောပြင်စာအုပ်၊ လက်ရေးတိုစာအုပ်၊ ဟင်းချက်နည်းစာအုပ်၊ သစ်ပင်စိုက်နည်းစာအုပ်၊ ကမ္ဘာကျော်အဆိုအမိန့်စာအုပ်၊ ဆေးမြီးတိုစာအုပ်တွေတောင်မှ ပါလိုက်သေးသည်။ အပျော်ဖတ်လုံးချင်းစာပေလမ်းကြောင်းမှာ ကျွန်တော်သိပ်မကြာလိုက်ပါ။ ယင်းအစား ကျွန်တော်သည် လမ်းဘေး စာအုပ်အဟောင်း ဆိုင်များတွင် စာအုပ်ဟောင်းများ မွှေတတ်သည့် အလေ့အကျင့်တစ်ခုကို ယခင်ကထက် စွဲငြိလာခဲ့သည်။ အလေ့အကျင့်ကောင်းတစ်ခုပင်။

စာအုပ်အဟောင်းများကို စာအုပ်အသစ်များထက် ပိုပိုသာသာစုဆောင်းဖြစ်ရသည့် အခြားအကြောင်းရင်းတချို့လည်း ရှိပါသေးသည်။ သိသာသည့် အကြောင်းရင်းတစ်ခုမှာ ကျွန်တော့် ၀င်ငွေဖြစ်သည်။ ကျွန်တော့်တွင် မည်သည့်အခါကမျှ ၀င်ငွေဘယ်ရွေ့ဘယ်မျှဟူ၍ တိတိကျကျမရှိခဲ့ဖူးပါ။ စာအုပ်သစ် များတင်သည့် စာအုပ်ဆိုင်ကြီးများသည် လျှော့ဈေးနှင့် ရောင်းသည်ပဲထားဦး။ ကျွန်တော့်ဖက်က စာအုပ်ဆိုင်အဆောက်အဦးနှင့် လျော်ညီစွာ ပြုမူနေထိုင် သုံးစွဲရန် လိုအပ်သည်။ ဆောက်လက်စဆောက်အဦးတစ်လုံး၏ သွပ်အပြည့်ကာရံထားသော နံရံကို မှီ၍ ဖြစ်စေ၊ ပလက်ဖောင်းပေါ် စာအုပ်တွေ ဖြန့်ခင်းချ၍ ဖြစ်စေ၊ သစ်ပင်တစ်ပင်ခြေရင်းမှာ စာအုပ်တွေဖြစ်သလိုစုပုံထား၍ ဖြစ်စေ၊ ယာယီအမိုးအကာများအောက်တွင် ဖွင့်လှစ်ရောင်းချတတ်သည့် စာအုပ် အဟောင်းဆိုင်များအတွက်မူ ကျွန်တော့်မှာ ဘာမှ မလို။ အိပ်ကပ်ထဲ တစ်ပြားတစ်ချပ်မျှ မပါလျှင်တောင်မှ စာအုပ်တွေကို စိတ်လွတ်လပ်စွာ ကောက်ကိုင် ကြည့်နိုင်သည်။ ဆိုကြပါစို့။ စာအုပ်များတွင်လည်း ကျွန်တော်တို့ လူသားများလိုပင် ပင်ကိုသဘာဝသတ္တိထူးများ ရှိသည်ဟု။ စာအုပ်များသည် ၀ယ်သူကို အကြောင်းအရာ အားဖြင့် ဆွဲဆောင်မည်။ စာရေးသူအားဖြင့် ဆွဲဆောင်မည်။ ဤအချက်များတွင် စာအုပ်အဟောင်းနှင့် အသစ် သဘောတရားတူ၏။ မတူသည်လည်း ရှိသည်။ စာအုပ်ဆိုင်ပေါ် ရောက်ကာစ စာအုပ်သစ်များသည် ၀ယ်သူကို အရောင်အဆင်းအားဖြင့် ဆွဲဆောင်မည်။ အနံ့အားဖြင့် ဆွဲဆောင်မည်။ ဒါကလွဲလျှင် စာအုပ်သစ်များသည် အနေအထိုင်တည်သည်။ ယခုမှ တိုင်းခန်းလှည့်လည်လာသော ဆင်တော်ထက်မှ ဘုရင့်သမီးတော်၏ မျက်နှာတော်လို အနေမျိုးဖြစ်သည်။ စာအုပ်ဟောင်းများကတော့ ၀ယ်သူကို သက်တမ်းအားဖြင့် ဆွဲဆောင်မည်။ စာအုပ်၏ နောက်ခံသမိုင်းဖြင့် ဆွဲဆောင်မည်။ စာအုပ်အဟောင်းများသည် ဣနြေ္ဒထက် ဘ၀ရပ်တည်မှုကို အလေးကဲနေရသည့် ခရီးသွားဟန်လွှဲ တွေ့ရတတ်သော မိန်းမပျိုမျက်နှာ မျိုးဖြစ်သည်။ စာအုပ်အဟောင်းများသည် စာအုပ်အသစ်များထက်ပို၍ ကျွန်တော်တို့နှင့် ရင်းနှီးကျွမ်းဝင်လွယ်ပါသည်။

စာအုပ်ဟောင်းများတွင် ပိုင်ရှင်ဖြစ်ခဲ့ကြဖူးသူများသည် တစ်ဦးတစ်ယောက်မက ရှိနိုင်ပါသည်။ ပိုင်ရှင်တစ်ဦးတစ်ယောက်စီတိုင်း၏ ဘ၀တစ်ခုစီတွင် ထိုစာအုပ်ဟောင်းများသည် သေးငယ်လွန်းသော အစိတ်အပိုင်းတစ်နေရာအဖြစ် ဖြစ်တည်ခဲ့ကြသည်ကပဲ ကျွန်တော်တို့နှင့် ရင်းနှီးကျွမ်းဝင်စေသလား မပြောတတ်ပါ။ ကျွန်တော့်အတွေ့အကြုံအရ တစ်ခါတစ်ရံတွင် စာအုပ်ဟောင်းများဆီမှ ပိုင်ရှင်ဟောင်းများ၏ ဘ၀အငွေ့အသက်များကို ပုံစံတစ်မျိုးတစ်ဖုံ ဖြင့် ရရှိတတ်ပါ၏။ ပထမစာမျက်နှာများပေါ်က ပိုင်ရှင်ဖြစ်ကြောင်း ဂုဏ်ယူလက်မှတ်များမှသည် အဓိပ္ပါယ်တစ်မျိုးမျိုးဖြင့် စာအုပ်ကြား ညှပ်ထားတတ် သည့် သစ်ရွက်ခြောက်များ၊ စာရင်းစာရွက်များ၊ လိပ်စာကဒ်များ၊ ဘုရားပုံတော်များ၊ ဂါထာမန္တာန်များ၊ ပေးစာများ၊အဖြူအမည်းဓာတ်ပုံများလို ပုဂ္ဂိုလ်ရေး ဆန်သည့် အချက်အလက်များအပြင် စာအုပ်၏ နောက်ဆုံးစာမျက်နှာများပေါ်က တယ်လီဖုန်းနံပါတ်များ၊ ပေါက်ပန်းသေးစကားစုများကလည်း ပိုင်ရှင်ဟောင်းများ၏ ဘ၀ထင်ဟပ်ချက်များပင် ဖြစ်ပါသည်။ ရှေးကျသော ပင်လယ်ဓားပြများသည် မိမိတို့ တိုက်ယူရရှိလာသည့် ရတနာများကို လူသူအရောက် အပေါက်နည်းပြီး ဝေးလံလှသော ကျွန်းများပေါ်တွင် မြှပ်နှံထားတတ်ကာ ရတနာမြေပုံကိုလည်း အပိုင်းပိုင်းစုတ်ဖြဲ၍ ဝေပုံကျသိမ်းဆည်း ထားသည့် အလေ့ရှိ ခဲ့ကြသည်။ စင်စစ် စာအုပ်ဟောင်း စုဆောင်းသူများသည် ရှေးကျသော ပင်လယ်ဓားပြ၀င်စားသူများ ဖြစ်ကြပါသည်ဟု ဥပမာပေးလျှင် တုံးကောင်းတုံးနိုင် သော်လည်း သည့်ထက်ရိုးရှင်းလိုက်ဖက်သည့် ဥပမာကို ကျွန်တော်ရှာမရပါ။ စာအုပ်ဟောင်းများကတော့ ရတနာမြေပုံနှင့် ပတ်သက်၍ သဲလွန်စ တစ်စုံတစ်ရာ ပေးနိုင်စွမ်းသော ဆက်သွယ်ချက်မျိုးုဖြစ်နိုင်ပါသည်။ စာအုပ်ဟောင်းပုံကြီးထဲ ကြာရှည်ကြာမျော မွှေနှောက်နေရသည်ကပင် အရိုးခေါင်းအလံ ခပ်ညစ်ညစ် ကို ရွက်တိုင်ထိပ်ထောင်ပြီး ရေနက်ပိုင်းထဲ ရွက်လွှင့်တိုးဝင်နေသည့် ပင်လယ်ဓားပြလှေဦးပေါ် တင်တင်စီးစီးအနေအထိုင်မျိုးဖြင့် လိုက်ပါလာ သော ပင်လယ်ဓားပြတစ်ဦးက ရွှေဒင်္ဂါးပြားများကို ပွတ်သပ်အရသာခံနေသလိုမျိုးဖြစ်ပါလိမ့်မည်။

ရောဂါတစ်ခုထက်ပင် သာပါသည်။ စာအုပ်ဟောင်းစုဆောင်းခြင်းဝါသနာ ဆိုသည်မှာ။ ကျွန်တော်တို့လို စုဆောင်းသိမ်းဆည်းသူများလိုပင် စာအုပ် ဟောင်းရောင်းချသူများမှာလည်း အကြောင်းအားလျော်စွာ စာအုပ်ဟောင်းများ ဟန်ကျပန်ကျ မရှာဖွေနိုင်သော နေ့ရက်များရှိပါသည်။ ထိုအခါ စာအုပ် ဟောင်းများ၏ တစ်စစရှားပါးလာမှုကို ကျွန်တော်တို့ချင်း စကားဝိုင်းဖွဲ့ကြရုံပဲ ရှိတော့သည်။ စာအုပ်ဟောင်းဆိုတိုင်း အဖိုးနှုန်းချိုသာသည်ဟုတော့ တရားသေ မမှတ်ယူစေလိုပါ။ အချို့ရှားပါးစာအုပ်ဟောင်းများသည် ခန့်မှန်းမရအောင်ပင် တန်ဖိုးမြင့်မားနေတတ်ပါ၏။ စာရေးဆရာတစ်ယောက်၏ စာအုပ်တစ်အုပ်သည် ယနေ့အချိန်တွင် အပြင်အဆင်အသစ်ဖြင့် ဝေေ၀ဆာဆာပြန်ထွက်ပါလျက် ဈေးနှုန်းလည်း သင့်တော်ပါလျက် ကျွန်တော်တို့လို စာအုပ်ဟောင်းစုဆောင်းသူများသည် အဘယ်ကြောင့် အဟောင်းအမြည်းစာအုပ်ကိုသော်မှ ဈေးကြီးပေးကာ ၀ယ်ယူနေကြပါသနည်း။ တကယ်တမ်း ကျွန်တော်တို့သည် ပိသာချိန်ဖြင့် ငရုတ်သီးမှုန့်ထုတ်ရန်သာ ရှိသော အမှိုက်ထုတ်များကို ၀ယ်ယူစုဆောင်းနေကြခြင်းမဟုတ်ပါ။ ကျန်ရစ်ခဲ့သော ခေတ်စနစ်တွေကို ၀ယ်ယူစုဆောင်းနေခြင်းသာ ဖြစ်ပါသည်။ စာအုပ်ဟောင်းတစ်အုပ်ထဲမှ မတော်တဆ မှားယွင်း ပါလာသော သတ်ပုံအမှားအယွင်း ကလေးတစ်ခုကပင်လျှင် ထိုစာအုပ်ထုတ်ဝေခဲ့သည့် ခေတ်ကာလကို ညွှန်းဆိုပြနေသည်။ စာအုပ်ဟောင်းများကို တန်ဖိုးစံသတ်မှတ်ရာတွင် စာအုပ်၏ သမိုင်းဆိုင်ရာထည့်ဝင်မှုအလိုက် စာအုပ်ဟောင်းရောင်းဝယ်သော ကျွမ်းကျင်သူဂုရုများ၏ အကဲဖြတ်ချက်ပေါ် တည်မှီပါသည်။

သည့်ထက်ပို၍ စိတ်ဝင်စားစရာကောင်းတာ ရှိပါသေးသည်။ ၄င်းသည် စာအုပ်ဟောင်းစုဆောင်းခြင်းဝါသနာအတွက် ပင်မဒေါက်တိုင်ဖြစ်သော စာပေစိစစ် ရေးပင်ဖြစ်သည်။ ကျွန်တော် ကြီးပြင်းခဲ့သော ကာလတစ်လျှောက်လုံး အစိုးရ၏ စာပေစိစစ်ရေးယန္တရားသည် ကောင်းမွန်သည်ထက် သာလွန်စွာ လည်ပတ်ခဲ့ပါသည်။ အစိုးရ၏ မူဝါဒနှင့် ငြိစွန်းသော စာအုပ်ကောင်းများစွာတို့သည် ပြန်လည်ထုတ်ဝေခွင့်မရဘဲ ရောင်းချရန် ပိတ်ပင်ခံရသည်များပင် ရှိခဲ့သည်။ ယင်းအချက်သည် နောင်အခါ စာအုပ်ဟောင်းစုဆောင်းခြင်းဝါသနာရှင်များ ပေါ်ထွက်လာစေဖို့ အစိုးရက စီမံချက်ချပေးလိုက်သည့်နှယ်ပင်။ ကျွန်တော်သည်လည်း ယင်းစီမံချက်မှ သင်တန်းသားလေးတစ်ဦးသာလျှင် ဖြစ်ပါသည်။ ကိစ္စရပ်တိုင်းလိုလိုမှာ ဆီလျော်သော တွဲလုံးလေးများ ရှိနေတတ်သည်။ နှင်းဆီတစ်ပွင့်၏ အလှသည် ဆူးရိုးတံနှင့်ပင် မပြီး၊ ဆူးရိုးတံပေါ်က ဖြာထွက်နေသည့် နှင်းဆီသစ်ရွက် တစ်ရွက်နှစ်ရွက် ဖြည့်စွက်လိုက်မှသာ ပြည့်စုံသွားမည်။ စာအုပ်ဟောင်းများနှင့် စာအုပ်ဟောင်းရောင်းသမားများ တွဲဖက်နေသကဲ့သို့ ဖြစ်ပါသည်။ ယခင်အစိုးရ၏ တိတ်တဆိတ်အောင်မြင်လာသော ယင်းစီမံချက်ထဲတွင်တော့ စာအုပ်ဟောင်းရောင်းသမားများသည် ကျွန်တော်တို့၏ သင်တန်းမှူးများ ဖြစ်မည်မှာမုချ။

လွန်းဆက်နိုးမြတ်
The Daily Eleven ( 3.11.17 )
စာ-၈

Advertisements

ဝက်ကြီးနှင့် တွေ့ဆုံခြင်း (ကျွန်တော့်သားအပြော)

ဝက်ကြီးနှင့် တွေ့ဆုံခြင်း (ကျွန်တော့်သားအပြော)

 

စည်းကမ်းမဲ့ တထွီထွီထွေးတတ်တဲ့ ကွမ်းချိုးတက်ပါးစပ်များ၊ မီးသွေးခဲနဲ့ မဖောက်ထုံးအရောင်းအ၀ယ်များ၊ ပြည်တွင်းထုတ်ကုန် ဘယာစီယာဆိုဒ်ကြီးများနဲ့ ဝေးကွာရာ တစ်နေရာမှာ ကျွန်တော်တို့ သားအဖဟာ ၀က်ကြီးနဲ့ တွေ့ဆုံခဲ့ပါတယ်။ တကယ်တော့ ၀က်ကြီးဟာ အရွယ်အစား သိပ်ကြီးလှတယ်ရယ်တော့ မဟုတ်ဘူး။ ၀က်ကြီးကို ၀က်ကြီးအဖြစ် မူလဘူတအသိအမှတ်ပြုခဲ့တာက ကျွန်တော့်သားပါ။ အသက် ၃ နှစ် မပြည့်တပြည့်အရွယ်သာ ရှိသေးတဲ့ ကျွန်တော့်သားက မြင်မြင်ချင်းပဲ ၀က်ကြီးလို့ အမည်သညာခေါ်ဝေါ်လိုက်ကတည်းက ကျွန်တော်တို့ သားအဖကြားထဲမှာ ၀က်ကြီးဟာ ၀က်ကြီးဖြစ်လာခဲ့ရတော့တယ်။ ကြခတ်ဝါးရုံပင်ခြေရင်းမှာ ၀က်ကြီးဟာ သူ့ခန္ဓာကိုယ်ကြီးကို အေးအေးလူလူ လှဲလျောင်းကာ အိပ်စက်နေလေရဲ့။

ဝက်ကြီးဟာ တစ်ကောင်တည်း မဟုတ်ဘူး။ မည်းပြောင်နေတဲ့ ကျီးကန်းနှစ်ကောင် ရံဖန်ရံခါသုံးလေးကောင်ဟာ ကွေးကောက်ပြီး အရစ်အရစ်ထနေတဲ့ ခြေချောင်းသေးသေးလေးတွေနဲ့ ၀က်ကြီးရဲ့ ကျောပေါ်ကို တွယ်ကုတ်တက်နေတယ်။ ဒီလိုနေရင်းနဲ့မှ ကျီးကန်းတွေဟာ ၀က်ကြီးကိုယ်ပေါ်ကနေ ဟိုးခပ်မြင့်မြင့် ကောင်းကင်ထဲ ရုတ်ခနဲ ထိုးပျံတက်သွားလေ့ရှိတယ်။ တစ်ကောင်တက်သွားပြီဆိုရင် အခြားတစ် ကောင်ကလည်း သိပ်မကြာခင်မှာ လိုက်ပျံတက်သွားတတ်တယ်။ ရုတ်ခနဲ။ ကောင်းကင်ကနေ ကျီးကန်းတွေ ပျံဆင်းလာပြီဆိုရင်လည်း ၀က်ကြီးကိုယ်ပေါ်ကို တန်းတန်းဖြောင့်ဖြောင့် ဆင်းတဲ့အခါဆင်းပါရဲ့။ တန်းတန်းဖြောင့်ဖြောင့် မဆင်းဘဲ လေထုဟင်းလင်းပြင်ထဲ နှစ်ပတ် သုံးပတ်လောက် ၀ဲလှည့်နေပြီးမှ ဆင်းတဲ့ အခါလည်း ဆင်းပါရဲ့။

လဲလျောင်းနေတဲ့ ၀က်ကြီးဟာ ပါးစပ်ကြီးဟပြီး တဂွန့်ဂွန့်နဲ့ အော်နေတယ်။ ၀က်ကြီးဟာ လဲလျောင်းနေပေမဲ့လို့ ကောင်းကောင်း အိပ်စက်မနေလေဘူး။ ဗိုက်အဆီပြင်ကြီးကိုဖြစ်စေ ပေါင်သားတွဲတွဲကြီးတွေကိုဖြစ်စေ လှုပ်လိုက် နေရာရွှေ့လိုက်နဲ့ပါပဲ။ ပြီးတော့ ၀က်ကြီးရဲ့ ပါးစပ်ကလည်း တဂွန့်ဂွန့်နဲ့ မြည်တမ်းပါသေးတယ်။ ၀က်ကြီးနဲ့ မလှမ်းမကမ်းမှာ ရေအိုင်ငယ်တစ်ခုရှိရဲ့။ ၀က်ကြီးလူးတဲ့ အိုင်ပေါ့။ ၀က်လူးအိုင်ပေါ့။ လဲလျောင်းလို့ ပျင်းရိလာတဲ့အခါ ၀က်ကြီးဟာ ၀က်လူးအိုင်ထဲ ဆင်းပြီး ဗွက်လူးပါတယ်။ ၀က်လူးအိုင်အစပ်က ရွံ့သားပြင်ထဲ နှုတ်သီးကြီးထိုးထိုးသွင်းပြီး အလုပ်ရှုပ်နေချိန်မျိုးမှာ ၀က်ကြီးရဲ့ တဂွန့်ဂွန့်မြည်သံဟာ အကျယ်လောင်ဆုံးပဲပေါ့။

ကျွန်တော့်သားက မေးပါတယ်။ ၀က်ကြီးကို ဘယ်သူပိုင်သလဲ။ ၀က်ကြီးရဲ့ ပိုင်ရှင်ဟာ အနီးအနားက ကျေးရွာသားတစ်ယောက် ယောက်ပဲ ဖြစ်မှာပါ။ ၀က်ကြီးနဲ့ တွေ့ဆုံတိုင်းမှာ ၀က်ကြီးပိုင်ရှင်ဟာ အနီးအနားမှာ ရှိမနေတတ်ဘူး။ တကယ်တော့ ၀က်ကြီးဟာ မလွတ်လပ် ရှာဘူး။ အချိန်တန်ရင် ၀က်ကြီးဟာ ကြခတ်ဝါးရုံပင်ခြေရင်းဆီသာ ပြန်လာရတယ်။ ၀က်ကြီးရဲ့ လည်ပင်းမှာ အရောင်အဆင်းမရှိတော့တဲ့ နိုင်လွန်ကြိုးတစ်ချောင်းရှိပြီး ကြိုးအဆုံးဟာ ကြခတ်ဝါးရုံပင်က ၀ါးတစ်ချောင်းမှာ မြဲမြဲခိုင်ခိုင် ချည်နှောင်လို့ ထားလေရဲ့။ ၀က်ကြီးအတွက် ထားရှိပေးထားတဲ့ အစာခွက်ဟာ အမြဲလိုလို ပြောင်သလင်းခါနေလေ့ရှိတယ်။ ရေခွက်ထဲမှာတော့ ရေက မိချောင်းတောင် ပေါ်နေပါပြီ။ ကြခတ်ဝါးရုံရဲ့ အခြားတစ်ဖက်ကို ကြည့်လိုက်ရင် မနက်ပိုင်းက ၀က်ကြီးစွန့်ထားတဲ့ မစင်တုံးတွေကို တွေ့ရမှာ အသေအချာပါ။

အစာတစ်ခုကို ခြေထောက်တွေနဲ့ ယက်ရှာလိုက် ခေါင်းမော့အမောက်ထောင်ပြီး ဟိုဟိုဒီဒီကြည့်လိုက်နဲ့။ မလှမ်းမကမ်းကတည်းက တချွတ်ချွတ်နဲ့ အစာရှာနေကြတဲ့ ကြက်ဖ၊ ကြက်မ စုံတွဲဟာ ကြခတ်ဝါးရုံပင်ခြေရင်းကို တရွေ့ရွေ့ရောက်ရှိလို့ လာခဲ့ပေါ့။ ကြက်စုံတွဲဟာ ၀က်ကြီးစွန့်ထားတဲ့ မစင်တုံးတွေကို တွေ့ရှိလို့ သွားခဲ့ပေါ့။ ဧရာမအခွင့်အရေးကြီးဖြစ်လိမ့်။

ဗွက်လူးအိုင်က ထလာတဲ့ ၀က်ကြီးဟာ ကြခတ်ဝါးရုံပင်ခြေရင်းဆီ တဂွန့်ဂွန့်မြည်သံပေးပြီး တလှုပ်လှုပ်နဲ့ ပြန်လျှောက်လာတယ်။ ကြခတ်ဝါးရုံပင်ခြေမှာ ကျေးရွာသားတို့ အကြိမ်ကြိမ် ခုတ်ဖြတ်ထားလို့ ကြခတ်ဝါး အပိုင်းအပြတ်တွေဟာ ၀ါးရုံပင်မှာ အထပ်ထပ်ဖြစ်နေရဲ့။ ၀က်ကြီးဟာ ကြခတ်ဝါးပင်ခြေက အဲဒီ့ကြခတ် အပိုင်းအပြတ် အထပ်ထပ်ပေါ်ကို လေးလံလှတဲ့ သူ့ခန္ဓာကိုယ်ကြီးနဲ့ အင်အားပြည့် ဖိမှီလိုက် တယ်။ ပြီးတာနဲ့ ကျောကုန်းပြင်ပေါ်က အစိတ်အပိုင်းတွေကို လိုသလို ရှေ့တိုးနောက်ငင် တိုးရွှေ့ရင်း ၀က်ကြီးဟာ အယားဖြေနေလေရဲ့။ တဂွန့်ဂွန့်မြည်သံဟာ ၀က်ကြီးဆီက ထွက်လာပေါ့။

ကျီးကန်းတွေရယ်လေ။ ၀က်ကြီးရဲ့ ကြေးအထပ်ထပ်ညစ်ထေးပြီး ပြောင်သလင်းခါနေတဲ့ ဇောက်နက်နက် ပလတ်စတစ်အစာ ခွက်နှုတ်ခမ်းပေါ် တက်နားပြီး ခွက်အောက်ခြေက ၀က်စာကြွင်းတွေကို နှုတ်သီးနဲ့ လှမ်းလှမ်းထိုးဆိတ် စားသောက်ကြတယ်။ ကျီးကန်း မည်းတူးတွေဟာ ရေခွက်ထဲလည်း ခြေနှစ်ဘက်နှစ်ပြီး နှုတ်သီးထိုး သောက်လားသောက်ရဲ့။ ကြက်တွေနဲ့ အပြိုင် ၀က်ကြီးရဲ့ မစင်တုံးကို ထိုးဆိတ်လား ထိုးဆိတ်ရဲ့။ နေ၀င်ပြီဆိုတာနဲ့ ၀က်ကြီးရဲ့ ပိုင်ရှင်ဟာ ၀က်ကြီးရဲ့ မစင်တွေကို ပွထနေအောင် ကျုံးယူသိမ်းဆည်းလှဲကျင်း ပေရော့။

ဝက်ကြီးရှိတဲ့ ကြခတ်ဝါးရုံနားကို ဟိုဟိုဒီဒီလျှောက်လေလွင့်နေတဲ့ ခွေးမြီးပြတ်တစ်ကောင်ရောက်လို့လာတယ်။ ဆာလွန်းလို့ ထင်ပါရဲ့။ ပြောင်သလင်းခါနေတဲ့ ၀က်စားခွက်ကိုပဲ သူ့စုတ်ချွန်းချွန်းဦးခေါင်းပိန်ပိန်ကို အတင်းထိုးရင်း လျှာနဲ့ တပြက်ပြက်လျက်လေတယ်။ ၀က်ကြီးဟာ ဒါကိုမြင်ပေမဲ့ မျက်လုံးမှေးပြီး အသာပဲ ကြည့်နေတယ်။ ၀က်စားခွက်ထဲမှာ အစာတွေသာ ပြည့်နေခဲ့မယ်ဆိုရင် ဘယ်ဒီလို ၀က်ကြီးနေလိမ့်မလဲ။ ခွေးမြီးပြတ်နား အိပဲ့ပဲ့ ပြေးသွားပြီး တစ်ခါတည်း နှုတ်သီးနဲ့ ထိုးမှာပေါ့။ ပါးစပ်ကလည်း တဂွန့်ဂွန့်အသံကို အကျယ်ကြီး အော်မှာပေါ့။

ခုတော့ ခွေးမြီးပြတ်လည်း မရှိတော့ပါဘူး။ ခွေးမြီးပြတ်အနားမှာ မျက်စိနောက်အောင် ရှုပ်ရှုပ်ခတ်နေခဲ့တဲ့ မည်းတူးတူး ကျီးကန်းနှစ်ကောင်သာ တအာအာအသံပေးရင်း ဟင်းလင်းပြင်ထဲ ၀ဲလှည့်လို့နေရဲ့။ ခွေးမြီးပြတ်ဟာ တွက်ချေမကိုက်တဲ့ ၀က်ကြီးနားကနေ နောက်တစ်နေရာဆီ လေလွင့်သွားခဲ့ပါပြီ။ ၀က်ကြီးလည်း မြေပြင်ပေါ် ဗိုင်းခနဲ လှဲချလိုက်ရင်း ဘယ်နှကြိမ်မြောက်မှန်း မသိတဲ့ အိပ်စက်ခြင်း အမှုကို ပြုနေပါပြီ။

အအိပ်ဆတ်တဲ့ ၀က်ကြီးဟာ အအိပ်လည်း သွက်ပါတယ်။ တရှူးရှူးနှာမှုတ်သံပေးပြီး ၀က်ကြီးဟောက်နေပါတယ်။ သူ့ကျောကုန်း ပေါ်က ဂဏှာမငြိမ်တဲ့ ကျီးကန်းမည်းတူးတွေကြောင့်မဟုတ်ရင် ၀က်ကြီးဆီက တဂွန့်ဂွန့် မည်တမ်းသံကို ကျွန်တော်တို့ သားအဖ နောက် တစ်ကြိမ် ထပ်ကြားရလိမ့်ဦးမယ်မဟုတ်။

 

လွန်းဆက်နိုးမြတ်
၎.၁.၁၆
လွတ်လပ်ရေးနေ့
၁၁း၂၃ ည