သတိလည်ခြင်း

သတိလည်ခြင်း

အားလုံးကို ငါပြန်မှတ်မိ။
မဟာပေါက်ကွဲမှု၊ လူသားဘ၀ဆင့်ကဲဖြစ်စဉ်
ကျေးကျွန်များနှင့် စုတ်ချွန်းချွန်းဘုရင်များ အာဏာရှင်ပိရမစ်များ
စောက်ရူးနပိုလီယံ ပထမကမ္ဘာစစ်တရားခံ ဂျာမဏီနဲ့ ဖင်ယားနိုင်ငံများ
( သြစတြီးယား ဆားဘီးယား ဘော့စနီးယား)
ဟိုင်း ဟစ်တလာ- လူထုကြီးရဲ့ လိင်တံတွေ မိုးပေါ်ပင့်မြှောက်လျက်
ဂျူးအသားကင်ညှော်နံ့တလူလူ။
အီးအီကွဲတူအမ်စီစကွဲယားအီကွဲတူအိုင်းစတိုင်းအီကွဲတူအီကွဲတူအီကွဲ…
မာဗယ်ကော့မစ်ဘုတ်ထ်ထဲက လူလွန်မအကောင်တွေရဲ့ ခေတ်ပဲ။
ဒီလိုနဲ့ ကန်တွေပဲ
တစ်လျှောက်လုံး ငပွကြီးလုပ်နေတော့တာပဲ။
တစ်ခုချင်း တစ်ခုချင်း ငါ ပြန်မှတ်မိ။

 

ဆုံးရှုံးခဲ့ရသမျှ ငါပြန်ရရှိ။
အသေဆိုးနဲ့ မွန်ရိုး မိုက်ကယ်ဂျက်ဆင်ရဲ့ ခပ်ရွရွခြေထောက်
ပင်နယ်တီမ၀င်တဲ့ ဘတ်ဂီယို့ဘောလုံး
သေနတ်များနဲ့ ပန်းပွင့်များ အေစီ ဒီစီနှစ်ကာလများ ဟော်တယ်ကယ်လီဖိုးနီးယား
ကလေးရော ခွေးရော ကိုက်ပြီးလက်စပန်းသီးနဲ့မှ အလုပ်ဖြစ်ပုံ။
ဥပုသ်လတွေ နှစ်တိုင်း ကြည်နူးပုံ။
ဘုရားကျောင်းမှန်မှန်တက်ပုံ။
သင်တို့ရဲ့ ဘာသာ လူမျိုး အသားအရောင်
စောက်ရမ်းစောက်ရမ်းစောက်ရမ်းစောက်ရမ်း             ခွဲခြားပုံ။
ကုလားဆိုတာနဲ့ ဓားကြိမ်းကြိမ်းပုံ။
မွတ်စ်ဆိုတာနဲ့ အစွန်းရောက်အဖြစ် ဇွတ်ယူဆလိုက်ပုံ။
တစ်ခုချင်း တစ်ခုချင်း ငါ ပြန်ရရှိ။

လွန်းဆက်နိုးမြတ်
၁၀.၆.၁၆
ည ၁၁း၂၁ နာရီ

Advertisements

ငြီးငွေ့သူတစ်ဦးရဲ့ မှတ်စု

ငြီးငွေ့သူတစ်ဦးရဲ့ မှတ်စု

 

ရွှေတွင်းတွေ
လူတန်းစားကွဲပြားမှုအတွက်
ရွှေတွေ ထွက်မြဲပါပဲ။
အကြမ်းဖက်သတင်းတွေ ရိုးအီလာတယ်။
ကိုယ့်သမီးရင်းနဲ့ ဖြစ်ဖြစ်
မြင်းတစ်ကောင်နဲ့ ဖြစ်ဖြစ်
လိင်ဆက်ဆံတယ်ကြားရလည်း မဆန်းကြယ်။
ကမ်းခြေတစ်ခုပေါ်မှာ
ပင်လယ်ခြားဖြတ်ကျော်ခိုးဝင်လာတဲ့
မှောက်လျက်ကလေးငယ်အလောင်းတွေ။
သဘာဝပတ်ဝန်းကျင်ထိန်းသိမ်းရေး
လက်ကမ်းစာစောင်တစ်ရွက်
စက္ကူစွန်ချိုးလွှင့်ပစ်လိုက်တယ်။
လုဟာ
အရာရာကို ငြီးငွေ့ကုန်ခမ်းသွားတဲ့အခါ
ကိုယ့်အသက်ကိုယ်
ပြန်ရန်ရှာတတ်တဲ့ သဘောရှိရဲ့။

 

လွန်းဆက်နိုးမြတ်
၁၇.၅.၁၆
မနက် ၁၂း ၃၅ နာရီ

ဆာမူရိုင်း ၂၆

tumblr_n17oj31Lz31s9sbkto1_1280ဆာမူရိုင်း ၂၆

 

ညအမှောင်ထုအောက်
ပြည့်တန်ဆာမ နာဖျားမှောက်
ငါ့ကျောပေါ်ထမ်းလျှောက်။ ။

 

လွန်းဆက်နိုးမြတ်
aug 16,2014

ဆာမူရိုင်း ၂၄

4be68f0b4855ea94b9aa073e11d2d329ဆာမူရိုင်း ၂၄

 

သေပြီးသား သူရဲကောင်းက
မပျက်စီးဘူး။
ရှင်သန်ဆဲ သူရဲကောင်းက
သူရဲကောင်းအဖြစ်မှ
ပျက်စီးနိုင်တယ်။
ဆရာသခင်ရဲ့ မြေပုံရှေ့မှာ
ငါဟာ အကြာကြီး ရပ်တန့်လို့။ ။

 

လွန်းဆက်နိုးမြတ်

ဆာမူရိုင်း ၂၃

imagesဆာမူရိုင်း ၂၃

 

တစ်ယောက်ချင်း
ချိန်းဆို စီးချင်းထိုးပွဲမှာ
သူ့ယောကျာ်းကို မသတ်ဖို့
သားသမီးတွေကို သနားဖို့
ခန္ဓာကိုယ်ပုံအပ်ကာ
အမျိုးသမီး ဆိုရှာတယ်။

ငါ ပြန်ဖြေတယ်။
ဓားသမားရဲ့ ကျင့်ဝတ်က
သူ့မယားကို မှိဝဲဖို့မဟုတ်သလို
ဓားရဲ့ ကျင့်ဝတ်ကလည်း
အမှန်တရားကို မျက်ကွယ်မပြုဘူး။
သားသမီးကို သနားဖို့ဆိုတာကတော့
ဖခင်တစ်ယောက်ရဲ့
ပင်ကိုယ်ကျင့်ဝတ်သာဖြစ်တယ်။ ။

 

လွန်းဆက်နိုးမြတ်

ဆာမူရိုင်း ၂၂

Samurai_Rain_by_Artnaitveဆာမူရိုင်း ၂၂

 

ဂိုဒိုင်ဂိုခေတ်လက်ကျန်
ဇရပ်ပျက်တစ်ဆောင်မှာ
မိုးခိုစရာ တစ်နေရာရှိတယ်။
ငါ အရင်ရောက်ပေမဲ့
ခရီးသွား သားအမိငဲ့ကွက်
မိုးပြင်းလေပြင်းကြား
ငါ မနားတမ်းဆက်သွားတယ်။
အခု
ငါကိုယ်တိုင် မိုးစက်။ ။

 

လွန်းဆက်နိုးမြတ်